“Mungu . . . si ndrŭ nyo-dda njʉ krʉ ndirigoti dhe ndrŭ dhe nari ki ro nga sie ri; dzz le dzz nari ma, hø le høni nari ma, le ronga ndi nari ki ro ma ngaddi sie ri. Ddrrddr lo ka e b’lo ndi da ro.”​—Ufunuo 21:3, 4, Tafsiri ya Ulimwengu Mupya.

Fø saa na ni si kʉ bblo kʉ ná njí ba ndirigoti ni sie hwè na.​—Isaya 65:21-23.

Fø saa na dhe le nji nari ma, nza le nzani nari ma na ki ro nga sie ri.​—Isaya 25:8; 33:24.

Fø saa na, ni si di hwè na nidhó familia ma, nidhó bbakau ma na theinga dho.​—Zaburi 37:11, 29.

Ngbao. Biblia po ná fø lo ko ka ko u dho ná lo ro akopo aro kpali:

• Mungu kʉ kpakpanga na ndi njí ndi tsoni djo ná lo. Biblia nǎ, Yova Mungu ddiro dhé nzɨni “ritsi krʉ na ka ná Ke,” dhonalo kedzá kpakpanga kʉ nga thʉ ro. (Ufunuo 15:3) Fø lo dho, ke kʉ kpakpanga na ndi njí b’lo djo ndi tsoni ná lo ndiro ndi ngʉ dz’ djonga bblo pli kʉ ná nga. Ddiddi Biblia ripo nari bbai “Mungu dho krʉ kʉ ná lo ka ndi ka ka.”​—Matayo 19:26.

• Mungu jiri ndi si ndi tsoni djo ná lo njinji. Loroji na, Yova “jiri” ndi si checheni ná ndrŭ gaga.​—Yobu 14:14, 15.

  Godhé Biblia pori nari kʉ Mungu dzá ngba Yesu gøngʉe dhe dhi ndrŭ ró dhe gø. Fø ká ke njingʉeri addudho? Dhonalo ke jingʉeri ji. (Marko 1:40, 41) Yesu dhongʉe ndidzá Baba dhó sifa kpakpalo na ngʉe ná ndrŭ tsotso ndi ngʉ kó nari na.​—Yohana 14:9.

  Føri dho ko ka ko uri u nari kʉ Yova ma, Yesu ma na nanga adi jini ji ndima kó ko tsotso ndiro ko si di hwè na gosi ná saa na d’e!​—Zaburi 72:12-14; 145:16; 2 Petro 3:9.