Ngazødha dho ko ko tayarisha ná saa na akodhuri ko tso, ‘ma ká rine ma chu ngbá lo?’ Nì mai ri kʉ føro, ringani ko no nga nari kʉ njati rie ko rine ko chu ddikpa lo ma ró, Yova si ngaddi ko dho ná nja ø lo ro ka ndi é nì dhé. Ko ká ka ko rr Yova ji ndi ddi ko dho ná lo ngbaribbai?

Anziri ke bbʉ nyodyu ni dho. Anziri Yova kó ni tsotso nja ni famu ke ji ni chu kpadjo ná lo d’e. (Yak. 1:5) Nzɨ li ni thí b’lo ni churie ná lo djo dhé.​—Mez. 3:5, 6.

Abbari Mungu dzá lo dzá kpakpanga lé nidhó maisha thika. “Mungu dzá lo kʉ shi.” (Ebr. 4:12) Mungu dzá shi kʉ ná “lo” ko zø nari ka ndi lø ko ronga njonjo kʉ ná chu nǎ kodhó maisha nǎ, njati ko uri nari kʉ kodhó lo u Mungu ddi longa ko dho ró.

Adi mbai po Yova lo ngaddi ko dho ná chu krʉ dho. Kiroho nǎ nyo kʉ ddiddi “djúu o ná nyo kʉ nǎ ná fete” bbai. (Isa. 25:6) Nzɨ di tini nzá ni ji ná lo djolu. Ni njiri fø ró, ni si ribba Mungu kó ni tsotso ni ngʉ bblo kʉ ná ke ndirigoti ni si hwè ba bbo ngazødha nǎ ro!