January 15-21
JOBO 36-37
Lwiimbo 147 Amupailo | Maswi Akutalikila (Mami. 1)
1. Nceenga Mwashomena Cishomesho ca Buumi Butamani Lesa Ncaakashomesha
(Mami. 10)
Yehova ngwamuyayaya (Job 36:26; w22.12 pe. 2 mapa. 3-4)
Yehova alicite busongo ankusu shakupa kwaamba ayi tutolelele kuba abuumi (Job 36:27, 28; w20.05 pe. 22 pala. 6)
Yehova alatwiisha nsheenga twaciita kwaamba ayi tukacane buumi butamaani (Job 36:4, 22; Jo 17:3)
Kushoma cakutatonsha mucishomesho cakwe Lesa ca buumi butamani kulatucafwa kuliyumya ndyetutokwiinda mumapensho.—Ebu 6:19; w22.10 pe. 28 pala. 16.
2. Buboni Bwakumushimu
(Mami. 10)
-
Job 36:26—Sa tulyeelete kulisukama na twaalilwa kunyumfwishisha cancine cakwaamba ayi Yehova alekala kwamuyayaya? Amusansulule. (w22.12 pe. 2 pala. 4)
-
Ino nshiinshi nshomweeya kuswa mu kubelenga Baibo kwa nsondo ino?
3. Kubelenga Baibo
(Mami. 4) Job 36:1-21 (th ciiyo 2)
4. Kutalika Mubandi
(Mami. 3) KUSHIMIKILA MUMISENA MUCANIKA BANTU BAANJI. (lmd ciiyo 3 citeente 3)
5. Kuboolelaako
(Mami. 4) KUŊANDA AŊANDA. (lmd ciiyo 2 citeente 5)
6. Kusansulula Nshemushoma
(Mami. 5) Likani. Ijwfq-CG mutwi 57 mapa. 5-15—Mutwi: Ino Nceebonshi Bakamboni Bakwe Yehova Bakalinga Kupenshekwa Paciindi ca Bweendeleshi bwa ba Nazi? (th ciiyo 18)
Lwiimbo 49
7. Amube Balibambite Kubukaalo Mbweenga Mwayandika Kushilikwa na Kucitwa Opaleshoni
(Mami. 15) Kubandikishanya. Lubasu ulu lucitwe amunene.
Libunga lyakwe Yehova lyakatubambila shisebensesho sheenga shatucafwa kukonkela mulawo wakwe Lesa waamba pamakani abulowa. (Mili 15:28, 29) Sa mulashisebensesha?
Kaadi ya Bulowa na (DPA) Alimwi a ka Kaadi Kaniini ka Bulowa na Identity Card (ic): Makaadi aya alasansulula mulwashi mbwaasuni kushilikwa kulansha pamakani abulowa. Bashikushimikila bakabombekwa inga balibwesela kaadi ya DPA alimwi a Identity Card ya baana baniini kumusebenshi usebensela ku mabuku. Makaadi aya tulyeelete kunokweendaawo lyoonse. Na tamuna kusaina kaadi iyi nabi na mutoyandika kwiilemba kabotu, amucite boobo cakufwambaana.
Makani Atokwaamba pa Banakashi Bali Pakati (S-401) a Makani Atokwaamba pa Baabo Batoyandika Kucitwa Opaleshoni (S-407): Mafoomu aya inga amucafwa kuba balibambite kwaamba ayi muleye kushilikwa kwiinda mukusebensesha bulowa. Amusenge bamanene kwaamba ayi bamupe foomu njemutoyandika na mulicite lifumo nabi na mutoyandika kucitwa opaleshoni kucipatela na kushilikwa bulwashi bwa kansa.
Komiti ipa Lucafwo Pamakani Akucipatela na Hospital Liaison Committee (HLC): Ba HLC mbamanene bakeeishikwa bwakubandika abamadokota alimwi abeshikushimikila pamakani abulowa. Inga babandika aba dokota panshila shimwi mbweenga mwashilikwa kwakubula kusebensesha bulowa. Alimwi inga bamucafwa kucana dokota weenga wakonkela nshemwakasala na kaciyandika. Bamakwesu aba inga bamucafwa ciindi cili coonse mashiku nabi malumwi. Na muli mubukaalo mbomutoyandika kupekwa bulo kucipatela, kucitwa opaleshoni nabi kushilikwa bulwashi mbuli kansa, amutumine ba HLC cakufwambaana nabi kwaamba ayi citoboneka ayi inga tamuyandiki kubikwa bulowa. Ubu bweenka mbobeelete kucita abanakashi bali pakati. Amusenge bamanene kwaamba ayi bamupe ma foni namba aba HLC na mutoyandika lucafwo.
Amutondeshe VIDYO ya Mbobacafwilisha Bamu Komiti ipa Lucafwo Pamakani Akucipatela. Lyalo amwiipushe mwiipusho utokonkelaawo:
• Ino ba HLC inga bamucafwa buyani na mwalicana mubukaalo mbweenga mwayandika kushilikwa na kucitwa opaleshoni?
8. Ciiyo ca Baibo Calibungano
(Mami. 30) bt-CG mutwi 4 mapa. 9-12, kabokoshi pa peeji 34
