“Yova adi hwè ba ndidzá ndrŭ dhi lo dho.” (Zb 149:4) Nzá mai ko kaka ro, ke adi kodhó bblo kʉ ná sifa nja ndirigoti gosi ná saa na ko si nji ná lo nja. Nì mai ri kʉ føro nja saa na, ri ka ndi é kpakpa ko nja ko nganga dhó bblo sifa. Ko ka ko di ko nja nga na mana kʉ ri, nja ndrŭ njini ko na d’idhé nari dho. Ro, njati ko di ko thí li kodhó kosa djo ró, ko nanga ka ndi di rɨni rɨ Yova ji ko nari djo. Nde, ko tsotso ká addu ka ndi kó njati rie fø ko ko mbu ri ró?

Anonga nari kʉ Yova nzɨ adi lo nja ndrŭ adi lo nja nari bbai ri. (1Sa 16:7) Føri na mana kʉ, ke adi kodhó nzɨ ko nja ná lo ma nja krʉ ddi. Mbai bbo Yova dho dhonalo Biblia adi ko tsotso kó ndiro ko chú ngbaribbai ma Yova adi ko nja nari d’e. Ko ka ko famu fø lo ko di Biblia nǎ maandiko zø ndirigoti ko di ngbá ngatsi ma Yova jingʉe ndidzá njí dhi kpa nari djó lo zø Biblia nǎ ro ná saa na.

ANINJA VIDEO AURI U NARI KɄ YOVA NJI NI ZØ NGBÀ, NDIRIGOTI ANINGɄ I NGADHUDHA GOTI:

• Ngø d’a ná ke ma, kedzá baba ma na dhó loroji ká ngbá lo ddi ko dho ngbaribbai ma Yova adi ko nja nari djo?

  Your answer

• Njati bbò chenga nji ná ke njí kpakpanga ndima kana nga ngʉ bblo Yova na ró, ká ke ka ndi uri u ngbaribbai nari kʉ Yova nji ndi zø ngbà?​—1Yo 3:19, 20

  Your answer

• Daudi ma, Yehoshafati ma na dhó lo djo le-djo e ngazø ndirigoti ngaddi nari nǎ ro ká ke bae ngbá faida?

  Your answer