Nja saa djo ni zøe ná lo nga ni no nari ká e kpakpa ni dho? Bí ina ko krʉ ró fø lo adi njini nì. Nde, addui ká ka ndi kó ni tsotso? Angʉ bbobbo lo djolu.

Nga ni zø nari kana, nja saa djo adi tøni ni ddinga ni zø ná lo nǎ bbo nǎ mana kʉ ná lo djo. Mutume Paulo ngʉ adi ndi djoi ma, ndi vei ma na ronga cho kpa njiri fø ndidhó barua kpa zø ná saa djo: “Kpadjo iri kʉ bbo nǎ mana kʉ ná lo.” (Ebr. 8:1) Fø chu nǎ, ke ngʉ adi kpa tsotso kó ndiro kpa famu ndi ji ndi po ná lo ndirigoti ngbaribbai ma ri ma ronga nju nja lo krʉ na nari d’e.

Njaro b’lo ni zønga nari goti, ni ka ni dzi miniti 10 ndiri kana ni ddinga ni zø ná lo nǎ bbobbo lo djo d’e. Njati rie nzɨ ni ni zøe ná lo ngano ró, anja re tungo inga azø paragrafu krʉ nǎ anziro kʉ ná lo ndiro ni no ringa d’e. Rie ø lo ni zøe ri ró, amburi ni tu ri nanga ni nganga adi loti nari bbai. Njati ni di ngʉngʉ bbobbo lo djolu ró, ri sie sʉsʉ ni no ri nga. Ndirigoti ni si ngbaribbai ma fø lo ka ndi kó ni tsotso nidhó maisha nǎ nari famu bblo pli.