Ko adi Yova má nja ndrŭ ma na njudha dhi ngana ma, asamble na ma, ro ko adi ke má ddiro inga kodhó familia nǎ ndrŭ ma na ko é ró maddi. Ro ni é ddiro ma inga familia nǎ ma ró, ni ka ni nji ná lo ro kʉ ena:

• Ni ka ni tayarisha ni njudha dho. Ni ka ni ngo dyi ndrigoti ni kó familia nǎ ndrŭ krʉ tsotso ndima tayarisha njudha dhi ngana ndima si bbʉ ná komatere.

• Ni ka ni zø Biblia nǎ ddikpa lo. Føri goti ni ka ni tu somo ni zø ná lo nǎ ro inga ni jifunza ná lo nǎ ro.

• Ni ka ni jifunza Biblia tilo djo ná ddikpa sala ndirigoti ni ne longa ngbaribbai ma ri ka ndi kó ni tsotso ni thɨ nidhó sala thika nari djo.

• Ni ka ni nja jw.org djó kʉ ná video ndirigoti ni tilo nja ndrŭ na ri djo inga ni ndi lo ri djo.

• Ni ka ni tayarisha ni lod’radha dhi njí dho inga ni ka ni njí mazoezi maddi.

• Ni ka ni nja nononi ná ritsi ndirigoti ni ddinga ri djo inga ni tilo Yova djo ri ddi ni dho ná lo djo. a