1. Danieli dzá lo ká kengʉe Babiloni nǎ kpa nanga addudho?

 NABI Danieli ngʉe jadda, Babiloni nǎ kpa rangʉe ke na prizo na da ngʉe ke abbá ro ná ngø na ná saa djo. Ro, Babiloni nǎ bbobbonga nanga kengʉeni bbo Danieli dzá lo dho. Kpa njangʉeri ke nyǒ djó nga tsetse ndirigoti ke ka ndi é bbo na mana kʉ ná familia nǎ ro ndi si ro. (1 Sa. 16:7) Føri dho, Babiloni nǎ kpa bbʉngʉe mazoezi ke dho ndiro ke di njínji pi bbá d’e.​—Da. 1:3, 4, 6.

2. Yova ká ngʉ adi Danieli nja ngbaribbai? (Ezekieli 14:14)

² Yova nzá jingʉe Danieli, ke d’ani inga ke bbo nǎ mana kʉ ná njínji pi bbá nari dho ri, ro ke vʉngʉeri ndi é bblo kʉ ná jadda ke nari dho. Føri dho, Yova pongʉeri Danieli kʉ ddiddi Noa ma, Yobu ma na bbai nari ngʉe chøchø 20 Danieli dhó cho ngʉeri. Ndirigoti Yova njangʉe fø jadda ke chølo dhi ke cho bí kana njingʉe njí ndi dho chi ndima tøni ro ná kpa Noa ma, Yobu ma na bbai. (Mwa. 5:32; 6:9, 10; Yob. 42:16, 17; azø Ezekieli 14:14.) Ndirigoti Yova rangʉe anzi Danieli ndi ji nari na kedhó maisha lu nǎ.​—Da. 10:11, 19.

3. I lo nǎ ká ko si loti ngbá lo djo?

³ I lo nǎ ko si loti Yova njangʉe Danieli bbo na mana kʉ ná ke dho ná aro kʉ ná sifa djo. Ya kwanza, ko si loti fø sifa djo ndirigoti ngbá saa na ma ke dhongʉe ri nari djo. Føri goti ko si Danieli tsotso kongʉe ná lo nja ndiro ndi ra fø sifa ndi dhǒ nari na anzi d’e. Ya mwisho, ko si loti ngbaribbai ma ko ka ko dyø ke nari djo. Ngbà mai i lo ndini jadda kpa dho ro, ko krʉ ka ko ba somo Danieli dhó loroji nǎ ro.

4. Danieli ká dhongʉe ndi kʉ nga nǎ do ro nari ngbaribbai? Abbʉ loroji.

⁴ Nga nǎ do e ná ndrŭ ma do ka ndi njí ddi, ro kpa nzɨ adi ribba føri cho ndima tso ro bblo lo ndima nji nari ró ri.  Bbʉbbʉ dhé, Danieli ngʉe nga nǎ do ro ngʉe ná jadda ke. Anja ke dhongʉeri ndi kʉ nga nǎ do ro nǎ ná aro kʉ ná lo. Ya kwanza, fø lo njingʉeni Babiloni nǎ kpa sangʉe Yerusalemu nari goti cho da aro ro. Babiloni nǎ pi Nebukadneza ngbʉ ka ndi ngbʉ le djǒ nanga ná nyo nyongʉe ddikpa bbò sanamu ró. Ke pongʉeri ndidhó nyodyu dhi kpa dho, njati kpa d’ra ndi ká nyonyo addu ró ma ndirigoti kpa tu ri nanga nzá ró ndi kpa cheche, ná fø kpa kana i ngʉe Danieli maddi. (Da. 2:3-5) Danieli dho ringangʉeni ndi njí lo lele, nzá ró bí kʉ ná ndrŭ ka ndima chengʉeni che. Ke “rangʉe pi dhi ngana ndirigoti ke nzingʉeri pi bbá saa ndi dho ndiro ndi tu ri nanga ke dho d’e.” (Da. 2:16) Fø lo dhori Danieli ngʉe nga nǎ do ro ndirigoti udha na. Ká ngbaribbai? Biblia nzá po Danieli ká tungʉe nyo nanga ro b’lo anziro nari ro ri. Ke nzingʉeri ndi lai kpa Shadraki ma, Meshaki ma, Abednego ma na tso, ná føri ngʉe Babiloni nǎ kpa bbʉngʉe kpa ro ná dho, kpa “nzi zølo ra nǎ Mungu tso siri dhi fø lo djo.” (Da. 2:18) Yova ngʉngʉe fø sala goti ngʉ. Mungu dhó le tsotsokodha chulu Danieli tungʉe Nebukadneza dhó nyo nanga tu. Danieli ma, ndi lai kpa ma na gøngʉe gø.

5. Danieli dhó lo ká ungʉeri ki ndi é nga nǎ do ro ngbá saa na?

⁵ B’lo Danieli tu bbò sanamu dhi nyo nanga nari goti, ddikpa saa na kedhó lo ungʉeri ki ndi é nga nǎ do ro. Nebukadneza do ka ndi njí le dho ná nja nyo ki nyongʉe. Ke nyo nyongʉe ddikpa da dhi ná tsu ró. Nga nǎ do ro Danieli tungʉe pi nyo ná nyo nanga ndirigoti ke pongʉeri pi rɨ (mazimu) si chu ná føri dho nzɨ ke si pinyo ddikpa saa kana ri. (Da. 4:25) Pi ka ndi ddieri nari kʉ Danieli tsatsa ndi ró, føri dho ke ka ndi hwie Danieli hwi. Ro, Danieli dhongʉeri ndi kʉ nga nǎ do ro ndirigoti ke tungʉe fø nyo nanga tu.

6. Ri ká ka ndi é ngʉe addu i kongʉe Danieli tsotso ndi é nga nǎ do ro ri?

⁶ Ri ká ka ndi é ngʉe addu i kongʉe Danieli tsotso ndi é nga nǎ do ro ndidhó maisha nǎ ri? Ko ka ko uri u nari kʉ, go Danieli ngʉe jadda ná saa na kedzá mama ma, baba ma na ngʉe bblo loroji ke dho. Bbʉbbʉ dhé, kpa ngʉ adi ngarr Yova bbʉngʉe Waizraeli kʉ ná gø dhi ndrŭ dho ná lojadha dho ndirigoti kpa ngʉ adi  Mungu dzá Yadha ddi ndima dhi ngba dho. (Kum. 6:6-9) Danieli chungʉe kumi kʉ ná Yadha krʉ ndirigoti yadha tilo djo ná nja lo ma na, loroji na ke chungʉe ngbà Mwizraeli ka ndi nyó inga nzá ná ritsi chu. b (Law. 11:4-8; Da. 1:8, 11-13) Føri kina, Danieli chungʉe lo Mungu dzá ndrŭ dhó lo djo ndirigoti ke chungʉe nzá kpa rrngʉe nga Yova dhó kanuni dho ro njingʉeni kpa ró ná lo chu. (Da. 9:10, 11) Danieli dhó maisha nǎ njingʉeni ná lo lingʉeri ke uri nari kʉ Yova ma, ndidzá kpakpanga na kʉ ná malaiká ma na ngʉ ndi tsotso kó nì.​—Da. 2:19-24; 10:12, 18, 19.

7. Ri ká kʉ nja ngbá lo ki i kongʉe Danieli tsotso ndi é nga nǎ do ro ri? (Anja ji maddi.)

⁷ Danieli jifunzangʉe lo Mungu dhó bbanabi ndingʉe ná lo djo, loroji na Yeremia dhó unabi djo. Fø lo nǎ ro Danieli rangʉe ri utso d’i nari kʉ, karrnga goti Wayahudi si tuni tu Babiloni nǎ no tsena ro. (Da. 9:2) Biblia nǎ unabi njini nari Danieli nja ná føri lingʉeri ke li ndi thí bbo Yova djo. Ndirigoti ri rili ngbà li ndima thí Mungu djó ná ndrŭ é nga nǎ do ro. (Anja Waroma 8:31, 32, 37-39.) Bbo na mana kʉ nari kʉ, Danieli ngʉ adi nganzi bí ina ndidzá ra nǎ Baba tso nari. (Da. 6:10) Ke d’rangʉe ndi nji ná chenga ma, ndidhó ngaddidha ma na Yova dho. Ndirigoti Danieli nzingʉe ndi tsotsokodha. (Da. 9:4, 5, 19) Ddiddi ko krʉ bbai Danieli nzá gøngʉeni nga nǎ do ro ri. Ro, ke lingʉeri fø sifa dhi ndi na nga ndi jifunza nari ma, sala ndi nji nari ma, Yova djo ndi ndi thí li nari ma na chulu.

8. Addui ká ka ndi liri ko é nga nǎ do ro?

⁸ Ri ká ngani ko njí addu ndiro ko é nga nǎ do ro d’e? Kodhó gø dhi ndrŭ ka ndima jari ko dho ko é nga nǎ do ro, ro rie nga nǎ do ro ma kpa kʉ ri ró, kpa ró ro nzá fø sifa ka ndi da ko ro ri. Nga nǎ do ro le ngʉ nari kʉ ddiddi ddikpa ø ufundi nga le chú nari bbai. Ni ka ni chu ufundi nga ná ddikpa chu kʉ, li ni li ni dyu ro ni nidhó mwalimu nji ná lo nja ndirigoti ni ke nji ná lo ro njinji nari na. Føri bbai, ko ka ko é nga nǎ do ro njati ko di ngbaribbai ma nja ndrŭ fø sifa dhǒ nari nja li ko li ko dyu ro ndirigoti ko di kpadhó loroji dyø ró. Nde, ko ká ba ngbá somo Danieli dhó lo nǎ ro? Ke bbai, kodhó lo uri ko chu Mungu dzá lo bblo. Ko kana nga ka ndi é chøchø Yova na njati ko di loti ke na bí ina ndirigoti ko di ngbaribbai ma ko ko mbu nari d’ra ke dho ró. Ndirigoti ringani ko di ko thí li Yova djo nì ko riu nari kʉ krʉ ddó ro ke adi ko tsotso kó ko ro. Føro kodhó udha si tsu mbudha na ró, ko sie nga nǎ do ro.

9. Nga nǎ do ro ko kʉ nari nǎ ro ká ko adi faida ba ngbaribbai?

⁹ Nga nǎ do ro ko kʉ nari nǎ ro ko adi faida ba njonjo kʉ ná chu lu. Anja Ben ró njingʉeni ná lo. Ke ngʉ darasa nji Allemagne nǎ ná ngana darasa nǎ nzø krʉ ungʉe mageuzi ndirigoti nzø ngʉ riddi Biblia ripo ritsi le nongʉe no ná føri nga kʉ bbʉbbʉlo ri. Ddikpa cha Ben dho ritso ungʉeni ndi da nzø nji ndiro ndi tu addudho ma ndi u shinga le nongʉe no nari nanga d’e. Ke tungʉe ndidhó udha nanga nga nǎ do ro. Føri nǎ ro ká ngbá lo singʉe? Ben pori, “Madhó mwalimu rrngʉe ma li ndi li ndi dyu ro, ndirigoti ke ndingʉe ma u ná lo nanga ma tungʉe nǎ ro ná kichapo nanga ki ndirigoti ke ndongʉe ri darasa nǎ nzø krʉ dho.” Ben ma dhó darasa nǎ nzø ká njingʉeni ngbaribbai? Ben pori, “Bí kʉ ná  nzø rrngʉe ma d’ra ná lo rr ndirigoti kpa pongʉeri ndima u ma po ná lo u.” Ben dhó loroji ridho nari kʉ, bí ina nga nǎ do ro kʉ ná ndrŭ dho nja ndrŭ adi heshima bbʉ. Føri kina, kpa ka ndima kó nja ndrŭ tsotso ndima chu lo Yova djo. Bbʉbbʉ dhé, ko kʉ bblo kʉ ná sababu na ko é nga nǎ do ro.

10. Chi le tøni nari ká kʉ addu?

¹⁰ Bí ina Biblia di loti chi le tøni nari djo inga chi kʉ ná jidha djo ró, føri Mungu adi dhǒ ndidzá bbakau dho ná jidha dhǒ. Godhé fø lo dho Mungu dzá njí dhi kpa adi dhǒ ndima kana ná jidha maddi. (2 Sa. 9:6, 7) Chi ko tøni nari ka ndi di dhi ddo da nari bbai. Akonja ngbaribbai ma Danieli ngʉ tøni chi nari dhingʉe nari.

11. Ngó ndi kʉ ro ká Danieli dhongʉe ndi tøni chi nari ngbaribbai? (Anja ri chuti ji)

¹¹ Danieli ka ndi dhongʉe ndi ká ka ndi tøni chi ngbà inga nzá ma Yova dho nari njonjo ngʉe ná lo kana. Ro, 90 djolu kedhó cho ngʉe ro ke bangʉeni bbo pli kʉ ná mbudha na. Fø saa na, Umedi ma, Uajemi ma na nǎ kpa løngʉe Babiloni ndirigoti Dario i ngʉe pi. Pi bbá ngʉ njínji ná bbobbonga nzá jingʉe Danieli ri ndirigoti kpa nzɨ ngʉ heshima bbʉ ke ngʉ adi má ná Mungu dho ri. Føri dho, kpa kpengʉeri le hwi ke hwi. Kpa chingʉe ddikpa yadha ndirigoti kpa nzingʉeri pi njí ri dhi sinyatire ndiro ndima nja Danieli ká ka ndi tøni chi Mungu dho inga pi dho ma nari d’e. Danieli dho ringʉngani nzɨ ndi nzinga Yova tso ddo 30 kana ndiro ndi dhori ndi tøni chi pi dho ndirigoti ndi kʉ ddiddi nja ndrŭ bbai nari d’e. Ro, Danieli vʉngʉeri ndi tøni chi Yova dho. Føri dho, le bungʉe ke simba dhó bbù na. Ro, Yova bbʉngʉe Danieli ngʉ tøni chi nari kobe simba tso nǎ ro ndi gøngʉe ke nari na. (Da. 6:12-15, 20-22) Danieli bbai ká ko ka ko tøni chi Yova dho ngbaribbai?

12. Danieli ká lingʉeri chi ndi tøni Yova dho nari dhi ndi na ngbaribbai?

¹² Ndiro ko tøni chi Yova dho d’e ringani ko é kpakpa kʉ ná jidha na ke laidjo. Danieli ngʉ tøni chi dhé Yova dho dhonalo ke jingʉe ndidzá ra nǎ Baba bbo. Bbʉbbʉ dhé, Danieli dhó jidha ngʉe kpakpa bbo Yova laidjo dhonalo ke ngʉ adi ngaddi bbo kedhó sifa djo ndirigoti ngbaribbai ma ke  dhongʉe ri nari djo. (Da. 9:4) Føri kina, ji ndi nanga jini ro Danieli ngʉ adi ngaddi Yova nji ndi dho ndirigoti kedzá ndrŭ dho ná bblo lo djo.​—Da. 2:20-23; 9:15, 16.

13. (a) Kodhi jadda kpa tøni chi nari ká adi tsu mbudha kana ngbaribbai? Abbʉ loroji. (Anja ji maddi.) (b) Video dhori nari bbai, ni ká ka ni ngʉ logoti ngbaribbai njati ndrŭ dhuri ni tsó, Yova dzá Dimu ká adi ndima tso gba ddi kpetsi ro ddó ndima kana inga isɨ ro ddó ndima kana ná ndrŭ nji ná fø lo na ró?

¹³ Danieli bbai, kodhi jadda kpa ronga tso d’e nari kʉ nzɨ heshima bbʉ Yova dho ndirigoti kedhó kanuni dho ná ndrŭ. Fø di ná ndrŭ ka ndima ndro jiji Yova ná ndrŭ ndro. Nja kʉ ná ndrŭ adi do tá jadda kpa na ndiro nzɨ kpa tøni chi Yova dho ró. Anja Australie nǎ di ná jadda ke Graeme dhó loroji di. Ke bangʉeni kpakpalo na bbò darasa nǎ. Mwalimu dhungʉeri nzø tso njati ddikpa kau pori ndi kʉ kpetsi ro ddó ndima kana ná ke inga isɨ ro ddó ndima kana ná le ró ká nzø ka ndima njiri ngbǎ? Mwalimu pongʉeri ngbà gba ndima tso fø kau nji ná lo na ná nzø dá ddi nga laidjo ndirigoti nzá gba ndima tso fø lo na ná nzø dá nja nga laidjo. Graeme pori, “Mwalimu ma, nja nzø ma na krʉ dangʉe ngbà gba ndima tso fø di ná lo na ná nzø kʉ ná nga laidjo, ro ma ma, ma lai Yova dzá Dimu kʉ ná ke ma na dhé nzá ko dangʉe fø nga laidjo ri.” Føro lo ngʉngʉe kpakpa bbo ndirigoti ringʉngani Graeme dhǒ ndi ká ka ndi tøni Yova dho chi ngbà inga nzá ma nari. Ke pori, “aluti gʉ mangʉe ná saa kana nja nzø ma, mwalimu ma na krʉ gbongʉe ko ndirigoti kpa tingʉe chelo ko djo. Ma njingʉe ngbà ka ma dho ná lo krʉ ndiro ma ti madhó udha djó lo ko ma jotso ko ro ndirigoti bblo nganjadha na ma kʉ ro. Ro, kpa i nzá rrngʉe ma po ná lo ro ddikpa maddi ri.” Graeme ká mbungʉe ndi ngbaribbai? Ke pori, “Chelo nzø tingʉe ma djo ná saa na nzá ma mbungʉe ma bblo ri, ro ma bangʉe hwè ma tøngʉeni chi Yova dho ndirigoti ma tingʉe madhó udha djó lo nari dho.” c

14. Ri ká kʉ ddikpa ngbá chu i ka ndi liri ko rá anzi chi ko tøni Yova dho nari na ri?

¹⁴ Danieli bbai, bbo ko ji Yova nari si rili ko rá anzi chi ko tøni ke dho nari na. Yova dhó sifa djo ko lochu bbo nari adi rili ko ji ke bbo. Loroji na, ko ka ko chu lo nó ke no ná ritsi djo. (Ro. 1:20) Njati ni jiri ni ji Yova bbo ndirigoti ni bbʉ heshima bbo ke dho ró, azø ɨ djǒ ripo ná lo tsena kʉ ná lo: “Kitu Hiki Kilijifanya Chenyewe?” inga anja video. Nja lo ki ni ka ni ba broshua, Uhai​—Ulitokana na Muumba? ndirigoti Vitu Vyenye Uzima Vilianza Namna Gani?​—Maulizo 5 ya Kujiuliza nǎ. Anja Danemark nǎ di ná le-ve Esthere po fø vichapo djo ná lo: “Ri rili ni ddi lonanga bblo. Fø broshua nzɨ ni ka ni u ná lo po ni dho ri, ro ri lonanga tu ndirigoti ri ribba ni vʉ lonanga ni niro.” Anziro ko tielo djo ná Ben pori: “Bbʉbbʉ dhé, fø broshua lingʉeri madhó udha é kpakpa. Ri dhongʉeri ma dho nari kʉ shinga Mungu nongʉe no.” B’lo ni jifunza fø lo nari goti ni ka ni gba ni tso Biblia po ná i lo na: “Ni kaka Yova kodhi Mungu, ni ba kadha ma, madha ma, kpakpanga ma na dhonalo ni nongʉe krʉ kʉ ná ritsi.”​—Ufu. 4:11. d

15. Ri ká kʉ nja ngbá chu nǎ i ko ka ko liri ko kana kau ngʉ chøchø Yova na ri?

¹⁵ Ko ka ko ji Yova bbo ná nja chu ki kʉ, li ko li ko dyu ro ko lochu le Ddù Yesu djo nari. Allemagne nǎ di ná jadda le-ve Samira njingʉeri fø. Le pori: “Yesu chulu i  ma vengʉe Yova chu bblo pli.” Go Samira ngʉe sese ro, ringʉe kpakpa le famu Yova dhó ngaddidha. Ro, le ka ndi famue Yesu dhó ngaddidha i ngbà. Le pori ki: “Ma jingʉe Yesu dhonalo ke ngʉe kau nji ná ke ndirigoti jiji nzø ná ke.” Yesu djo le ngʉ lochu bbo nari ngʉ rili le chu lo bbo Yova djo ndirigoti le ji ke ji. Addu dzá lo dho? Le pori: “Dzodzo ma vengʉe ra ri famu nari kʉ, Yesu ngʉ ndidzá Baba dyø kaka nari bbai. Kpadhó sifa kʉ ddiddi. Ma vengʉe riutso d’i nari kʉ, Yova chongʉe Yesu dz’ djo dho ná ddikpa lo kʉ ndrŭ chu ndi bblo pli d’e.” (Yoh. 14:9) Njati ni ji ni li ni kana kau kpakpa Yova na ró, anji krʉ ni ka ni njí ná kpakpanga ndiro ni ba saa nja ni di lochu Yesu djo d’e. Fø ni rinji nari si rili Yova ni ji nari ma, chi ni tøni ke dho nari ma na dhidhi.

16. Chi ká ringani ko tøni addudho? (Zaburi 18:25; Mika 6:8)

¹⁶ Njati ko di tøni chi nja ndrŭ dho ró, bí ina ko maddi adi chøchø na ko kana nga kʉ ná chi tøni ná bbakau ba. (Rut. 1:14-17) Føri kina, njati ko di tøni chi Yova dho ró, ko jotso ka ndi koko ndirigoti ko ka ko é hwè na. Ká addudho? Dhonalo Yova tsoni ndi tøni chi nì tøni chi ndi dho ná ndrŭ dho. (Azø Zaburi 18:25; Mika 6:8.) Addinga i lo djo. Krʉ ritsi na ka ná Ngano ná ke kʉ tayari ndi njí kpakpa kʉ ná kau ko na! Ndirigoti njati ko kana kʉ Yova na ná kau é chøchø ró, mbudha ma, upinzani ma, dhe ma na nzá ka ndi ndo ko kana nga ro ri. (Da. 12:13; Lu. 20:37, 38; Ro. 8:38, 39) Ri kʉ bbo na mana kʉ ná lo ko dyø Danieli ndirigoti ko tøni chi Yova dho!

17-18. Danieli dhó lo nǎ ro ká ko ka ko chu nja ngbá lo ki?

¹⁷ I lo nǎ ko tielo Danieli dhó aro kʉ ná sifa djo. Ro, kedhó ro ko ka ko chu ná lo kʉ bí. Loroji na, Yova lingʉeri Danieli ba njonjo kʉ ná maono, ke nyonyó ndirigoti ke bbʉngʉe kpakpanga ke dho ke tu unabi nǎ lo nanga. Fø unabi dzá bí kʉ ná ri njini b’lo. Nja kʉ ná ri tilo dz’ djó krʉ kʉ ná ndrŭ ronga si lø gosi ná saa djo ná lo djo.

¹⁸ Gosi ná lo nǎ, ko si Danieli ndingʉe ná aro kʉ ná unabi nja. Fø unabi ko famu nari ka ndi kó ko krʉ tsotso njati ko é jadda ma, inga ngó ma ró, ndiro ko vʉ lonanga nyodyu na kpadjo d’e. Føri kina, fø unabi si ko tsotso ko ko tayarisha ko karrnga goti si ngaba ná lo dho dhonalo ri si rili ko sie nga nǎ do ro ndirigoti ko si tøni chi Yova dho.