“Hwè kʉ dho nari kʉ Mungu dzá lo rr ndirigoti ndima njinjí ri na ná ndrŭ!”​—Luka 11:28, Tafsiri ya Ulimwengu Mupya.

Ni ka ni é bbʉbbʉ kʉ ná jidha na.​—Efeso 5:28, 29.

Ni ka ni ba madha.​—Efeso 5:33.

Ni ka ni é b’odidha na.​—Marko 10:6-9.

Ngbao. Biblia po ná fø lo ko ka ko u dho ná lo ro akopo aro kpali:

• Mungu kʉ familia tso nga ná ke. Biblia pori nari kʉ “krʉ kʉ ná familia . . . ba ndi ró dho” Yova dhó ro. (Efeso 3:14, 15) Nja lo nǎ le ka le pori familia kʉ ndi tso Yova ngangʉe ná lo dho. Nde, fø lo ká kʉ mana na bbo addudho?

  Loroji na: Njati ni nyó djú o ná nyo ndirigoti ni ji ni chu addu ma le li fø nyo nǎ nari ró, ká ni ka ndi dhunga ie tso? Bbʉbbʉ dhé, ni ka ni dhunga nyo rɨ ná le tso.

  Føri bbai, ndiro ko chú ngbaribbai ma le ka le di hwè na dza nǎ nari d’e, ringani ko dhunga Yova tso, dhonalo ke i kʉ dza tso nga ná ke.​—Mwanzo 2:18-24.

• Mungu nanga ni dzá lo d’o nì. Familia ka ndi é nyodyu na njati familia nǎ krʉ kʉ ná ndrŭ di Yova ja Biblia chulu ná lo dyø ró. Ká addudho? “Dhonalo ke nanga nidhi lo adi d’o nì.” (1 Petro 5:6, 7) Yova ji bblo pli kʉ ná lo ni dho ndirigoti kedzá yadha e bblo dhé krʉ ddo ró!​—Mezali 3:5, 6; Isaya 48:17, 18.