• Zb 92:5​—I andiko nǎ kʉ ná lo ká Yova dhó nyodyu dhǒ ngbaribbai? (cl 176 §18)

  Nidhó jibu

• I yenga ddo kana ni zø Biblia nari nǎ ro, ká ni ba kiroho nǎ ngbá mali?

  Nidhó jibu

Yova dho njínji ná ndrŭ nanga ma ri adi d’o ddi. Loroji na, Daudi nanga ri ngʉ adi d’o bí ina ndidhó maisha nǎ nari bbai, bí kʉ ná le-djoi nanga ma ri adi d’o ddi njʉ. (Zb 13:2; 139:23) Ro, njedha dhi lo kʉ, jadda kpa nanga ma ri adi d’o ddi. Nja saa na, ko nanga ri d’o nari ka ndi liri nì dhé ko adi nji ná lo njé ko nje, loroji na føri ka ndi é darasa na le ra nari ma, njudha dhi ngana le ra nari ma na. Nja saa na ri ka ndi liri do di ko nji inga ko di riji ko hwi ko hwi.

Jadda kpa, njati ni njari ni njeni nje d’o ri ni nanga d’o nari dho ró, anitilo nidhi gø dhi ndrŭ na inga dhidhi ná ddikpa le na. Ndirigoti anziri Yova kó ni tsotso. (Flp 4:6) Ke si ni tsotso koko. (Zb 94:17-19; Isa 41:10) Addinga Steing dhó loroji djo.

Aninja VIDEO Yova ngʉ ngaddi ma djo nì. Ndirigoti adhuri ndrŭ tso:

• Steing tsotso ká Biblia nǎ ngbá verse kongʉe ndirigoti addudho?

• Yova ká ngʉ ngaddi ke djo ngbaribbai?

Gø dhi ndrŭ, ni ka ni kó nidhi nzø tsotso ndima hwini d’o ri ndima nanga d’o nari tso ró kpa po ná lo ni rr nari ma, jidha ni dhǒ kpa dho nari ma, kpa tsotso ni kó ndima li ndima thí Yova dhó jidha djo nari ma na chulu. (Tit 2:4; Yak 1:19) Anili ni thí Yova djo ndiro ke bbʉ nidhó lo ji ná le isopɨdha ma, kpakpanga ma na ndiri na ni kó nidhi nzø tsotso d’e.

Ko nzá ka ko chu ngbá saa na ma kutaniko nǎ ddikpa le hwini d’o ri ndi nanga d’o nari tso ró inga ngbaribbai ma le ndi mbu nari ro ri. Ro, ko ka ko kó kutaniko nǎ ndrŭ krʉ tsotso ndima mbu ndima ji le ji nari bbai ndirigoti nì ro lé le dyu li nari bbai.​—Mez 12:25; Ebr 10:24.