Ko adi riji ko bbʉ hwè Yova dho krʉ ko nji ná lo kana. (Zb 27:11) Ndiro ko njiri fø d’e, ringani ko nanga vʉ ná lo gbani gba kedhó ngaddidha na njati rie nzá ma yadha po lo ri djo pʉlʉpʉlʉ ri ró. Ko tsotso ká addu ka ndi kó ndiro ko njiri fø d’e?

Ali programu ni di Biblia zø krʉ ddo ró. Biblia ko di zø krʉ ddo ró ró, ri adi njini Yova ma na ko saa ba ko di nari bbai. Ko ka ko chú Yova dhó nganjadha, ngbaribbai ma ke ngʉ adi njini ndidzá ndrŭ na ndirigoti bblo lo ma, chelo ma na njingʉe ná ndrŭ dhó loroji djo ko lo chú nari chulu. Njati ringani ko vʉ lo nanga ró, roho takatifu ka ndi kó ko tsotso ko nó Mungu dzá lo nǎ ro ko ba ná bbo na mana kʉ ná somo ma, kanuni ma na nga.​—Yoh 14:26.

Adi utafiti nji. Lonanga ni ji ni vʉ ná saa na, adhuri ni tsó, ‘Ma tsotso ká Biblia nǎ ngbá verse inga ngbá lo ka ndi kó ndiro ma famu ngbaribbai ma Yova ndi mbu fø lo djo nari d’e?’ Anzi Yova dhó nga tsotsokodha, ndirigoti anjinjí nidhó luga nǎ kʉ ná utafiti dhi vichapo na ndiri kó ni tsotso ni ba ndirigoti ni njinjí Biblia nǎ kanuni na nidhó fø lo kana d’e.​—Zb 25:4.

ANINJA VIDEO KODHO RINGANI “KO D’Á NGATSOVEDHA NA”​—ANYO NÌ KɄ FAIDA LE NDÍ DHO NÁ NYO, NDIRIGOTI ANINGɄ I NGADHUDHA GOTI:

• Video nǎ, ko nja ná jadda le-ve ká baeni ngbá kpakpalo na?

  Nidhó jibu

• Ni ká ka ni njinjí utafiti dhi vichapo na ngbaribbai ndiro ni hwini fø di ná kpakpalo tso ró d’e?

  Nidhó jibu

• Utafiti ndirigoti funzo la pekee ko nji nari nǎ ro ká ko ka ko ba faida ngbaribbai ndiro ko vʉ lonanga bblo d’e?​—Ebr 5:13, 14

  Nidhó jibu