SOMO 8
Longaddi ná loroji
Matayo 13:34, 35
LO DZÁ DɄNGA: Athɨ ni ddi ná lo ronga ngbà ka ndi tho ndrŭ nyǒ ndirigoti bbo na mana kʉ ná lo nanga ka ndi tu ná dhʉdhʉ kʉ ná loroji na.
RI NI KA NI NJÍ NÁ CHU:
-
Avʉ dhʉdhʉ kʉ ná loroji. Yesu ngʉ rinji nari bbai anjinji nini kʉ ná loroji na ndiri na ni tu bbobbo kʉ ná lo nga, ndirigoti ni njinjí dhʉdhʉ kʉ ná loroji na ndiri na ni tu kpakpa kʉ ná lo nga. Nzɨ ndri ngana mana kʉ ná lo loroji na dhonalo ri ka ndi liri nzɨ ndrŭ famu ni bbʉ ná loroji ró. Anji kpakpanga ndiro ni bbʉ ná loroji tso nju ni ji ni ddi ndrŭ dho ná somo na dhonalo njati ni tu nini lodju nanga bbo ró, lo rr ná ndrŭ nzá ka ndima famu addudho ma ni bbʉ fø loroji nari ri.
-
Addinga lo rr ná ndrŭ dho ka ndi bbʉ faida ná lo djo. Avʉ lo rr ná ndrŭ adi nji ná njí ndirigoti kpa jirie ná lo djo tilo ná loroji. Adi krr ndiro ni bbʉ ná loroji nzɨ liri kpa mbu ndima che inga ri kani ka kpa lu.
-
Addi bbo na mana kʉ ná longa. Atu loroji nǎ bbo nǎ mana kʉ ná longa ka ndi ddi ndrŭ dho ná lo nanga, nga ri nǎ nini lo ri. Anji kpakpanga ndiro lo rr ná ke nó ni bbʉ ná loroji nga ndirigoti ri nǎ somo nga maddi.
