Ni nanga ká adi jini nzɨ buku Anji maisha hwè theinga dho! nǎ kʉ ná video ma, ndrŭ dhó ngaddidha le ka le chú na ná ngadhudha ma na dho? Ri nǎ le ndi, “Nja ndrŭ adi ripo,” “Muradi,” ndirigoti “Ni ka ni chu ná nja lo” ná ngana kʉ ná lo dho ká ni nanga adi jini nzɨ? Biblia nǎ longa ni ddi ndrŭ dho ná saa na, ká ni ka ni njinjí ki ri nǎ ngbá lo na?​—Mt 28:19, 20.

Ri nǎ lo ma, video ma na: Njati ni jiri ni ddi Biblia nǎ longa fø buku dzá papie dhi ri na ró, ni ká ka ni ba ri nǎ krʉ kʉ ná video ma ndirigoti nja lo ma na ddikpa nga nǎ ngbaribbai? Elektronike dhi ri nǎ ro, ni ka ni vʉ tho kʉ ná sehemu kana ro ddikpa ri. Somo dhi liste tsena ro, ni ka ni ba fø sehemu nǎ kʉ ná lo ma, ri nǎ video ma na krʉ. (Anja ji ya 1.)

“Papie” dhi buku: Njati rie Biblia nǎ longa ni ddi ddikpa ke dho elektronike dhi buku chulu ró, ri ka ndi é bblo nja saa na ni njínji “papie” dhi ri na. Ddikpa somo ni jifunza ná saa na, ab’ʉ thá djó arø ro gbo kʉ ná nukta ndirigoti ab’ʉ Mode image le ndi ná nga ndiro ni ba “papie” dhi ri d’e. Føri ka ndi kó ni tsotso ni ddinga ndirigoti ni chu ngbaribbai ma ni loti djo ná lo ronga nju somo nǎ lo krʉ na nari. Ndiro ni ngʉ elektronike dhi ri djo d’e, ab’ʉ fø gbo kʉ ná nukta dhé ndirigoti ab’ʉ “Mode texte” le ndi ná nga.

“Ma ká kʉ tayari nì?”: Buku dzá mwisho nǎ kʉ ná visanduku nǎ kʉ ná lo ka ndi kó ni tsotso ndiro ni chú ni ká kaka ngbà lod’radha dho kutaniko nǎ ndrŭ na ndirigoti batiso badha dho nari d’e. (Anja ji ya 2.)

Longatudha: Bbo na mana kʉ ná nja lo nga le tu longatudha le ndi ná ngana. Elektronike dhi buku nǎ, longatudha dhi sehemu ya mwisho nǎ kʉ ná lien ka ndi ngʉ ni, ni jifunza ná somo na. (Anja ji ya 2.)