SOMO 15
Atilo ngbà ndrŭ ka ndima u nidhó lo ná chu nǎ
1 Watesalonike 1:5
LO DZÁ DɄNGA: Adhori nari kʉ ni u ni loti djo ná bbʉbbʉlo u ndirigoti ni ti nari kʉ bbo na mana kʉ ná lo.
RI NI KA NI NJÍ NÁ CHU:
-
Atayarisha ni bblo. Azø ni si loti djo ná lo nanga bblo kpø ni ra ngbaribbai ma maandiko dho fø lo dzá bbʉbbʉnga nari famu ná nga djo. Amburi ni tu nidhó bbobbo lo nanga tse ndrŭ ka ndima famu ná lo nǎ. Addinga ngbaribbai ma fø lo ka ndi kó ndrŭ tsotso nari djo. Ndirigoti anzinga ni ba roho takatifu d’e.
-
Anjinjí ngbà ndrŭ ka ndima u ná lo na. Kichapo nǎ kʉ ná lo djolu dhé ni di é ngʉ nari rɨngana, anjinjí ni nganga dhó lo na. Ni ti ná lo nǎ adhori dhǒ ni u fø lo u.
-
Ati ni thí nǎ ro si ná lo. Atilo bblo ni chu na. Anja lo rr ná ndrŭ ro maddi rie nga fø le rinji nari e che ni kʉ ná ngana ri ró.
