WAKRISTO DHÓ MAISHA

Ako nga dhó dini kʉ ná ndrŭ tsotso ndima chu Nga no ná ke

Á KPA

Ni ká d’erie ni ronga tso ro cho b’lo nga dhó dini kʉ ná ndrŭ dho ni lod’ra nari ró ɨ ni riddi ro, ke nzá ka ndi u bbʉbbʉlo ri? Njati rie fø ró, anonga nari kʉ, anziro nga dhó dini ngʉe ná bí kʉ ná ndrŭ ma, nzá ungʉe Mungu ná ndrŭ ma na ngʉrie Yova dzá Dimu. Njati le dhǒ kpa dho Mungu kʉ ni nari dhǒ ná lo ró, bí ina kpa adi ndima dhó ngaddidha thika lele.—Ro 1:20; 10:14.

ANINJA VIDEO ANONGA NARI KɄ—NGA KɄ UDHA NA NÁ NDRŬ KA NDIMA NGɄ UDHA NA!—NGA DHÓ DINI KɄ NÁ NDRŬ, NDIRIGOTI ANINGɄ I NGADHUDHA GOTI:

Tommaso dhó lo ká ko ni tsotso ngbaribbai ni é bblo kʉ ná nganjadha na nga dhó dini kʉ ná ndrŭ dho le lod’ra nari djo d’e?

Your answer

Ngbaribbai ma ni ka ni nji ri nari

Njati ddikpa ke pori ndi nga kʉ udha na Mungu djo ri ró, atilo ke na bblo, adi lo utsod’idha na, ndirigoti ali ni dyu kedhó ngaddidha ro ndirigoti ngbaribbai ma ke ndi mbu fø lo djo nari djo. (2Ti 2:24) Atilo ngbà ke nanga ka ndi jini dho ná lo djo. Ke nanga ká ka ndi jini bí kʉ ná ndrŭ urie Nga no ná ke kʉ nì nari dhǒ ná lo dho? Njati rie fø ro, anjinjí fø lo djo tilo ná vichapo ma, video ma na na. Broshua Uhai—Ulitokana na Muumba? ndirigoti Vitu Vyenye Uzima Vilianza Namna Gani?—Maulizo 5 ya Kujiuliza le li kodhó longaddidha dhi no kana ndiro ndrŭ ba ri lele d’e.

Njaro ya kwanza, ni do ka ndi njí nzá u Mungu kʉ nì nari ná ke na ni loti nari dho. Rie fø ró, anziri bblo chu lod’radha ná muhubiri kó ni tsotso. Godhé anonga nari kʉ, Yova ka ndi kó ko tsotso, ko lø bblo thí kʉ ná ndrŭ thí ronga nì mai ya kwanza kpa ka ndima é nzá ndima u Mungu kʉ nì nari ro.—Mdo 13:48.

MUKRISTO DHÓ MAISHA NDIRIGOTI LOD’RADHA DHI NJÍ NJUDHA DHI BUKU