Krʉ ddo ró bbʉtsodjo adi ndrŭ dhó maisha djo tilo ná lo zø ná dza dhi ndrŭ pori: “Fø lo adi hwè bbʉ ko dho ndirigoti ri adi ko li kpakpa! Ri adi ngano ko dho nari kʉ, ko ma ka ko tøni chi ddi krʉ kʉ ná kpakpalo kana.” Føri bbai ndi mbu ná le-ve ndingʉeri: “Fø lo adi ma iso pɨpɨ, ri adi ma ronga chocho ndirigoti ri adi hwè bbʉ ma dho. Ko djoi ma, ko vei ma na dhó maisha nǎ kusudi ma, mana ma na kʉ li ndi li ro. Kpa dhó lo adi ma ronga cho ma d’ra lo bbo ndirigoti ma ddá chutso madzá nzø dho krʉ saa ró le njínji Yova dho nari kana.”

Ndrŭ dhó maisha djó lo ka ndi cho ni ronga ni li bbo na mana kʉ ná muradi ni nji, ndirigoti ndi kó ni tsotso ni ve kpakpa bbo kʉ ná lo tso hwè na ndirigoti nì ni nidhó heshima ronga b’o ro d’e. Fø lo ká ni ka ni ba ngbaribbai?

• Anja i djǒ ri po ná lo “Yova dzá Dimu kʉ ná ndrŭ dhó maisha djo tilo ná lo” jw.org inga JW Library® djó ndi kʉ ro.

• Ane “Yova dzá Dimu dhó maisha djo tilo ná lo” LIBRARY inga Watchtower Library djó ndi kʉ ro.