Yova kʉ utaratibu dhi Mungu. (1 Wakorinto 14:33) Føri dho kedzá ndrŭ dhó lo ma kpeni kpe ddi. Wakristo dhó kutaniko nǎ lo ká kpeni ngbaribbai? Ko ká ka ko njiri ngbǎ nja fø lo njini d’e?

1. Kutaniko djó bbonga ká kʉ ie?

“Kutaniko djó bbonga kʉ Yesu.” (Waefeso 5:23) Ra nǎ ro, ke chutso ddá Yova dzá ndrŭ nji dz’ djolu gble ná njí dho. Yesu lingʉe “nyodyu dhi chi njí dhi noke,” føri kʉ dhídhi kiroho nǎ ná wazee dhó kikundi, fø kikundi le adi nzi Lo dho chutso ná Baraza. (Azø Matayo 24:45-47.) Karne ya kwanza na mitume ma, Yerusalemu nǎ wazee ma na ngʉ adi chutso ddá nari bbai, Lo dho chutso ddá ná Baraza nǎ kpa adi chutso ddá dz’ djolu gble kʉ ná kutaniko krʉ dho. (Matendo 15:2) Fø kpa nga kʉ kodhó tengenezo djó bbobbonga ri. Kpa adi Biblia zø ndiro ndima chu Yova ji ndima njí ná lo d’e ndirigoti kpa adi ngarr Yesu dhó chutso ddadha dho.

2. Wazee ká kʉ ie ma ndirigoti kpadhó njí ká kʉ addu?

Wazee kʉ b’lo tøni chi Yova dho cho bí kana ná Wakristo. Kpa adi longaddi Yova dzá ndrŭ dho Biblia chulu, kpa adi fø ndrŭ tsotso kó ndirigoti kpa adi fø ndrŭ li kpakpa. Kpa dho nzɨ le adi mbø bbʉ ndima nji ná njí dho ri. Føri rɨngana, “kpa njínji ji ndima nanga jini ro Mungu njí, nzɨ ndima rine le bbʉ ndima kobe nga kʉ chi ná chulu ro, ro bbʉ ndima bbʉ ndima ro.” (1 Petro 5:1, 2) Wazee tsotso adi kó nari e watumishi wa huduma ma, føri kʉ ngbà ka ndima si ngʉ wazee ná kpa.

Lo dho chutso ddá ná Baraza nǎ kpa adi nja wazee vʉ ndima e wangalizi wa muzunguko. Fø wangalizi adi njonjo kʉ ná kutaniko ronga bé nja ndima ddá chutso ndirigoti ndima li le-djoi ma, le-vei ma na kpakpa d’e. Wangalizi adi nja kʉ ná le-djoi vʉ ndima e wazee ma, watumishi wa huduma ma.​—1 Timoteo 3:1-10, 12; Tito 1:5-9.

3. Yova dzá Dimu krʉ dhó njí ká kʉ addu?

Kutaniko nǎ ndrŭ krʉ “adi madha bbʉ Yova ró dho dho” jibu ndima bbʉ, hotuba ndima bbʉ, onyesho ndima nji, dyi ndima ngo ndirigoti lo ndima d’ra nari chulu.​—Azø Zaburi 148:12, 13.

 ANE LONANGA BBO

4. Yesu kʉ bblo kʉ ná bbonga

Yesu adi ko nzi hwè na. Azø Matayo 11:28-30, ndirigoti anitilo i ngadhudha djo:

• Yesu ká kʉ ngbadi ná bbonga, ndirigoti ke ká riji ko mbu ko ngbaribbai?

5. Wazee adi longaddi ndima dhó loroji chulu

1. Wazee adi rili ndima kana nga e chøchø Yova na ndirigoti kpa adi ndima bbá familia tsotso ma kó ddi ndiro kpa ma njiri fø ddi d’e

2. Wazee adi ngaddi kutaniko nǎ ndrŭ krʉ djo

3.   Wazee adi lod’ra bí ina

4. Wazee adi longaddi ndrŭ dho. Kpa adi usafi ma nji, nja njí ma na

6. Ko ka ko njinjí ddinga wazee ma na

Biblia d’ra wazee dho ko ka ko rrnga dho ná bbo na mana kʉ ná lo. Azø Waebrania 13:17, ndirigoti anitilo i ngadhudha djo:

• Biblia ripo ringani ko rrnga chutso ddá ko dho ná kpa dho. Fø lo ká ni nja ngbaribbai?

Azø Luka 16:10, ndirigoti anitilo i ngadhudha djo:

• Ká addudho ri kʉ bblo ko di ngarr wazee dho njati rie rere lo kana ma ri ró?

 LO DZÁ DɄNGA

Yesu kʉ kutaniko djó bbonga. Ko adi ngarr wazee dho hwè na dhonalo kpa njínji kedhó bbonga tsena, kpa adi ko iso ma pɨ, ndirigoti kpa adi longaddi ko dho ndima dhó loroji chulu.

Lo djolu le ngʉ nari

• Kutaniko djó bbonga ká kʉ ie?

• Wazee ká adi kutaniko tsotso kó ngbaribbai?

• Yova má ná ndrŭ krʉ dhó njí ká kʉ addu?