Njaro ko kana bí ndrŭ bbai, ni dho ri e kpakpa ni nó zø ni zøe ná longa. Ro, ko dho ri e sʉsʉ ko nó Yesu ddingʉe ko dho ná bi kʉ ná longa dhonalo ke ngʉ adi lo ngaddi loroji ró. Yesu dhó loroji nga le no nari adi rili le nó ri chulu ke ngʉ ddi ná lo nga maddi. Føri bbai, ji thɨdha ka ndi liri ni nó bí kʉ ná longa ni zøe ná lo djo. Føri ká ni ka ni njí ngbaribbai? Ni zø ná lo ró ji ni thɨ nari na.

Wø ndima chu ná lo ró ji thɨ ná ndrŭ dho ri e sʉsʉ kpa nó ri nga bblo. Fø ndima rinji nari chulu kpa nzɨ adi lo dhé churi, ro ri nǎ ro ndima ba ná somo maddi. Kpa thɨ ná fø ji nga e bbo pli ndi d’ani ro ri, ro ri e seple dhé. Ndirigoti bbo pli tsotso føri adi kó nari kʉ, ngó ngʉ ná ndrŭ ndiro ndima nó b’lo ndima zøe ná longa d’e.

Lo ki ni si zø ná saa na, amburi ni thɨ ni zø ná lo ró ji ro. Føri si rili ni nó longa bblo pli!