1. Ni djǒ na ká ngbá lo adi si Yova djo ni di ngaddi ró?

 NI KÁ ddirie nga ro b’lo ngbǎ ma Yova dirie nari djo? Sala nǎ ni nganzi ke tso ná saa na ká ngbá lo adi si ni djǒ na? Nzɨ mai ko adi Yova nja ro, Biblia dho ke njonjo kʉ ná chu nǎ. Yova nzini “Dyi, ngali” ndirigoti “ngrúngrú ngabɨ ná kazz.” (Zb. 84:11; Ebr. 12:29) Ezekieli njangʉeri Yova kuso kʉ safir dhi dju, feza ma, or ma na na le te ná dyødyø ná ritsi ma, ngøkpakpa ma na. (Eze. 1:26-28) Fø lo ka ndi ke ko nanga ke inga ri ka ndi tá do ko na.

2. Nja ndrŭ ronga tso ká addu adi cho Yova ro ndima ndrini nari ró?

² Ko nzá ka ko nja Yova ro ri ná føri dho, ri ka ndi é kpakpa ko u Yova ji ko ngbà nari. Nja ndrŭ adi riddi Yova nzá ka ndi ji ndima ro ndima dhó maisha nǎ ndima da lu ná lo djotsina ri. Njaro kpa bai nzá dhongʉe jidha ro kpa dho ri. Yova adi føri famu nì, ndirigoti ngbaribbai ma ni ni mbu nari maddi. Ndi kó ko tsotso d’e, ke dho ndidhó bblo pli kʉ ná sifa ko dho ndidzá lo nǎ.

3. Yova dhó jidha djo ká ringani ko chu lo bbo addudho?

³ Yova dhó bblo pli kʉ ná sifa kʉ jidha. (1 Yo. 4:8) Biblia ripo Mungu kʉ jidha. Føri i adi ke cho ndi njí lo krʉ d’e. Mungu adi jidha dhǒ ndrŭ krʉ dho, nzɨ njínji ndi dho ná ndrŭ dho ma krʉ. (Mt. 5:44, 45) I lo nǎ, ko si loti bbo Yova ma, kedza jidha ma na djo. Ko di lochu bbo Mungu djo ró, ko si ke ma ji bbo ddi.

 YOVA JIRIE KO BBO

4. Yova dhó bbo pli kʉ ná jidha ká adi rili ni mbu ni ngbaribbai? (Anja ji maddi.)

⁴ “Yova kʉ jidha na bbo.” (Yak. 5:11) Biblia nǎ, le ddi Yova bbo kʉ jidha na ná nzø-i na. (Isa. 66:12, 13) Addinga ngbaribbai ma jidha na kʉ ná nzø-i adi ndima dhó rere nzø ronga b’o nari djo di. Le adi ngba li ndi iso ndirigoti le adi loti ngba dho rere ndi chu na. Ngba di dzzdzz inga ngba ronga di ndindi ró, le adi rine ndi bbʉ ngba dhó lo u na ritsi krʉ ngba dho. Ko é njedha na ná saa djo, ako uri u nari kʉ Yova ji ko ji. Zaburi ndi ná ke pongʉeri: “Ma nanga ringʉ d’o bbo ná saa na, ni pɨngʉe ma iso ndirigoti ni kongʉe ma jotso ko.”​—Zb. 94:19.

5. Yova dhó chi kʉ ná jidha nǎ ro ká ni adi ngbá faida ba?

⁵ Yova e chi. (Zb. 103:8) Ke nzɨ adi ko ro bba chelo ko nji nari dho maddi ri. Waizraeli ngʉ adi Yova thí bʉ bí ina; føro mai, ke ngʉ adi jidha dhé dhǒ leleni ná kpa dho. Loroji na ke pongʉeri kpa dho ɨ: “Ni na mana kʉ bbo ma nyǒ djó, ni mani ma, goti ma ji ni bbo.” (Isa. 43:4, 5) Mungu dhó fø jidha thika ro nzá øni ri. Ko ka ko li ko thí li ke djo. Bbò chenga ma ko nji ró, nzɨ dhé Yova adi ko ro bba ri. Njati ko leni le ndirigoti ko bbá chenga tso bbá ró, ke adi jidha ki dhǒ ko dho vi dhé. Ke tsoni “ndi si ko zø nji bbò chu nǎ.” (Isa. 55:7) Biblia pori fø zølo adi rili“le isopɨdha . . . si Yova dhó ro.”​—Mdo. 3:19.

6. Zekaria 2:8 ká addu ddi ko dho Yova djo?

⁶ Azø Zekaria 2:8. Yova ji ko ji nari djotsina, ke adi ngbaribbai ma ko ko mbu nari famu nì ndirigoti ke adi riji ndi b’o ko ronga b’o. Ke thí adi njedha ba ko di nzani nza ró. Føri dzá ko ka ko uri u nari kʉ ke si kodhó sala goti ngʉngʉ njati ko nzinga ke tso: “Ab’o ma ronga ni nyǒ-kpa djó titinga bbai” ró. (Zb. 17:8) Le nyǒ nzɨ adi riji ritsi ro si ndi djo ri ndirigoti ri na mana e bbo ko ndí ró sehemu kana. Føri dzá rie ndi nyǒ-kpa djó titinga na Yova ddi ko ri ró, føri kʉ ɨ ke ripo ko dho nari bbai, ‘Madzá ndrŭ ronga vo ná ke vo bbo na mana kʉ madho ná ritsi ronga.’

7. Yova dhó jidha djo ká ringani ko li ko thí bbo addudho?

⁷ Yova adi riji ko uri u nari kʉ ndi ji ko ddiddiro krʉ ji. Ro ke churi chu nari kʉ, njaro b’lo lu ko da ná lo djotsina ko ka ko di ridhu ko tsó, ke ká ji ko ngbà. Inga ko da lu kpadjo ná lo dho ko nanga rɨni rɨ ke ká ji ko ngba nari djo. Addu i ká ka ndi kó ko tsotso ko li ko thí ke djo bbo d’e? Ri kʉ  ngbaribbai ma ke adi jidha dhǒ Yesu ma, ché na le d’ri ná kpa ma, ko krʉ ma na dho nari ko chu nari.

NGBARIBBAI MA YOVA ADI JIDHA DHǑ NARI

8. Yesu ká ungʉe ndidzá Baba ji ndi ji nari addudho?

⁸ Cho bí kana, Yova ma, Yesu ma na kana jidha ngʉngʉe kpakpa bbo. Kpa jini nari bbai jini ná ndrŭ ro nga kʉ ri. Yova dhongʉe ndi ji Yesu bbo nari ke dho, Matayo 7:5 nǎ ko rizø nari bbai. Yova ka ndi poeri ɨ dhé, ‘I ri kʉ utso ma u ná ke.’ Føri rɨngana, ke jingʉeri ko chu ngbá ngatsi ma ndi ji Yesu nari chu, føri dzá ke nzingʉe ke “madzá bbo ma ji ná ngba.” Yova ngʉe hwè na bbo Yesu dzá lo dho goti ke ngʉe tayari ndi bbʉ ndidhó shinga nari dho. (Efe. 1:7) Goti Yesu nanga ro nzɨ ngʉ adi rɨni ndidzá Baba ji ndi ji nari djo ri. Ke ungʉeri u nari kʉ ndidzá Baba ji ndi ji. Bí ina ke ngʉ adi ripo ndi thí nǎ ro krʉ nari kʉ, ndidzá Baba ji ndi ji.​—Yoh. 3:35; 10:17; 17:24.

9. Yova e na ché na le d’ri ná kpa dho ná ji nanga ká le tu ngbá lo chulu? Abbʉ loroji. (Waroma 5:5)

⁹ Føri kina Yova dho ndi ji ché na le d’ri ná kpa nari maddi. (Azø Waroma 5:5.) I verse nǎ le pori le “d’rø.” Biblia nǎ lonanga tu ná ddikpa buku pori, føri na mana kʉ “ri si ko djo dda bbai.” Føri ngbá ngatsi ma Yova jirie ché na le d’ri ná kpa nari dhǒ bblo pli! Ché na le d’ri ná kpa churie “Yova ji” ndima nari chu. (Yud. 1) Mutume Yohana dhongʉe ngbaribbai ma kpa adi ndima mbu nari ɨ ndi ndingʉeri nari na: “Anja ngbǎ di ná jidha ma Mungu dhongʉe ko dho nari, ko nzini Mungu dzá nzø!” (1 Yo. 3:1) Yova ká jirie ché na le d’ri ná kpa dhé? Nzá, Yova dhongʉe jidha ko krʉ dho.

10. Yova dhongʉe jidha nidho lu ná bbo pli kʉ ná ri ká kʉ ngbá chu?

¹⁰ Ke ká dhongʉe ndidhó jidha bbo pli ngbá chulu? Ri kʉ le ødha dhi be chulu. Føri chulu Yova dhongʉe ná jidha ro nzá ddikpa le ma ka ndi dhǒ ddi ri! (Yoh. 3:16; Ro. 5:8) Yova bbʉngʉe ndidzá bbo ndi ji ná ngba, ke bbangʉeri ke dhe ndrŭ krʉ djotsina ndiro kodhi chenga zø njini ndirigoti ko ngʉ ndidzá kau d’e. (1 Yo. 4:10) Yesu ma, Yova ma na nji ko dho ná lo djo ko di ngaddi bbo ró, ko ka ko famu ngbá ngatsi ma kpa jirie ko ddiddiro krʉ nari bblo pli. (Gal. 2:20) Yova nzá bbʉngʉe le ødha dhi be ndi ji ri ndi nji chølo nari dho dhé ri. Ro, ri ke njingʉe jidha djotsina. Yova dhongʉe jidha ko dho bbo na mana kʉ ndi dho ná ke ndi bbʉ ko dho nari chulu, føri i kʉ Yesu. Yova bbangʉeri ndidzá ngba nzani ndirigoti ngba dhe kodhi lo djotsina.

11. Yeremia 31:3 ká ngbá lo ngaddi ko dho?

¹¹ Bl’o ko nja nari bbai Yova nga ngʉe jidha na dhé ri, ro ke dhongʉe ngbá ngatsi ma ndi ji ko nari. (Azø Yeremia 31:3.) Yova drr ko ndi ro ndi ji ko ji nari djotsina. (Anja Kumbukumbu la Torati 7:7, 8.) Ddikpa ritsi inga ddikpa ke ma nzá ddi ka ndi tu ko ro fø jidha ró ro ri. (Ro. 8:38, 39) Fø jidha ká adi rili ni mbu ni ngbaribbai? Azø Zaburi 23, ndirigoti anja ngbaribbai ma Yova dhó jidha lingʉeri Daudi mbu ndi nari ndirigoti ngbaribbai ma ri ka ndi liri ko krʉ mbu ko nari maddi.

 YOVA DHÓ JIDHA KÁ ADI RILI NI MBU NI NGBARIBBAI?

12. Zaburi 23 nǎ kʉ ná lo ká ni ka ni po dʉ chu nǎ ngbaribbai?

¹² Azø Zaburi 23:1-6. Zaburi 23 nǎ Daudi dhori nari kʉ, Yova ji ndi ji ndirigoti ke si ndi ronga b’ob’o. Ke tilo ndima kana kʉ Yova na ná kau djo ndirigoti ke nzi Yova ndi ró rø ná ke. Yova chutso ddá ndi dho nari dho Daudi ngʉ adi ndi mbu ngoi na ndirigoti ke ngʉ adi ndi thí li lu ke djo. Daudi chungʉeri Yova ka ndi dhǒ jidha ndi dho krʉ ddo ró maisha nǎ. Nde, addui ká lingʉeri ke u fø lo?

13. Daudi ká ungʉe Yova ji ndi ji nari addudho?

¹³ “Ma nzɨ si ddikpa ritsi ma kosa ddi ri.” Daudi ungʉe fø lo u dhonalo, krʉ ddo ró Yova ngʉ adi kedhó lo u ná ritsi bbʉbbʉ ke dho. Daudi chungʉeri Yova kʉ ndidzá kau ndirigoti ndi tso uni u ke na. Fø lo dho i Daudi ungʉeri nari kʉ njati ngbá lo ma ba nga gosi ná saa djo ró, Yova si ndidhó lo u ná ritsi bbʉbbʉ dhé ndi dho. Daudi chungʉeri chu nari kʉ Yova kʉ na ndi laidjo ná jidha dada ndi nanga d’o ná lo djolu. Fø lo dho ke ngʉe hwè na ndirigoti ke iso pɨngʉeni pɨ.​—Zb. 16:11.

14. Yova ká ka ndi b’o ko ronga jidha na ngbaribbai?

¹⁴ Yova adi ko ronga b’o jidha na, bbo pli njati rie kpakpalo lu ko da ri ró. B’lo nji cho 20 djolu Beteli nǎ ná Claire, a nzá chungʉe ngbaribbai ma ndi ka ndi kó ndidhó familia nǎ ndrŭ tsotso nari ri kpakpalo na kpa ngʉ bani ná saa na. Le djǒ nanga ngbʉngʉeni ngbʉ le dhi vena ngʉngʉe mutengwa ndirigoti ledhó familia vingʉe ndima dhó njí ma, ndima dhó dza ma na krʉ nari dho. Yova ká dhongʉe ndidhó jidha kpa dho ngbaribbai? Claire pori: “Yova ngʉ adi rili kodhó familia ba ndima dhó lo u krʉ ddo ró ná ritsi ba dhé.  Bí ina Yova ngʉ adi nji nari kʉ nzá djo ma ddie nga ná lo! Ma adi ngaddi bí ina ngbaribbai ma Yova kongʉe ko tsotso nari djo ndirigoti ma nzɨ vi kedhó jidha nga ro ri. Fø lo nga ma no nari adi ma tsotso kó ma ra anzi ke dho ma njínji nari na njati rie kpakpalo na ma ma bani ró.”

15. Daudi ká ngʉ ndi mbu pɨ iso pɨni nari bbai addudho? (Anja ji maddi.)

¹⁵ “Ke adi ma iso pɨpɨ”  Nja saa na Daudi thí ngʉ adi bʉni bbo ndi ngʉ bani na maisha nǎ ná kpakpalo krʉ dho. (Zb. 18:4-6) Føro mai Yova dhó bbo jidha ngʉ adi ke iso pɨpɨ dhé. Yova ddangʉe chutso ndidhó njenjeni ná kau dho “bbo tsó kʉ” ndirigoti “nì nǎ dda kʉ ná ngana.” Føri lingʉeri Daudi ba kpakpanga ndirigoti ke rá anzi Yova dho ndi njínji nari na.​—Zb. 18:28-32.

16. Yova dhó jidha ká adi ni isopɨ ngbaribbai?

¹⁶ Føri bbai, njʉ njati rie ngbà di ná kpakpalo tso ró ma ko hwini ri ró, “ri kʉ Yova dhó chi kʉ ná jidha dzá lo dho i ko sini nzá ri.” (Omb. 3:22; Kol. 1:11) Akonja Rachel dhó loroji. Le thí bʉngʉeni lebbá ke bbangʉe le ma, Yova ma na krʉ Coronavirus dhi saa djo nari dho. Yova ká njingʉe ngbá lo le dho? Le pori: “Yova lingʉeri ma mbu ma ngbà le ji nari bbai. Ke lingʉeri ji ji ma ná bbakau d’e ma ronga tso, kpa ngʉ adi si nyo na ma ma dho, kpa ngʉ adi kpakpa ka ndi li ma ná mesaje ma, maandiko ma na chó ma dho, kpa ngʉ adi nga ro ma gbo ma dho, ndirigoti kpa ngʉ adi nga no ma dho nari kʉ Yova ngaddi nì ma djo. Ma adi mbai po Yova dho ke bbʉ jiji ma ná familia ma dho nari dho.”

17. Daudi ká ngʉ “do ro nji nzɨ” addudho?

¹⁷ “Ma nzɨ do ro njiri dhonalo ni kʉ ma na nì.” Daudi dhó maisha ngʉe bí ina hatari nǎ ndirigoti ke tso ró ngʉe kpakpa kʉ ná mbubai bí. Nì mai ri kʉ fø, Yova ngʉe na ke laidjo ná jidha ngʉ adi rili ke é ngoi na ndirigoti ke mbu ndi b’o ronga b’oni nari bbai. Daudi ka ndi njaeri nja nari kʉ Yova kʉ ndi na nì krʉ lo kana ndirigoti føri ngʉ adi ke li kpakpa. Føri dho ke ngongʉeri ɨ: “[Yova] kongʉe ma tsotso do krʉ nǎ ro.” (Zb. 34:4) Daudi ngʉe do na nja saa na, ro ke singʉe si dhé ndi kʉ na ná do djolu dhonalo ke chungʉeri Yova ji ndi ji.

18. Yova ji ni ji nari ká ka ndi li ni kpakpa do di ni nji ná saa djo addudho?

¹⁸ Do tá ko na ná lo tso ró ko di hwini ná  saa na ká Yova dhó jidha adi kpakpanga bbʉ ko dho ngbaribbai? Susi ró dho kʉ ná painia d’ra ngbaribbai ma ndima mbungʉe ndima ndibbá ke ma na nari, ndima dhi ngba rangʉe abbaro ná saa na. “Njati che bbo kʉ ná lo banga maisha nǎ ró, ri adi le thí ronga lø bbo ndirigoti le adi le mbu pa kʉ nari bbai. Ro, Yova dhó jidha adi rili ko mbu ko ngoi na ndirigoti b’o ronga b’oni nari bbai.” Anziro ko tielo djo ná Rachel pori: “Ddikpa cha kuna, ma thí ngʉ ndí che sani, ma høngʉe bbo ndirigoti ma do ngʉ nji bbo, ma nzingʉe nga Yova tso ma chu bbobbo ri na. Ma nzinga nari goti théi ke pɨngʉe ma iso nzø-i adi nji nari bbai, føro ddo tingʉe ma nyo goti ma ddongʉe théi. Ma nzɨ vi fø saa nga ro ri.” Tasos ró dho kʉ ná ddikpa muzee njingʉe cho tho prizo nǎ ke gʉngʉe sødda djo ndi ra nari gʉ nari djó. Nde, ke ká njangʉe Yova dhó jidha ngbaribbai? Ke pori: “Yova bbʉngʉe madhó lo u ná ritsi krʉ ma dho. Ma ungʉe ri u nari kʉ ma ka ma li ma thí ngbà ke djo. Yova bbʉngʉe hwè ma dho ndidhó roho takatifu chulu nì mai ma ngʉe che kʉ ná fø ngana ro. Ma churi nari kʉ ma di ma thí li Yova djo bbo ró, ke si ma tsotso ma ko bbo i. Føri dzá ma ngangʉe painia tso prizo nǎ ma ngʉe ro.”

ADRINI CHØCHØ NIDZÁ ZØLO DHI MUNGU RO

19. (a) Yova ji ko ji nari ká ka ndi liri ko nzi addu ke tso? (b) Yova dhó jidha nǎ bbo lø ni ronga nari ká kʉ ngbá lo? (Anja i djo ripo ná kisanduku “ Ko tsotso ka ndi kó ndiro ko nja Yova dhó jidha d’e ná lo.”)

¹⁹ Ko tielo djo ná lo krʉ dho nari kʉ, kodhi “ji dhi Mungu” Yova kʉ ko na nì! (2 Ko. 13:11) Ke adi ndi dyu li ko ro ddiddi ro krʉ. Ko uri u nari kʉ “kedhó chi kʉ ná jidha d’e ko ronga tso d’e.” (Zb. 32:10) Ko di ngaddi ke kʉ na ko dho ná jidha djo bbo ró, føri adi rili ko nja ke bbʉbbʉ kʉ ná ke bbai ndirigoti ko kana nga adi ngʉ chøhø ke na. Akodi nganzi ke tso nga nǎ do ro, akod’ra ngbá ngatsi ma kodhó lo u ke dhó jidha nari ke dho. Ko ka ko d’ra ko nanga d’o ná lo ke dho u ko uri nari kʉ, ke ko famu nì ndirigoti ke ji ndi kó ko tsotso ko ro.​—Zb. 145:18, 19.

20. Yova e na ná jidha ká adi ko ndri chøchø ke ro addudho?

²⁰ Ddiddi ko adi ndrini chøchø kazz tso ro grɨ o ná saa na nari bbai, ko adi ndrini Yova dhó jidha ro. Nì mai Yova kʉ na ná jidha kʉ kpakpa ro, ri nǎ zølo ma e ddi. Føri dzá aba hwè Yova ji ni nari dho. Ndirigoti ko krʉ ako u kedhó jidha i ko ripo nari chulu: “Ma ji Yova”!​—Zb. 116:1.