• Zb 36:6​—Zaburi ndi ná ke pori Yova dzá chølo kʉ “bbò ngø [inga, “Mungu dzá ngø,” maelezo ya chini]” bbai. Ná føri na ká ke ngʉ riji ndi pori ngbǎ? (it-2-F paje 341)

  Nidhó jibu

• I yenga ddo kana ni zø Biblia nari nǎ ro, ká ni ba kiroho nǎ ngbá mali?

  Nidhó jibu

Chʉ ngaba ná lo ma, ndrŭ nji ná che lo ma na rili dz’ djolu gble kʉ ná ko djoi ma, ko vei ma na vi ndima dhó ritsi vi ndirigoti ji ndima ji ná ndrŭ ma na. (Zb 9:9, 10) Ko krʉ ka ko bani fø di ná kpakpalo na ngbà, føri dho ri kʉ bblo ko é tayari fø kpakpalo dho.

Ndiro ko gø d’e ka ndi kó ko tsotso chʉ ngaba ná lo dhi saa na ná ritsi ko tayarisha nari ró ro, a ko tsotso ká addu ki ka ndi kó chʉ ngaba ná lo dhi saa na?

• Atayarisha ni kiakili: Achuri nari kʉ chʉ ngaba ná lo adi ngaba ngodhé ndirigoti addinga ni ka ni njí ná lo djo njati ri banga ró. Nzɨ li ni thí bbo kimwili nǎ ritsi djo. Føri ka ndi kó ni tsotso ni gø nidhó shinga ma, nja ndrŭ dhó shinga ma na kimwili nǎ ritsi ni ka ni ne ndi gø ni nari djolu. (Mwa 19:16; Zb 36:9) Ndirigoti njati ni li ni thí bbo nzá kimwili nǎ ritsi djo ró, ri sie sʉsʉ ni ve ngatso rie nidhó ritsi vivi ma chʉ ngaba ná lo dhi saa na ró.​—Zb 37:19

• Atayarisha ni kiroho nǎ: Auri u nari kʉ Yova kʉ kpakpanga na nì ndirigoti ke jiri ji ndi b’o ni ronga. (Zb 37:18) Chʉ ngaba ná lo si nari njí anonga nari kʉ Yova si chutso dda ndidzá ndrŭ dho ndirigoti ke si kpa ronga b’ob’o njati ri si ngani ko gø ‘kodhó shinga’ kpali dhé ró.​—Yer 45:5; Zb 37:23, 24

Njati ko uri Yova si ndi tsoni djo ná lo nji ró, ko rili Yova é kodhó “kpakpanga njedha dhi saa na.”​—Zb 37:39.

Aninja VIDEO Ni ká kʉ tayari nì chʉ adi ngaba ná lo dho? Ndirigoti adhuri ndrǔ tso:

• Yova ká ka ndi kó ko tsotso chʉ ngaba ná lo banga ná saa na ngbaribbai?

  Nidhó jibu

• Ko ká ka ko njiri ngbǎ ndiro ko é tayari d’e?

  Nidhó jibu

• Chʉ ngaba ná lo lø ronga ná ndrŭ tsotso ká ko ka ko kó ngbaribbai?

  Nidhó jibu