1. Petro dhe nari nji chøchø ká Yova njingʉe njí ke na ndiro ke njí addu d’e?

 MUTUME Petro njingʉe njí chi ndi tøni ro cho bí kana. Ke ma ngʉ adi lod’ra Yesu ma na, ke ngangʉe lod’radha tso nga ngʉe Wayaudi ná ndrŭ dho ndirigoti luti ke ngʉngʉe lo dho chutso ddá ná baraza nǎ ddike. Ro, b’lo ke si chøchø ndidhó maisha dzá mwisho nǎ ro, Yova bbʉngʉe nja njí ki ke dhona. Cho 62 ma kana 64 na Y.G.G., Yova ddangʉe chutso ke dho ke ndi aro kʉ ná barua, føri kʉ 1 Petro ma, 2 Petro ma na. Ke ngʉe ngab’odha na nari kʉ fø barua ka ndi koe Wakristo tsotso ngbà b’lo ndi dhe nari goti.​—2 Pe. 1:12-15.

2. Petro ndingʉe ná barua ká kʉ lazima addudho?

² Petro ndingʉe fø barua ndi lai Wakristo ngʉ “nzani njonjo kʉ ná kpakpalo dho” ná saa na. (1 Pe. 1:6) Che kʉ ná kpa ngʉ rine ndima tsu kali dhi mafundisho ndirigoti nzá tsetse ná nyi Wakristo dhó kutaniko na. (2 Pe. 2:1, 2, 14) Yerusalemu nǎ ngʉ di ná Wakristo ka ndima njae “krʉ kʉ ná lo tso si d’ø nari” karrnga goti, føri i kʉ Yerusalemu ma, Wayaudi ma na ka ndima bae sadha Roma nǎ bbasødda dhó ro nari. (1 Pe. 4:7) Bbʉbbʉ dhé, Petro dhó fø barua kongʉe Wakristo tsotso ndima nja ndima ka ndima njí ndiro ndima ve fø saa na ngʉe ná kpakpalo tso ndirigoti ri tayarisha ndima gosi ná saa na si ná kpakpalo dho d’e. b

3. Ká addudho ringani ko ne Petro ndingʉe ná barua nǎ kʉ ná lo nanga?

³ Ngbà mai Petro ndingʉe fø barua ndidhó saa na ngʉ di ná Wakristo dho ro, Yova bbari fø barua ndini Biblia na  maddi. Føri dho, njʉ maddi ko ka ko ba faida fø barua nǎ ro. (Ro. 15:4) Fø Wakristo bbai, ko di djó ná dz’ djó nzá tsetse ná nyi kʉ bbo nari ka ndi liri rie kpakpa ko dho ko njinjí Yova dho. Føri djolu pli, karrnga goti ko si ba ná mbudha si dada Wayaudi dhó saa na ngʉe nari djolu. Petro ndingʉe ná aro kʉ ná fø barua bbo na mana kʉ ná nja lo ngano ko dho. Fø lo si ko tsotso ko ko é tayari Yova dhó ddo dho, nzɨ ko ndrŭ do nji ro ndirigoti bbo pli kʉ ná jidha ko dhǒ ko kana ro. Fø barua nǎ kʉ ná lo ka ndi kó wazee tsotso ndiro ndima nja ngbaribbai ma ndima ka ndima b’o le-djoi ma, le-vei ma na ronga bblo nari d’e.

4. Ddiddi 2 Petro 3:3, 4 ripo nari bbai, addui ká ka ndi liri kodhó udha djødjø nja saa na?

⁴ Ko di kana nari kʉ nzá u Biblia nǎ unabi ná ndrŭ. Kodhó wapinzani ka ndima be ko pá dhonalo ko d’rarie i dz’ si ndidzá mwisho nǎ nari bicha b’lo. Nja ndrŭ adi ripo føri ro nzá ka ndi njini ri. (Azø 2 Petro 3:3, 4.) Njati ko rr fø di ná lo, lo ko d’ra dho ná ndrŭ dhó ro inga ko lai njí dhi ndrŭ dhó ro inga kodhó familia dhó ro ró, fø lo ka ndi liri kodhó udha ngʉ aluti. Petro d’rangʉe ko tsotso ka ndi kó ná lo d’ra.

5. Addui ká ka ndi liri kodhó nganjadha é bblo i dz’ tso si d’ø nari djo? (2 Petro 3:8, 9)

⁵ Nja ndrŭ ka ndima di riddi Yova rɨni rɨ che kʉ ná i dz’ tso ndi d’øe nari na. Petro ndingʉe ná lo ka ndi kó ko tsotso dhonalo ri ngano ko dho nari kʉ Yova dhó nganjadha kʉ njonjo bbo saa djo ndrŭ dhó ri ró ro. (Azø 2 Petro 3:8, 9.) Yova dho cho elfu ddi kʉ ddiddi ddikpa cha nga bbai. Yova kʉ ngatsovedha na ndirigoti ke nzá jiri ddikpa le ro ma sani ddi ri. Ro, kedhó ddo sisi b’lo ná dyí i dz’ tso si kʉ d’ød’ø. Ko ba bbò pendeleo ko njinjí kodhó saa na ndiro ko d’ra lo ndrŭ tsɨ krʉ dho d’e.

6. Ko ká ka ko b’o Yova dzá ddo ronga “krʉ saa ró ko djǒ nǎ” ngbaribbai? (2 Petro 3:11, 12)

⁶ Petro rija ko dho ko b’o Yova dzá ddo “ronga krʉ saa ró ko djǒ nǎ.” (Azø 2 Petro 3:11, 12.) Ká ngbaribbai? Ri kʉ bblo ko di ngaddi krʉ ddo ró ngbaribbai ma maisha sie bblo ø dz’ djó nari djo. Addinga bblo kʉ ná hewa ni ddá nari ma, bblo kʉ ná nyo ni nyo nari ma, ni ró ji ni ji ná ndrŭ ga ná ndrŭ dho ni karibu po nari ma, Biblia nǎ unabi njini nari njí dingʉe dz’ djó ná ndrŭ dho ni longaddi nari ma na djo. Njati ni di ngaddi fø ritsi krʉ djo ró, ri ka ndi kó ni tsotso ni b’o fø saa bbò ù na ndirigoti ni ka ni uri nari kʉ ngatso si d’ø ná ddo kʉ chøchø. Gosi ná saa djo ko “kʉ lochudha na nzina” nari ka ndi kó ko tsotso “nzɨ ko bbari ko shani” kali dhi walimu dhó ro.​—2 Pe. 3:17.

7. Ndrŭ do ko nji nari ká ka ndi liri ko njí addu?

⁷ Ko churi Yova dhó ddo si chøchø nari dho, ko adi ko dho ka ná lo nji krʉ ndiro ko d’ra hwè lo-i nja ndrŭ dho d’e. Ro, nja saa na do ma ka ndi njí ko ngbà dhé lo ko d’ra ndrŭ dho nari dho. Ká addudho? Dhonalo ko adi ndrŭ si ddi ko djo inga ndrŭ si nji ko ró ná lo do nji. Fø di ná lo njingʉeni Petro ró maddi. Yesu ngʉ nzani ná kuna, Petro pongʉeri ndi nga kʉ Yesu unakpa kana ddike ri ndirigoti ke pongʉeri bí ina ndi nzá chu Yesu nyi ro maddi ri. (Mt. 26:69-75) Ro, Mutume Petro singʉe si do djolu ndirigoti luti ke ndingʉe i lo: “Nzɨ ni nji kpa nǎ do tá ná lo do ndirigoti nzɨ ni djǒ nanga ngbʉni.” (1 Pe. 3:14) Petro ndingʉe ná fø lo liri ko uri u nari  kʉ, ko ka ko sisi nja ndrŭ do ko nji nari djolu.

8. Ko tsotso ká addu ka ndi kó ndiro ko si ndrŭ do ko nji nari djolu d’e? (1 Petro 3:15)

⁸ Ko tsotso ká addu ka ndi kó ndiro ko si ndrŭ do ko nji nari djolu d’e? Petro pori ɨ: “Aniliri Kristo tsetse ni thí nǎ dhonalo ke kʉ Bboke.” (Azø 1 Petro 3:15.) Ko ka ko nonga nari kʉ Yesu Kristo kʉ kodhó Pi ndirigoti ke kʉ kpakpanga na bbo pli. Njati rie do ni nji hwè lo-i d’radha dho ri ró, ano kodhó Pi nga. Addinga djo nari kʉ ke pinyo ra nǎ mamilioni kʉ ná malaiká d’e ndi ronga tso ro. Anonga nari kʉ ke kʉ “krʉ kʉ ná kpakpanga na . . . ra nǎ ma, dz’ djó” ma ndirigoti ke sie “ni na krʉ ddo ró kpø ngatso d’ø ná nga djo.” (Mt. 28:18-20) Petro rija ko dho ko é “krʉ ddo ró tayari” ndiro ko di loti kodhó udha djo d’e. Ni ká ka ni jiri ngbà ni d’ra lo nja ndrŭ dho njí dhi ngana, darasa nǎ ndirigoti nzá ni pɨpɨ ro? Addinga nzina ngbá saa na ma ri ka ndi ka ni nji fø lo nari djo ndirigoti atayarisha ni si po ná lo. Anziri Yova kó ni tsotso ni é nga nǎ do ro ndirigoti auri u ke si ni tsotso koko ndiro ni si ndrŭ do ni nji nari djolu d’e.​—Mdo. 4:29.

9. Ddikpa saa na ká Petro tso ri jidha ndi dho nari gʉngʉe ngbaribbai? (Anja ji maddi.)

⁹ Petro jifunzangʉe ngbaribbai ma le ka  le dhǒ jidha nari. Ke ngʉe nì Yesu pongʉeri ɨ ná saa na: “Ma bbʉ ø kʉ ná yadha ni dho, føri kʉ ni jini ji ni kana ddiddi ma jirie ni nari bbai, ni maddi anijini ji ni kana.” (Yoh. 13:34) Nì mai ri kʉ føro, luti Petro gʉngʉe nga kʉ Wayaudi ná ndi djoi ma, ndi vei ma na na ndi nganyo nari gʉ dhonalo ke ngʉ Wakristo kʉ ná Wayaudi do nji. Føri dho mutume Paulo pongʉeri Petro nji ná føri kʉ, “shasha dhi lo.” (Gal. 2:11-14) Petro ungʉe fø nizamu u ndirigoti ke jifunzangʉe lo fø lo nǎ ro. Kedhó aro kʉ ná fø barua nǎ ke ndiri, ri nzá ngani ko mbu ko jiji ko djoi ma, ko vei ma na nari bbai dhé ri, ro ko dhǒ fø jidha dhǒ.

10. “Le-djoi adi dhǒ ná nga nǎ shasha kʉ ná jidha” na le kʉ nari ká ka ndi bbʉ ngbá matokeo? Aturinga. (1 Petro 1:22)

¹⁰ Petro pori ringani ko dhǒ “le-djoi adi dhǒ ná nga nǎ shasha kʉ ná jidha” ko djoi ma, ko vei ma na dho kutaniko nǎ. (Azø 1 Petro 1:22.) Fø jidha adi si “bbʉbbʉlo dho ko ngarr nari nǎ ro.” Fø bbʉbbʉlo tsu ndi nǎ ná mafundisho kʉ, “Mungu nzɨ adi ndrŭ nanga krø ri.” (Mdo. 10:34, 35) Njati ko di jidha dhǒ kutaniko nǎ nja ndrŭ dho dhé ró, ko nzá ka ko rrnga ro Yesu bbʉngʉe jidha djo ná yadha dho ri. Bbʉbbʉ dhé, ko kana nga ka ndi é nja ndrŭ na chøchø pli ddiddi Yesu ngʉ adi rinji nari bbai. (Yoh. 13:23; 20:2) Ro, Petro ngano ko dho nari kʉ, ringani ko njí kpakpanga ndiro ko dhǒ “le-djoi adi dhǒ ndima kana ná jidha” ko djoi ma, ko vei ma na dho dhonalo kpa kʉ ddiddi kodhó familia bbai.​—1 Pe. 2:17.

11. Le ripo ko “jini ko thí nǎ ro bbo pli ko kana” nari na mana ká kʉ addu?

¹¹ Petro jangʉeri ko dho “ko jini bbo pli ko kana ko thí nǎ ro.” Iga le ripo le dhǒ jidha “bbo pli” ná føri na mana kʉ, ko dhǒ jidha dhé rie kpakpa ma jidha ko dho nja ndrŭ dho nari kʉ ri ró. Loroji na, njati ddikpa le-djo njí vo ka ndi vó ko thí ronga ná lo ddikpa chu nǎ ró, ká ri ka ndi é ngbǎ? Ya kwanza ko ka ko jiri ko njiri ke ró ke njiri ko ró nari bbai, jidha ko dhoé ke dho nari rɨngana. Ro, Petro jifunzangʉe Yesu dhó loroji nǎ ro ná somo kʉ fø di ná nyi nzɨ adi Mungu nyǒ tho ri. (Yoh. 18:10, 11) Petro ndiri: “Nzɨ ni wø chelo be chelo ró inga dhú goti dhú na. Fønga rɨngana aniwø ri be ledha ró.” (1 Pe. 3:9) Abbari bbò kʉ ná jidha cho ni ronga ni njí bblo lo njati rie chelo njie ni ró ná le ma ri kʉ ri ró.

12. (a) Bbo pli kʉ ná jidha ko dhǒ nari ká ka ndi cho ko ronga ko njí addu? (b) Ni ká jiri ni njí kpakpanga ni njí addu video Tulinde Umoja Wetu​—Ni Zawadi ya Muzuri Sana ridho nari bbai?

¹² Petro dhó ya kwanza barua nǎ ke njinjí na ná lo kʉ, “bbo jidha le dhǒ nari.” Fø di ná jidha nzɨ adi sese kʉ ná chenga djonga tso thé ru ri, ro “bí kʉ ná chenga” maddi. (1 Pe. 4:8) Njaro Petro nongʉe anziro Yesu ddingʉe ndi dho ndrŭ zø le nji nari nǎ ro ná somo nga. Njaro fø saa na, Petro ngʉ rinja nari kʉ, ndi kʉ bblo pli kʉ ná ke ndi pongʉeri ndi ka ndi njí ndidhi djona zø “kpø sabba ina” ná saa na. Ro, Yesu ddingʉeri ke dho ndirigoti ko dho ko njí ndrŭ zø “kpø 77 ina,” ná føri na mana kʉ le njí ndrŭ zø ngadhi mwisho ro. (Mt. 18:21, 22) Njati ni njari ni dho ri e kpakpa ni njinjí fø shauri na ró nzɨ bbari ni thí bʉni! Yova dzá nzá kaka ná njí dhi ndrŭ krʉ adi hwini ndrŭ zø le njie ná føri dhi kpakpalo na. Bbo na mana kʉ kpadjo nari kʉ ni njí ngbà ni ka ni njí ná kpakpanga ndiro ni njí nidhi djona zø ndirigoti ni njí ngoi ke na d’e. c

13. Addui ká ka ndi liri rie kpakpa wazee dho ndima b’o ndima djoi ma, ndima vei ma na ronga?

¹³ Petro nzá vingʉe Yesu ga nari goti ke pongʉe ndi dho ná i lo nga ro ri: “Ab’o madzá rere chembø ronga.” (Yoh. 21:16) Njati ni é muzee ró, ni churi nari kʉ fø lo le ja ni dho maddi. Nì mai ri kʉ føro, nja saa na ri ka ndi é kpakpa muzee dho ndi njí ndidhó bbʉni ná bbo na mana kʉ ná fø njí. Wazee dho ringani ya kwanza ndima gba ndima dhó familia dhó lo tso kimwili nǎ, kiroho nǎ ndirigoti nja lo kana maddi. Wazee e bblo kʉ ná loroji lod’radha dhi njí ma, njudha ma, asamble ma na dho ndima ndima tayarisha nari kana. Nja kpa adi njínji Hopitale dhi Lo djonga adi nja ná komite nǎ, ndirigoti nja kpa u ritso ndima njinjí ujenzi dhi departema nǎ. Bbʉbbʉ dhé, wazee dhó njí e bbo!

14. Wazee ronga ká addu ka ndi cho ndiro ndima b’o miya ronga d’e? (1 Petro 5:1-4)

¹⁴ Petro d’rangʉeri ndi lai wazee dho ɨ, “Anib’o Mungu dzá chembø ronga.” (Azø 1 Petro 5:1-4.) Njati ni é muzee ró, ko churi nari kʉ ni jirie ni djoi ma, ni vei ma na ji ndirigoti ni jirie ni b’o kpa ronga b’o. Nì mai ri kʉ føro, nja saa na ni ka ni mbu ni bbo ró njí kʉ ri, nje njeni ri, ndirigoti nzá dho fø njí ka ndi njini ri. Nde, ni ká ka ni njiri ngbǎ? Ad’ra ni nanga d’o ná lo Yova dho. Petro ndingʉeri ɨ: “Njati rie njí ddikpa ke nji ri ró ke li ndi thí Mungu bbʉ ná kpakpanga djo.” (1 Pe. 4:11) Ni djoi ma, ni vei ma na hwini tso ró ná kpakpalo ro nzá ka ndi sini krʉ i dz’ djó ri. Ro, anonga nari kʉ, “miya ronga b’o ná Bboke,” Yesu Kristo ka ndi kó kpa tsotso ni ka ni njieri ná nga djolu. Ke ka ndi njí føri njʉ ndirigoti ke si rinji ø dz’ djó maddi. Mungu rinzi wazee dhǒ jidha ndima djoi dho, kpa b’o kpa ronga ndirigoti kpa é “bblo kʉ ná loroji miya dho.”

15. Ddikpa muzee ká adi miya ronga b’o ngbaribbai? (Anja ji maddi.)

¹⁵ B’lo nji muzee dzá njí bicha ná ke William famu miya ronga le b’o ná føri na mana bblo. Coronavirus tso ngangʉeni ná saa na, ke ma, ndi lai wazee ma na lingʉe anziro nari kʉ, ndima di loti ndima dhona le bbʉ ná kikundi nǎ kila mutu na krʉ yenga ddo ró. Ke d’ra addudho ma ndima kpengʉeri fø nari: “Bí kʉ ná le-djoi ngʉ  adi di abba d’o ri ndima nanga d’o ro, føri dho kpadhó ngaddidha ka ndi ngʉe che lele.” Njati rie le-djo inga le-ve hwini kpakpalo na ri ró, William ngʉ adi fø le rr li ndi li ndi dyu ro ndiro ndi chu fø le dhó lo u ná lo ma, le nanga d’o ná lo ma na. Føri goti ke ngʉ adi kpakpanga nji ndiro ndi ba vichapo inga video ro kodhó site djó ro ndiri na ndi li fø le-djo inga fø le-ve kpakpa d’e. Ke pori: “Ndrŭ ronga le b’o ná føri kʉ bbo pli na mana kʉ njʉ ná njí. Ko adi kpakpanga nji bbo ndiro ko kó ndrŭ tsotso ndima chu lo Yova djo; føri bbai ringani ko njí kpakpanga bbo ko b’o ko djoi ma, ko vei ma na ronga ndirigoti ko kó kpa tsotso ndima tøni chi bbʉbbʉlo kana d’e.”

16. Petro dhó barua nǎ ro ko ba ná somo na ká ko ka ko njinjí ngbá chu nǎ?

¹⁶ Ko tilo ro sese dhé, Petro ndingʉe ná aro kʉ ná barua nǎ ro ko ka ko ba ná somo djo. Njaro ni nja nidhó lo thika ro ni ka ni thɨ ná chu ro ngbà. Loroji na, ni ká ka ni jiri ni di nga ro ddi bí ina ngbà ø dz’ djó sie ná ledha djo? Ni ká li muradi ro ngbà ni njí ndiro ni di lo ro d’ra njí dhi ngana ma, darasa na ma ndirigoti nzá ni pɨpɨ ro ma nja ndrŭ dho? Ni ká nja le-djoi ma, le-vei ma na dho ni ka ni dhǒ bbo pli kʉ ná jidha ro na chu ro ngbà? Wazee, ni ká vʉri ni b’o Yova dzá chembø ronga ji ni nanga jini ro i ngbà? Ngbaribbai ma ni ne ni nanga nari ka ndi liri ni d’i nidhó uzaifu utso, ro nzɨ bbari ni thí bʉni. “Bboke kʉ bblo,” ndirigoti ke si ni tsotso ko nja ni thɨ nidhó lo thika d’e. (1 Pe. 2:3) Petro li ko kpakpa ɨ: “Mungu si . . . nidhó mazoezi tso dya ndi ndiro. Ke si rili ni tøni kprɨ, ke si ni li kpakpa ndirigoti ke si rili nzɨ ni ronga jaja.”​—1 Pe. 5:10.

17. Njati ko d’i ji nzá ndirigoti ko bbá Yova dyá kodhó mazoezi tso nari ká ka ndi bbʉ ngbá matokeo?

¹⁷ Ya kwanza Petro ngʉ adi ndi mbu nzá ka ndi di Yesu kuso nari bbai. (Lu. 5:8) Ro, jidha na Yova ma, Yesu ma na kongʉe Petro tsotso nari dho, ke nzá bbangʉe Yesu ndi dyø nari tso ro ri. Føri bbʉ ná matokeo kʉ ke bbari Petro “tsu kodhi Bboke ndirigoti kodhi Gødha ba, Yesu Kristo dzá theinga dho kʉ ná Pidhinga na.” (2 Pe. 1:11) Føri kʉ bblo pli kʉ ná ledha! Njati ni d’i ji nzá Petro bbai ndirigoti ni bbari Yova bbʉ mazoezi ni dho ró, ni maddi si ni kobe ba choro nŭnŭ di ná shinga ke si bbʉ ni dho nari na. Føro ni si “si nidhó udha dhi muradi djo, føri kʉ gødha.”​—1 Pe. 1:9.