MULANDU NCOCIYANDIKILA: Mufundishi wesu Munene Yehova alatupa lwiiyo lubotu abuumbi. Alatwiisha mbweenga twatola buumi bwesu panembo, akutucafwa kulibambila kukala buumi bubotu bwa kunembo—kwakubula kulipila! (Isa. 11:6-9; 30:20, 21; Ciyu. 22:17) Kwiinda mulwiiyo ulu, Yehova alatucafwa kushimikila bamwi makani abotu eenga abapulusha.—2 Koli. 3:5

MBWEENGA MWACIITA:

• Amube amibo ya kuliceesha akulibombya.—Kulu. 25:8, 9

• Amutambule lwiiyo ndweenga mwacikonsha pacecino ciindi, mbuli kusumina kupekwa lubasu lwa shikwiiya kumabungano amukati kansondo

• Amuyeeye nsheenga mwaciita kwaamba ayi muye panembo lwakumushimu. —Fili. 3:13

• Amulyaabe kwaamba ayi mweelele kutambula lwiiyo luunji.—Fili. 3:8

AMWEEBELE VIDYO ICITE MUTWI UTOKWAAMBA AYI KUBILA LWAKUMUSHIMU CEEBO CA KWIISHIKWA AYEHOVA, LYALO AMUBANDIKE MIIPUSHO ITOKONKELAAWO:

• Ino ngamapensho nshi bamakwesu abenankashi bamwi ngobakakoma kwaamba ayi bacikoonshe kunjila Cikolo ca Bashimikila sha Bwaami?

• Ino nshiinshi nshobeeya abo beshikwiinda mu Cikolo ca Bashimikila sha Bwaami?

• Ino bamulibungano mwakatumwa bamakwesu abenankashi bakamanisha cikolo ici balacafwa buyani?

• Ino nshiinshi shiyandika kwaamba ayi muntu eelele kunjila Cikolo ca Bashimikila sha Bwaami? (kr-CG 189)

• Ino ndwiiyo nshi lumwi ndweenga mweendaamo mulibunga lyakwe Yehova?