Ako nidhó lo rr ná ndrŭ tsotso ndima ne ndima nanga. Adhu nzá goti kpa ka ndima ngʉ pʉlʉpʉlʉ ná ngadhudha kpa tsó ndiri kó kpa tsotso kpa ne ndima dhó ngaddidha nanga d’e.

Ako kpa tsotso kpa é bblo nganjadha na. Ako kpa tsotso kpa chu ndima ká adi bblo lo nji addudho ma nari. Ako kpa tsotso kpa é bblo nganjadha na Yova ma, nja ndrŭ ma ndirigoti Biblia nǎ mafundisho dho ndima kʉ na ná jidha djo. Addinga kpa ma na Biblia nǎ lo djo, nzɨ di kpa ka ndima njí ná lo dhé po. Ni ti ná lo chulu nzɨ liri kpa mbu ndima che, ro nidhó lo tso dyani ná saa djo ringani kpa mbu ndima kpakpa ndirigoti bblo lo njidha dho le cho nari bbai.

Adrr kpadhó nganjadha Yova djo. Adho ngbaribbai ma Biblia nǎ mafundisho ma, kanuni ma, yadha ma na Mungu dhó sifa dhǒ nari ndirigoti ke ji ko nari dhǒ nari. Acho kpa ronga kpa é Yova kʉ na ná nganjadha na ndirigoti kpa njí ke ji ná lo.