Ni ká zøe i cho dhi Dzamu dhi Munara li ni li ni dyu ro i ngbà? Anja ni ká ka ni ngʉ i logoti ngbà ma nari:

Ledhó “ngaddidha le ngʉ ø nari” na mana ká kʉ addu? (Ro. 12:2)

Føri nga kʉ ko njí bblo lo dhé kodhó maisha nǎ nari ri. Ro, ringani ko ddinga ngbaribbai ma ko nganga kʉ nari djo ndirigoti ko ø ringani ko ø thika ná lo thika ndiro ko rrnga Mungu dhó kanuni dho ngbà ka ndi ka nari bbai d’e.​—w23.01, paje 8-9.

Ko ká ka ko é kiasi na ngbaribbai dz’ djó njini ná lo ko nja ná saa na?

Ko adi riji ko chu ø ká ngbá lo ro njini, ndiri i rili unabi njini d’e nari. Ndo ka ndi ndó ndrŭ nanga ná lo ko tie nari rɨngana, ringani ko ti ná lo dyʉ ndi Yova dhó tengenezo pʉ ná vichapo ro. (1 Ko. 1:10)​—w23.02, paje 16.

Yesu dhó batiso ká ngʉe njonjo ngbaribbai ke unakpa dhó ri ró ro?

Kedhó lo nzá ungʉeri ndi bbʉ ndi Mungu dho ri, dhonalo ke gøngʉeni b’lo bbʉngʉe ndima Yova dho ná ndrŭ tsɨ kana. Ke ngʉe kaka ná ke ndirigoti ke nǎ nga ngʉe chenga ro ri. Føri dho kedhó lo nzá ungʉeri ro ndi léni ndidhó chenga nǎ ro ri.​—w23.03, paje 5.

Ko ká ka ko njiri ngbǎ ndiro nja ndrŭ ma bbʉ komatere ro ddi njudha dhi ngana d’e?

Ko ka ko di dʉ kʉ ná komatere bbʉ ndiro nja ndrǔ ma bbʉ ri ro ddi d’e. Føri goti ri nzá ngani ko di loti bí kʉ ná lo djo ri. Føro, nja ndrǔ ma ka ndima ba ndima loti djo ná lo ro ddi.​—w23.04, paje 23.

Isaya 35:8 nǎ le tilo djo ná “tsetse ná chu” ká ngʉ ngbá lo dhǒ?

Loroji dhi bbo kʉ ná fø chu ngʉ dhǒ Wayaudi dho ya kwanza nari ngʉe Babiloni nǎ ro ra kpa bbá ngø na ná chu. Nde, kodhó i saa na ká fø chu ngbá lo dhǒ? Kpø 1919 djo, le ngʉ chu tayarisha, føri kʉ Biblia le ngʉ tafsiri nari ma, le ngʉ ri pʉ nari ma, nja njí ma na. Mungu dzá ndrŭ nji safari “tsetse ná chu” lú kpø kiroho nǎ paradiso na, Pidhinga si bbʉ ná ledha dhi ngana ndi kpa mba ro.​—w23.05, paje 15-19.

Mezali sura 9 ká shauri bbʉ loroji dhi aro kʉ ná ngbà di ná isɨ ndrǔ djo?

Mezali tilo “ddikpa rrchu ná isɨle” djo, ná fø le dhó evitasio ndrŭ mba “kabbuli” na ndirigoti “bbʉbbʉ nyodyu” na le ddi ná isɨle dhó evitasio le mba le rá “lo le famu nǎ ná chu lú” ndirigoti ri le mba shinga dhi ngana. (Mez. 9:1, 6, 13, 18)​—w23.06, paje 22-24.

Mungu dhó nyenyenga ma, kiasi ma na ká dhongʉeni pʉlʉpʉlʉ ngbaribbai Loti na ke njingʉeni nari chulu?

Yova pongʉeri Loti nyinga Sodoma nǎ ro ngøtsɨ djó eneo na. Ro, føri rɨngana Loti nzingʉeri ndi rá di Zoari dhi ngø na, ro Mungu ungʉe Loti nzingʉe ná lo tso u.​—w23.07, paje 21.

Ni ká ka ni njí addu njati ni lai ndoa dhi le inga ke nja pornografia ró?

Ringani isɨle nonga nari kʉ, kosa nji nari nga kʉ ndi ri. Ringani le li ndi thí Yova na kʉ ndima kana ná kau djo ndirigoti le di ngaddi Biblia tilo djo ná bʉ thí bʉngʉeni ná isɨ ndrŭ dhó lo djo kpakpanga Yova bbʉngʉe ndima dho sala chulu ro. Ri ka ndi kaka le kó ke tsotso ke pʉ kpakpalo na ka ndi tsu ndi ná lo ndi ró ro.​—w23.08, paje 14-17.

Njati ko bani kpakpalo na kodhó udha djotsina ró, lo utsod’idha ká ka ndi kó ko tsotso ngbaribbai ndiro ko djøni djø d’e?

Ko ka ko chu ddikpa ke dhó ngaddidha inga ke nanga d’o ná lo ke dhu ná lo inga ke bani na ná lo ró ro. Føri ka ndi liri ko chu ngbaribbai ma ko ka ko ngʉ kedhó logoti djø ko djøni ro nari.​—w23.09, paje 17.

Ko ká ka ko jifunza ngbá lo Maria ró ro, nja ndrŭ dhó ro le rine le ba kpakpanga nari djo?

Maria rrngʉeri ndi si ngʉ Masiya dzá mama nari ná saa djo, le nengʉe kpakpanga nja ndrŭ dhó ro. Gabrieli ma, Elizabeti ma na lingʉe Maria kpakpa Biblia nǎ lo chulu. Ko maddi, ko ka ko ba kpakpanga ko lai Wakristo dhó ro.​—w23.10, paje 15.

Yova ká ka ndi ngʉ kodhó sala goti ngbaribbai?

Ke tsoni ndi kodhó sala rrrr ndirigoti ndi ngbaribbai ma ri ronga nju ndidhó kusudi na nari nja. (Yer. 29:12) Ke ka ndi ngʉ ddiddi di ná logoti njonjo kʉ ná chu lú maddi, ro krʉ ddo ró ke ko tsotso i koko dhé.​—w23.11, paje 21-22.

Waroma 5:2 nǎ le tilo b’lo “ngab’odha” djo, ro føro ká le tilo ki ri djo addudho verse 4 nǎ?

Ddikpa le rr hwè dhi lo-i ná saa na, le ka ndi ba ná ngab’odha kʉ ndi si kʉ maisha hwè nji i dz’ djó paradiso nǎ. Ro, le di hwini mbudha tso ró, le di ngatso ve ndirigoti le di Mungu u ndi tso nari nja ná saa na, ledhó ngab’odha adi ngʉ kpakpa bbo ndirigoti le adi ri nja ndi nganga dho le bbʉ ná ngab’odha bbai.​—w23.12, paje 12-13.