BUUMI BWA BWINEKLISTU
Amuleye Shilubo Ishi Ndyemutoocita Ciiyo ca Baibo
Kwaamba Shiinji: Tamweelete kuyeeya ayi mulyeelete kusansulula shoonse. Yesu wakasebensesha miipusho kucafwa bantu kuyeeya alimwi akulicanina cikumbulo. (Mate. 17:24-27) Miipusho ilabotesha ciiyo alimwi ilacafwa utokwiisha kubona nshanyumfwisha alimwi anshashoma shikwiiya. (be-CG p. 253 mapa. 3-4) Na mwamwiipusha mwiipusho, amukalike moyo akulindilila ayi akumbule. Na shikwiiya wakumbula buteshi, amumwiipushe miipusho imwi yeenga yamucafwa kucana cikumbulo ceelete muciindi cakumulwiita cikumbulo. (be-CG 238 mapa. 1-2) Amwaambe munshila yeenga yacafwa shikwiiya kunyumfwishisha miyeeyo ipya.—be-CG 230 pala. 4.
Kuyumisha Makani: Amuleye kwaamba shoonse nshemushi pamakani ngomutokwiisha. (Joni 16:12) Amubikilebo maano kumakani anene ali mupalagilafu. (be-CG p. 226 mapa. 4-5) Makani aanji nabi kwaamba ayi alakondelesha, inga alengesha ayi muntu alube makani anene ngwatokwiiya. (be-CG p. 235 pala. 3) Na shikwiiya wanyumfwishisha makani anene ngwatokwiiya, amuye mupalagilafu itokonkaawo
Kwiindaamobo Mumakani: Tulisuni kushika muntu pamoyo, kuteshi kwiindaamobo mumakani. (Luka 24:32) Amusebenseshe Kabotu nkusu sha Maswi akwe Lesa kwiinda mukubikila maano kumalembo atokwaamba makani anene muciiyo. (2 Koli. 10:4; Ebu. 4:12; be-CG p. 144 mapa. 1-3) Amusebenseshe shikoshanyo shuubu kunyumfwisha. (be-CG p. 245 mapa. 2-4) Amuyeeye mapensho alimwi anshashoma shikwiiya, akwiisha munshila yeenga yamucafwa. Amwiipushe miipusho mbuli: “Ino utoshibona buyani nshoweeya apa?” “Ino ici citotwiishanshi pali Yehova?” “Ino mbubotunshi mbweenga wacana na wakonkela nshoweeya ishi?”—be-CG p. 238 mapa. 3-5; p 259 pala. 1.