Biblia nǎ odio ká kʉ addu? Biblia nǎ odio kʉ i ddo ró kʉ ná Tafsiri ya Ulimwengu Mupya nǎ lo chu le lø nari. Fø lo chu lødha na le adi ra dzodzo bí kʉ ná luga nǎ ngbà ri ka ná ngatsi. Biblia nǎ lo chu le lø ná føri thonga bbo dhonalo kʉ, ri nǎ le njinjí Biblia tilo djo ná njonjo kʉ ná ndrŭ chu na. Fø lo le zørie bblo ndirigoti ri dhorie ngbaribbbai ma Biblia loti djo ná ke e ndi mbu nari, ndiro ndrŭ famu ri nǎ lo bblo d’e.

Nja ndrŭ ká adi faida ba ngbaribbai Biblia nǎ odio nǎ ro? Bí ina adi odio rr ná ndrŭ ra ri utso d’i nari kʉ Biblia nǎ kʉ bbʉbbʉlo. Kpa njari nari kʉ njonjo kʉ ná ndrŭ chu ndima rr Biblia ndima zø ro ná føri rili ndima famu Biblia nǎ lo ndirigoti ndindini ná lo bblo. (Mez 4:5) Godhé nja ndrŭ ra ri famu nari kʉ Biblia nǎ lo chu le lø nari ndima rr nari adi rili ndima iso pɨni pɨ d’o ri ndima nanga d’o ná saa na.​—Zb 94:19.

Mungu dzá lo le zø bbobbo le chu na ná føri le rr nari ka ndi lé ledhó maisha thika le. (2Ny 34:19-21) Njati rie nì Biblia nǎ odio ro kʉ sehemu ró inga lú, nì ni adi famu ná luga nǎ ró, ká ni ka ni li muradi ro ni nji ngbà ni di ri rr krʉ ddo ró d’e?

ANINJA VIDEO NGBARIBBAI MA LE ADI BIBLIA NǍ LO CHU LØ NARI​—RI DZÁ SEHEMU, NDIRIGOTI ANINGɄ I NGADHUDHA GOTI:

Ni nanga ká ngbá lo ke Biblia nǎ lo chu le lø nari djo?