1. Ko tsotso ka addu ka ndi kó ndiro ko nanga di jini Biblia nǎ unabi ko jifunza nari dho d’e?

 JADDA kʉ ná le-djo Ben pori, “Ma jirie Biblia nǎ unabi ma zø nari ji.” Ni ká gba ni tso gba ke na? Inga ni ká adi riddi unabi kʉ kpakpa nari dho nzá le ka le famu ri ro ri? Njaro ni ka ni ddiri unabi le jifunza ná føri ka ndi nje le nje. Nì mai ri kʉ føro, ni di lochu bbo addudho ma Yova ndingʉe ri ndidzá lo na nari djo ró, ni si nidhó ngaddidha thika øø.

2. I lo ká si loti ngbá lo djo?

² I lo nǎ nzɨ ko si loti addudho ma ringani ko ba somo Biblia nǎ unabi nǎ ro nari djo dhé ri, ro ngbaribbai ma ko ka ko jifunza ri nari djo maddi. Ndirigoti ko si ngbaribbai ma Danieli dzá buku nǎ aro kʉ ná unabi ko famu nari ka ndi kó ko tsotso njʉ nari nja.

3. Ri ká ngani ko njí addu njati ko jiri ko famu Biblia nǎ unabi ró?

³ Njati ko ji ko famu Biblia nǎ unabi ró, ringani ko ne ko tsotsokodha. Anja i loroji. Addinga ni ra bbi nzá na ni ro d’erie si ná ngana, ro ni bbi bblo chu fø nga tso ná nidzá kau na nari djo. Ke chu ngbaga ma ni kʉ nari ndirigoti ngbaga ma krʉ kʉ ná chu le mba nari bblo. Bbʉbbʉ dhé, ni nanga ka ndi jini bbo fø kau ueri tso ndi bbi ni na nari dho! Yova kʉ ddiddi ni tsotso ko ná fø kau bbai. Ke chu kodhó gosi ná ddo bblo pli. Føri dho, ndiro ko famu Biblia nǎ unabi d’e, nyenyenga na ringani ko nzi Yova dhó le tsotsokodha.​—Da. 2:28; 2 Pe. 1:19, 20.

4. Yova ká lingʉeri unabi ndini ndidzá lo na addudho? (Yeremia 29:11) (Anja ji maddi.)

⁴ Bblo kʉ ná gø dhi ndrŭ bbai, Yova jiri ndidzá nzø sie hwè na gosi ná saa djo. (Azø Yeremia 29:11.) Ro, njonjo krʉ kʉ ná gø dhi ndrŭ ró ro, Yova ka ndi d’ra gosi ná ddo  nǎ lo nga nǎ kali ro. Yova lingʉeri ndrŭ ndi unabi ndidzá lo na ndiro ko chu lo bbo na mana kʉ ná lo djo nzá ri d’e njini nari njí d’e. (Isa. 46:10) Føri dho, Biblia nǎ kʉ ná unabi kʉ kodhi ra nǎ jiji ko ná Baba bbʉ ko dho ná kado. Nde, Biblia d’ra ná lo si njini nji dhé nari ká ni ka ni u ngbaribbai?

5. Jadda ke ká ka ndi ba ngbá somo Max dhó loroji nǎ ro?

⁵ Bí ina kodhi jadda nzø adi darasa nji nzɨ heshima bbʉ inga sese heshima bbʉ Biblia dho ná nzø na. Nja saa na fø nzø po inga kpa nji ná lo ka ndi liri Yova dzá Dimu kʉ ná nzø nanga di rɨni rɨ ndima dhó udha djo. Anja le-djo Max po ná i lo, “Jadda ma ngʉe ro ma nanga ngangʉe rɨ ndi rɨni nari tso madzá gø dhi ndrŭ ngaddi ma dho nari ká e bbʉbbʉ dini i nì ndirigoti Biblia ká si Mungu dhó ro i ngbà nari djo.” Kedzá gø dhi ndrŭ ká njingʉeri ngbǎ? Ke pori, “Ngbà mai ma chungʉeri kpa kʉ do na ro, kpa tingʉe lo ma na ko ndima jotso ko ro.” Max dzá gø dhi ndrŭ ngʉngʉe kedhó logoti Biblia nǎ ro. Føri goti, Max njingʉe nja lo ki maddi. Ke pori: “Ma zøngʉe Biblia nǎ unabi ma maro, ndirigoti ma jifunzangʉe ná lo ro ma tingʉe ma lai jadda nzø na maddi.” Føri ká bbʉngʉe ngbá matokeo? Max pori, “Føri goti ma vengʉe ra riu u Biblia si Mungu dhó ro ngbà.”

6. Njati ni nanga é rɨ ndi rɨni ro ró ká ringani ni njí addu ndirigoti addudho?

⁶ Max bbai njati ni nanga di rɨni rɨ Biblia nǎ ká kʉ bbʉbbʉlo nì nari djo ró, nzɨ bbari do pá ni djo. Ro, ringani ni njí ddikpa lo ro thé. Rɨ le nanga rɨni nari kʉ ddiddi dz’cha bbai. Njati ni d’i ri utso nzá ró, dzodzo dhé ri ka ndi sa nidhó valer dhi ritsi sa. Ndiro nzɨ ni nanga di rɨni nidhó udha djo ró, ringani ni di ngadhu ni tso ɨ, ‘Ma ká urie Biblia po gosi ná ddo djo ná lo ddi?’ Njati rie nzá ni chu d’ʉ kʉ ná lo ri ró, nidhó lo uri ni jifunza Biblia nǎ b’lo njini ná unabi. Nde, fø ká ni ka ni njiri ngbaribbai?

7. Danieli tsotso ká addu kongʉe unabi ndi jifunza nari kana? (Danieli 12:10) (Anja ji maddi)

⁷ Danieli bba bblo kʉ ná loroji ngbaribbai ma le ka le jifunza unabi nari djo. Ke ronga bblo kʉ ná lo chongʉe ndi jifunza unabi d’e. Ke jingʉeri ndi chu bbʉbbʉlo. Føri kina, Danieli ngʉe nyenyenga na ndirigoti ke d’ingʉe ri utso nari kʉ, Yova si lo le famu nari bbʉ ngbà chu ndi ndirigoti nì ngarr ndidzá kanuni dho ná ndrŭ dho. (Da. 2:27, 28; azø Danieli 12:10.) Danieli dhongʉe ndi kʉ nyenyenga na nì nari Yova dhó le tsotsokodha djo ndi ndi thí li nari chulu. (Da. 2:18) Godhé, Danieli ngʉ lo jifunza li ndi li ndi dyu ro. Ke ngʉ ndidhó logoti ne nì ngʉe fø saa na ná Biblia lú. (Yer. 25:11, 12; Da. 9:2) Ni ká ka ni dyø Danieli ngbaribbai?

8. Nja kʉ ná ndrŭ ká adi Biblia nǎ unabi kʉ bbʉbbʉ nari u nzɨ addudho, ro ri ká ngani ko njí addu?

⁸ Ane ni ronga cho ná lo nanga. Ni ronga  cho nja ni jifunza Biblia nǎ unabi d’e nari ká kʉ ni jiri bbo ni chu bbʉbbʉlo nari? Rie fø ró, Yova si ni tsotso koko. (Yoh. 4:23, 24; 14:16, 17) Biblia nǎ unabi ká nja ndrŭ ka ndima jifunza nja ngbá sababu dho? Nja ndrŭ ka ndima di ri jifunza ndiro ndima dhǒ Biblia nzá si Mungu dhó ro ri nari d’e. Kpa riddi nari kʉ, rie nzá Biblia si Mungu dhó ro ri ró, ndima ka ndima vʉ bblo lo ma kana nga chelo na ndima dho ndimaro. Føri dho, ringani ko ronga bblo kʉ ná lo cho. Føri kina, bbo na mana kʉ ná nja sifa ki ma kodhó lo u ddi ndiro ko famu Biblia nǎ unabi d’e.

9. Biblia nǎ unabi le famu d’e ká riu ngbá sifa? Aturinga.

⁹ Adi nyenyenga na. Yova tsoni nari kʉ ndi nyenyenga dhi ndrŭ tsotso koko. (Yak. 4:6) Føri dho, kodhó lo uri ko nzi kedhó le tsotsokodha ndiro ko famu Biblia nǎ unabi d’e. Føri kina, ko é nyenyenga na ró, ko ka ko u chi njí dhi noke bbʉ ko dho ná le tsotsokodha u dhonalo fø noke chulu i Yova kiroho nǎ nyo bbʉ ko dho ngbà thonga ná saa djo. (Lu. 12:42) Yova kʉ bblo adi lo kpe ná Mungu nari dho, ri ka ndi kaka ke kó ko tsotso ddikpa dhé kʉ ná chu lu ndiro ko famu kedzá lo nǎ kʉ ná bbʉbbʉlo d’e.​—1 Ko. 14:33; Efe. 4:4-6.

10. Esther dhó lo nǎ ro ká ni ba ngbá somo?

¹⁰ Ajifunza lo li ni li ni dyu ro. Anga unabi ni jifunza nari tso ji ni jirie ná ri djó ro. Føri kʉ le-ve Esther njingʉe ná lo. Le nyǒ thongʉe nari ngʉe Masiya si si nari djo tilo ná unabi. Le pori: “15 madhó cho ngʉe ro, ma ngangʉe utafiti njidha tso fø unabi ká le ndingʉe Yesu gøni nari njí i bbʉbbʉ nari dhǒ ná lo djo.” Manuscrits de la mer Morte le nzǐ ná kitabu nǎ ro le zøngʉe ná lo kongʉe le tsotso bbo. Le pori, “Ri kana nja ri ndingʉeni Kristo dhó saa njí. Føri dho, ri nǎ ngʉe ná unabi ka ndi é ngʉe Mungu dhó ro ndi si ro.” Esther d’rari, “Ringangʉeni ma zø fø lo bí ina ndiro ma famu ri d’e.” Føri dho, le kʉ hwè na ndi njingʉe kpakpanga nari dho. B’lo ndi jifunza Biblia nǎ bí kʉ ná unabi nari goti, le pori “Ma njangʉe Biblia po nari kʉ bbʉbbʉlo nari ma maro.”

11. Ko rine ko chu Biblia nǎ kʉ ná lo kʉ bbʉbbʉ nari ko koro nari nǎ ro ká ko ka ko ba faida ngbaribbai?

¹¹ Mungu dzá lo nǎ b’lo njini ná unabi ko di nja ná saa na, ko ka ko li ko thí bbo Yova djo ndirigoti ke bbʉ ko dho ná chutsoddadha djo. Føri kina, Biblia nǎ kʉ ná unabi ko tsotso kó ko é bblo kʉ ná ngab’odha na gosi ná ddo djo, rie ngbá kpakpalo na ma ko bani njʉ ri ró. Akotilo ro sese Danieli ndingʉe ná njʉ njini ná aro kʉ ná unabi djo. Ri ko famu nari ka ndi kó ko tsotso ko vʉ lonanga nyodyu na.

12. “Chuma ma, teketeke kʉ ná nzz ma na teni” ná le kó ká addu dhǒ? (Danieli 2:41-43)

¹² Azø Danieli 2:41-43. Danieli tungʉe nanga Pi Nebukadneza dho ná nyo nǎ, pi  njangʉe ná sanamu kó le thɨngʉe “chuma ma teni teketeke kʉ ná nzz na” nari na. Fø unabi ko ddi Danieli dzá buku ma, Ufunuo nǎ kʉ ná nja ri ma na na ró, ko famu ri nari kʉ le kó na le ddi nari kʉ njʉ pinyo dz’ djolu gble ná pidhinga, Anglo-Américaine, pli ndi kʉ kpakpanga na nja pidhinga djolu ro. Dz’ djolu gble pinyo ná fø pidhinga ndi nja ro, Danieli pori nari kʉ, fø “pidhinga sie ddi nga laidjó kpakpa ndirigoti ddi nga laidjó zaifu.” Zaifu ká ri kʉ addudho? Dhonalo teketeke kʉ ná nzz na le ddi ná ndrŭ rili nzɨ chuma bbai dhó kpakpanga kʉ ná fø pidhinga njinjí ndidhó uwezo na.” b

13. I unabi ko famu nari nǎ ro ká ko chu bbo na mana kʉ ná ngbá bbʉbbʉlo?

¹³ Danieli tingʉe lo djo ná sanamu nǎ ro ko ka ko chu bbo na mana kʉ ná bbʉbbʉlo. Ro, ko ka ko chu lo bbo pli fø sanamu kó djo. Ya kwanza, Dz’ djolu Gble pinyo ná Pidhinga, Anglo-Américaine dhongʉe ndi kʉ kpakpanga na nari nja kʉ ná chu nǎ. Loroji na, États-Unis ma, Britanique ma na ngʉe si singʉe Dz’ djolu gble dangʉe ná ya kwanza Vita ma, ya pili ri ma na djolu ná ngø kana. Nì mai ri kʉ føro, dz’ djolu gble pinyo ná fø pidhinga kʉ zaifu ndirigoti ri ra anzi zaifu ndi kʉ nari na dhonalo ri nǎ kʉ ná bbaraia lɨ nji ndima kana ndirigoti guvernema tso ró. Ya pili, Dz’ djolu Gble pinyo ná Pidhinga Anglo-Américaine kʉ ya mwisho pinyo Mungu dhó Pidhinga si ndrŭ dhó pidhinga krʉ tso d’ø nari njí ná pidhinga. Nì mai nja kʉ ná ndrŭ tsɨ ddani dda fø pidhinga tso ró ro, kpa dho nzɨ ri thí ro øni ri. Ko churi nari kʉ, Mungu dhó Pidhinga le ddi na ná “dju” si sanamu kó nanga d’rɨd’rɨ, ná føri i kʉ Anglo-Américaine.​—Da. 2:34, 35, 44, 45.

14. Chuma ma, teketeke kʉ ná nzz ma na na teni ná le kó djo tilo ná unabi ko famu nari ká ka ndi liri ko vʉ lonanga nyodyu na ngbaribbai?

¹⁴ Danieli dhó unabi tilo chuma ma, teketeke kʉ ná nzz ma na na teni ná le kó djo ná føri kʉ bbʉbbʉ nari ká ni uu? Njati rie uo ró, fø lo ni ka ni dhǒ nidhó maisha nǎ ni nji ná lo chulu. Ni nzá ka ni ne mbø inga kimwili nǎ ritsi bbo ri, dhonalo ni churi chu karrnga goti che kʉ ná i dz’ ma, ndi nǎ kʉ ná ritsi ma na krʉ si sani sa. (Lu. 12:16-21; 1 Yo. 2:15-17) Føri kina, fø unabi ni famu nari ka ndi kó ni tsotso ni nja lod’radha ma, longaddidha dhi njí ma na bbo na mana kʉ ri. (Mt. 6:33; 28:18-20) B’lo ni jifunza fø unabi nari goti adhuri ni tso, ‘Madhó lonangavʉdha ká ridho nì nari kʉ, ma uri u karrnga goti Mungu dhó Pidhinga si ndrŭ dhó pidhinga krʉ tso d’ød’ø?’

15. “Angønga laidjó pi” ma, “agʉnga laidjó pi” ma na ká kʉ ie njʉ? (Danieli 11:40)

¹⁵ Azø Danieli 11:40. Danieli sura 11 tilo ndima kana hwini ná aro kʉ ná pikpa djo. Fø unabi ma le ddi Biblia nǎ nja ri na ró, ko ka ko njari nari kʉ “angønga laidjó pi” kʉ Russie ma, ndi na gba ndima tso ná kpa ma na ndirigoti “agʉnga laidjó pi” kʉ Anglo-Américaine Dz’ djolu Gble pinyo ná Pidhinga. c

16. “Angønga laidjó pi” dhó pidhinga tsena di ná ndrŭ ká hwini ngbá kpakpalo tso ró?

¹⁶ “Angønga laidjó pi” dhó pidhinga  tsena di ná Mungu dzá ndrŭ fø pi adi nzanza. Nja kʉ ná Yova dzá Dimu ndrŭ adi njinji ma inga kpa ndrŭ adi sʉ prizo na ma kpadhó udha djó. “Angønga laidjó pi” nji ná lo táe do ko djoi na nari rɨngana ri kpadhó udha ngʉ kpakpa. Ká addudho? Dhonalo ko djoi churi chu Mungu dzá ndrŭ nzani ná føri rili Danieli dzá buku nǎ kʉ ná unabi njini njí. d (Da. 11:41) Fø lo ko chu nari ka ndi liri kodhó ngab’odha é kpakpa ndirigoti ko tøni chi Yova dho.

17. “Agʉnga laidjó pi” dhó pidhinga tsena di ná Yova dzá Dimu ká hwini ngbá kpakpalo tso ró?

¹⁷ Drrdrr, “agʉnga laidjó pi” ma nzangʉe Yova dzá ndrŭ ddi. Loroji na, karne ya 20 dzá katikati na bí kʉ ná le-djoi le sʉngʉe prizo na ndima kʉ Wakristo ndirigoti ndima ro kʉ ngbá nga laidjó ma nga ddi nari dho. Ndirigoti Yova dzá Dimu kʉ ná nja nzø le dingʉe di darasa nǎ ro fø lo djó dhé. Ø da ná cho nǎ fø pidhinga tsena  di ná Yova dzá Dimu bani nja kpakpalo na maddi ndima tøni chi Mungu dhó Pidhinga dho nari djó. Loroji na, vote dhi saa na, njaro Mukristo ka ndi shani ndi tsu ndi politiki dhi lo na inga ndi gba ndi tso ddikpa kandida na. Nzá mai ke ka ndi njí vote ro, kedhó akili nǎ ma, ke thí nǎ ma ke ro ka ndi é nì dhé ddikpa nga laidjó. Ri kʉ bbo nǎ mana kʉ ná lo nzɨ ko tsu ko ro politiki nǎ lo na ko nji ná lo ma, kodhó ngaddidha ma na chulu!​—Yoh. 15:18, 19; 18:36.

18. Ko ká ko mbu ngbaribbai aro fø pikpa lɨ nji ndima kana nari dho? (Anja ji maddi.)

¹⁸ Nzá u Biblia nǎ unabi ná ndrŭ do ka ndi njí bbo “agʉnga laidjó pi” ma “lɨ nji” “angønga laidjó pi” na nari ndima nja ná saa djo. (Da. 11:40, maelezo ya chini) Aro kʉ ná fø pikpa krʉ kʉ i dz’ djó shinga na kʉ ná ritsi krʉ tso ndima ka ndima tɨ na ná bombe na nì. Ro, ko chu ná lo kʉ, Yova nzɨ bbanga ro fø lo njini d’e ri. (Isa. 45:18) “Angønga laidjó pi” ma, “agʉnga laidjó pi” ma na lɨ nji ndima kana nari bʉé ko thí nari rɨngana ri kodhó udha li kpakpa. Ri ridho nari kʉ i dz’ dzá mwisho kʉ chøchø.

19. Biblia nǎ unabi djo ká ringani ko chu ngbá lo?

¹⁹ Ko nzá chu ngbaribbai ma nja unabi si njini nari ri. Danieli ma nzá ddi famungʉe ndi ndingʉe ná lo na mana krʉ ri. (Da. 12:8, 9) Ro, nzá ma ko chu ngbaribbai ma ddikpa unabi si njini nari ro, føri na mana nga kʉ ri nzɨ si njini ri. Ko ka ko uri u Yova si kodhó lo u ko chu ná lo dho ngbà ka ná saa na, b’lo ke njingʉeri ro anziro nari bbai.​—Amo. 3:7.

20. Ri ká kʉ Biblia nǎ ké dho le nanga keni ná ngbá unabi si njini karrnga goti ri, ndirigoti ri ká ngani ko ra anzi addu ko nji nari na?

²⁰ Ndrŭ si kʉ “ngoi ma, b’odidha ma na” d’ra. (1 Te. 5:3) Føro dz’ djolu gble pinyo ná pidhinga si ndima thí le kali dhi dini ro ndirigoti kpa si ri sasa. (Ufu. 17:16, 17) Føri goti kpa si lɨ ta Mungu dzá ndrŭ tso ro. (Eze. 38:18, 19) Ndirigoti Armagedoni dhi lɨ tso si ngani. (Ufu. 16:14, 16) Ko uri u fø lo si njini karrnga goti. Fø ddo ko b’o ro, akodho ko nanga jini ngbà kodhi jiji ko ná ra nǎ Baba dho nari li ko li ko dyu ro ko Biblia nǎ unabi jifunza ndirigoti ko nja ndrŭ tsotso kó ndima njiri fø nari chulu.