• Zb 69:30, 31​—I verse ká ko tsotso kó ngbaribbai nja kodhó sala é ngbà thonga nari bbai d’e? (w99 15/1 18 §11)

  Nidhó jibu

• I yenga ddo kana ni zø Biblia nari nǎ ro, ká ni ba kiroho nǎ ngbá mali?

  Nidhó jibu

Cho 2009 nǎ Bi 1 na, Funzo la Kitabu la Kutaniko ma tso le gbangʉe Masomo ya Huduma ya Kiteokrasi ma, Mukutano wa Utumishi ma na na ndiro ri é yenga ddo kana ko adi nji ná njudha d’e. Føri kongʉe familia tsotso ndima di saa ba ngasdjó ibada ya familia njidha dho krʉ yenga ddo kana. Bí kʉ ná familia nyǒ fø mupango thongʉe bbo dhonalo ri liri kpa kana nga ngʉ chøchø Yova na ndirigoti ndima kana maddi.​—Kum 6:6, 7.

Familia nǎ lo ongoza ná ndrŭ tsotso ká ngbá lo ka ndi kó ndiro kpadhó ngasdjonga dhi ibada ya familia é bbo ndi thonga ro d’e?

• Nzɨ ni d’i ri nanga. Ngbà ri ka ró, anidi saa ba ibada ya familia dho ddikpa ina krʉ yenga ddo kana. Ri dho ni lirie ná ddo dyi ni njí ri nzá ró, anivʉ d’i ddo

• Anidi matayarisho nji. Anikpe ri ddinga nibbá le ma na ndirigoti nja saa na adi nzø dhó ngaddidha ro ma dhu ddi. Ni tayarisha ná lo dho nzá ringani ndi é bbo ri, bbo pli rie fø di ná lo djo dhé ni adi loti bí ina krʉ yenga ddo kana ri ró.

• Adi programu thí ø nidhó familia dhó mahitaji ró ro. Nzø di dhidhi ró, kpadhó lo u ná lo ma, uwezo ma na adi ndi thika øø. Ringani ni kpe ná lo kó familia nǎ ndrŭ krʉ tsotso ndima dhidhi kiroho nǎ.

• Adi jidha dhǒ, aliri lo tho ndrŭ nyǒ tho. Nja saa na anidi ibada ya familia nji arugu rie nì hewa kʉ bblo ri ró. Anidi ni ronga ro ma chʉ ddi. Nì mai ri kʉ bblo le tilo nzø bani na ná kpakpalo djo ibada ya familia dhi saa na ro, føri nga kʉ ó le ka le ó nzø na inga malipizi le ka le bbʉ nzø dho ná saa ri

• Anidi njonjo kʉ ná lo nji. Loroji na, njaro ni ka ni tayarisha njudha inga ni nja jw.org djó kʉ ná video ndirigoti ni tilo ri djo ndirigoti ni njí mazoezi ro ngbaribbai ma le ka le d’ralo nari djo. Nì mai le adi loti ddinga ngasdjonga dhi ibada dhi saa na ro, fø saa na familia nǎ ndrŭ ka ndima njí funzo la pekee maddi

Anitilo i ngadhudha djo:

• Ni ká adi rinji ngbǎ ndiro ni njinjí njonjo kʉ ná fø lo na nidhó ibada ya familia dhi saa na d’e?

  Nidhó jibu