Mungu kasi ndrŭ nyo-dda njʉ krʉ ddi chuna. Ndrŭ ki ro kasi dhe vi nzɨ; dzz ndrŭ dzz dho ná lo ki ro ka e nga; ndrŭ ki nzɨ kasi høni vi ri; ndrŭ ronga ki ro ma nzɨ ddi ka si ndi ri.”​—Ufunuo 21:3, 4 Contemporary English Version.

Ni ka ni uri u nari kʉ, njʉ ko ba ná nzadha nzɨ si Mungu dhó ro ri.​—Yakobo 1:13.

Ni iso ka ndi pɨni pɨ ni chú ngbaribbai ma Mungu adi ndi mbu nza ko nzani ná saa djo nari ró.​—Zekaria 2:8.

Ni ka ni é na ná ngab’odha kʉ krʉ kʉ ná nzadha tso si d’ød’ø.​—Zaburi 37:9-11.

Ngbao. Biblia po ná fø lo ko ka ko u dhonalo ro akopo aro kpali:

• Mungu ndro nzadha ma, nga kʉ chø ná lo ma na ndro. Addinga ngbaribbai ma Yova Mungu nanga vongʉe drrdrr ndidzá ndrŭ ngʉ nzani ro na ri djo. Biblia pori nari kʉ “ke nanga kangʉeni bbo nza ngʉ ndidzá ndrŭ nza ná kpa djo.”​—Waamuzi 2:18, Biblia Takatifu​—Tafsiri ya Ulimwengu Mupya.

  Mungu ndro ndima lai nja ndrŭ nzá ná kpa bbo. Loroji na, Biblia pori, “nga nǎ kosa kʉ ná ju le drø nari ke ndrondro.”​—Mezali 6:16, 17.

• Mungu nanga kodhi lo adi d’o ddi ddiro. Nja ke ddiro chu ndi adi ba ná “vodha ma, nzadha ma na ngbà” ndirigoti Yova ma chu ri ddi!​—2 Mambo ya Nyakati 6:29, 30.

  Ndidzá Pidhinga chulu, Yova si krʉ kʉ ná ndrŭ dhó nzadha tso d’ø karrnga goti. (Matayo 6:9, 10) Ke adi nì ndi ne ndima thi nǎ ro krʉ ná ndrŭ iso pɨpɨ jidha kana.​—Matendo 17:27; 2 Wakorinto 1:3, 4.