Ni ká adi riji ni ba faida bbo nidhó funzo la pekee nǎ ro nì? Agʉro kʉ ná i lo ka ndi kó ni tsotso ni li ni dyu bbo nga ni zø ná saa na:

• Avʉ bblo kʉ ná nga. Ngbà ri ka ró, ane nga nǎ muchafu kʉ ná nga ndirigoti kadha kʉ bblo ná nga ndiro ni zø nga bblo d’e. Ni ka ni di kiti ma, mesa ma na kʉ ná ngana inga ni ka ni vʉ arugu bblo kʉ ná nga.

• Ane ddiro ni ka ni di ná nga. Yesu vʉngʉe “bbʉtso kukutso” ndirigoti “nga ndrŭ ro kʉ ná ngana” ndiro ndi njí sala d’e. (Mk. 1:35) Njati rie nzá ni ka ni di ddiro ró, ad’ra ni ngazø nari nidhó familia inga ddinga ni di na ná ndrŭ dho ndiro nzɨ kpa d’i nidhó funzo nanga ró.

• Apʉ ni nyǒ ka ndi ii ná lo ni ró ró. Njati ni njínji telefone na inga tablete na funzo dho ró, angʉ ri mode avio djo inga silasie ndiro nzɨ ri ngbʉ ni djonga ró. Ndirigoti njati ni ddinga ni ka ni njí ná ddikpa lo djo ró, andiri ndi ndiro nzɨ ni si ri nga vi ró ndirigoti ara anzi nga ni zø nari na. Njati ni njari ni djǒ nzɨ lo lø bblo ró, achʉ ni ronga bbi ni bbi nari na.