Chʉ adi ngaba ná lo ndrini bbo ndirigoti ri ngaba bí kʉ ná nga lú njʉ. Chʉ adi ngaba ná lo banga ná saa na, ringani le kpé lo bblo ndirigoti le ongoza lo bblo ndiro le kó nga tsotso d’e. Føri dho, Lo dho chutso ddá ná Baraza kperie chʉ adi ngaba ná lo banga ró ka ndi kó nga tsotso ná departema krʉ kʉ ná tawi lú.

Fø departema nǎ njínji ná le-djoi rr ri chʉ adi ngaba ná lo banga ddikpa nga nǎ ró, kpa adi fø eneo nǎ kʉ ná wazee jø thei, ndiro ndima chú ngbaribbai ma, le ka le kó wahubiri tsotso nari d’e. Njati rie nzá wahubiri ka ndima kó ndima tsotso nga sani bbo nari dho ri ró, tawi adi ngbà ka ndima kó nga tsotso ná le-djoi vʉ ndima kó kpa tsotso d’e. Fø le-djoi ka ndima nzi nja kʉ ná bbavolotere inga ndima nziri le bbʉ bbʉdha lazima kʉ ná ritsi dho inga ndima dzí ndirigoti ndima ndó ndrŭ dhó lo u ná ritsi ndrŭ dho.

Føri bbai le nga tsotso kó nari adi faida bbʉ bbo. Fø ri adi rili le pʉ ngana mana kʉ ná njí ma, le djǒ nanga ngbʉeni nari ma, le sae mbø nari ma, nja ritsi ma na le ró ro, fø di ná lo ka ndi banga le-djoi di lo nji ndima ji nari bbai ró.

Tawi vʉ ná fø le-djoi ka ndima nja ngbá ngatsi ma ri u mbø ma, bbavolotere ma na nga tsotsokodha dho chʉ adi ngaba ná lo banga ró nari. Kpa ka ndima tilo fø eneo nǎ leta djó bbobbonga na maddi, ná fø kpa ka ndima liri nga tsotsokodha dhi fø njí bbí lele. Føri dho, ddikpa le dho ma nzá ddi ri ro ngani ndi gbá mbø tso ndrŭ dhó ro inga ndi chó ritsi ro nga tsotsokodha dho inga ndi rá nga tsotso ko chʉ adi ngaba ná lo banga ná eneo na, rie nzá le pori ndi njiri fø ri ró.

Nì mai ri kʉ føro, ko adi riji ko kó nga tsotso chʉ adi ngaba ná lo banga ná saa na. (Ebr 13:16) Ko jirie ko djoi ji! Nde, ko ká ka ko njí addu? Bbo na mana kʉ nari kʉ, ko nzinga chʉ adi ngaba ná lo na bani ná ndrŭ dho ndirigoti nga tsotso kó fø lo kana ná kpa dho. Godhé ko ka ko bbʉ bbʉdha dz’ djo lú gble njini ná njí tsotsokodha dho. Lo dho chutso ddá ná Baraza dhó chutso ddadha chulu, tawi i ka ndi njari bblo pli ká le ka le kó nga tsotso fø mbø na ngbaga ma nari. Ndirigoti rie ko jiri ko kó ngatsotso ko ronga na ri ró, ko ka ko dhǒ ko kʉ tayari nari fomu Demande d’Admission Comme Volontaire Local de Développement-construction (DC-50) ko jaza nari chulu.

ANINJA VIDEO, BRÉSIL NA DDA CHUNGɄE NARI, NDIRIGOTI ANINGɄ I NGADHUDHA GOTI:

Brésil na dda chungʉe 2020 na nari goti Yova dzá Dimu njingʉe kpakpanga ndima kó ndrŭ tsotso d’e nari nǎ bbo ke ni nanga nari ká kʉ addu?