Do ndrŭ tá ko na nari ka ndi liri ko mbu ko che ko ndí ró ndirigoti kodhó akili ró. Ri ka ndi vó ko ronga kiroho nǎ maddi, njati do di ko nji kodhó ibada ndrŭ gʉgʉ ná saa na ró. Nde, ni ká ka ni b’o ni ronga do ndrŭ tá ni na nari ró ngbaribbai?

Yova dhó njí dhi bí kʉ ná ndrǔ singʉe si do ndrŭ tá ndima na nari djolu Yova djo ndima ndima thí li nari chulu. (Zb 18:17) Loroji na, Esta tingʉe lo ndiri na ndi nyá ndima na ngʉ do tá ná ke Hamani kpengʉe ná che kʉ ná lo djonga d’e. (Est 7:1-6) Fø ndi rinji nari njí, le dhongʉe ndi li ndi thí Yova djó nari nyo ndi chingʉe nari chulu. (Est 4:14-16) Yova lengʉe le njingʉe ná lo ronga le ndirigoti ke b’ongʉe le ma, le ma bbá bbu nǎ ndrǔ ma na ronga b’o.

Jadda kpa, njati rie do ndrǔ tá ni na nari tso ró ni hwini ri ró, anziri Yova kó ni tsotso ndirigoti ad’ra ni bani na ná kpakpalo ro dhidhi kiroho nǎ ná le dho inga nidhó gø dhi ndrǔ dho. Auri u nari kʉ, Yova si ni tsotso koko Esta tsotso ndi kongʉe nari bbai. Ni ka ni njí nja ni hwini do ndrŭ tá ni na nari tso ró d’e ná nja ri ká kʉ addu?

ANINJA VIDEO MADZÁ JADDANGA​—MA KÁ KA MA HWINI DO NDRŬ TÁ MA NA NARI TSO RÓ NGBARIBBAI? NDIRIGOTI ANINGɄ I NGADHUDHA GOTI:

• Charlie ma, Ferin ma na dhó loroji nă ro ká jadda kpa ka ndima ba ngbá somo?

  Nidhó jibu

• Gø dhi ndrǔ ká ka ndima ba ngbá somo Charlie ma, Ferin ma na po ná lo nǎ ro ndima kó na nzø tsotso kpa hwini do ndrŭ tá ndima na nari tso ró d’e?

  Nidhó jibu