Gø dhi ndrŭ kʉ bbo madaraka na ndima ddi longa ndima dhi nzø dho Yova djo. (Efe. 6:4) Gø dhi ndrŭ tsotsokodha dho Yova dhó tengenezo adi vichapo ma, video ma, dyi ma na pʉ. Ni ká ka ni njinjí fø no na ngbaribbai ndiro ni ddi longa nidhi nzø dho d’e?

• Anine ni tsotso ka ndi kó ná lo JW.ORG djó, føga ni ka ni ba jadda nzø tsotso ka ndi kó ná video ma, ngandidha dhi nga inga ji le ka le thɨ djo ná paje ma na. a Ndiro ni ba ri d’e anitsu “Watoto” inga “Vijana” le ndi ná ngana.

• Avʉ ngbà ka ndi kó nidzá ngba tsotso ná lo. “Watoto” le ndi ná sehemu tsena kʉ ná lo ka ndi kó ni tsotso ni vʉ nidhó ngba dhó lo ji ná lo. Ndiro ni ba ri d’e, ane ɨ djǒ ripo ná lo “Utendaji Mbalimbali Wakati wa Ibada ya Familia.”

• Aniba saa ni tilo ri djo nidzá ngba na. Nzɨ njinjí kodhó video na inga kodhó vichapo na ndiri na ni vi ngba dhó saa inga ni drr na ngba dhó ngaddidha dhé. Ro, anitilo ri djo ngba na ndirigoti ako ngba tsotso ndiro ngba li ndima kana kʉ Yova na ná kau kpakpa d’e.