BUUMI BWA BWINEKLISTU
Nobashali—Amucafwe Bana Banu Kuba Abusongo Bwakwe Lesa
Nshila yomwi inditeewo mbweenga bashali bacafwa bana babo kuba abusongo bwakwe Lesa, nkwiinda mukubacafwa kwaamba ayi banofubilaamo mumabungano Abwineklistu. Baana nshebabona, nshebanyumfwa alimwi anshebakumbula ndyebali kumabungano, inga shabacafwa kwiiya pali Yehova akuba abushicibusa buyumu anguwe. (Du 31:12, 13) Na muli bashali, ino nshinshi nsheenga mwaciita kwaamba ayi mucafwe bana banu kwiiya shiinji ndyebali kumabungano?
-
Amweeleshe cankusu kucanikaako kumabungano ku Ŋanda ya Bwaami.—Kulu 22:22
-
Mabungano kaatana kutalika nabi pesule lya mabungano amweeleshe cankusu kucana ciindi cakubandikaako abamakwesu abenankashi ku Ŋanda ya Bwaami.—Ebu 10:25
-
Amushinishe kwaamba ayi womwi awomwi mumukwashi wanu alicite mabuku akupulinta nabi apa fooni atokwiiyikwa kumabungano
-
Amucafwe mwanaanu kulibambila cikumbulo mumaswi akwe.—Mt 21:15, 16
-
Amwaambe shibotu pa mabungano alimwi anshetwiiya
-
Amucafwe bana banu kunokwaabanamo lubasu mukubotesha Ŋanda ya Bwaami akunobandika abacinene bamulibungano
Kucafwa bana banu kuba bushicibusa a Yehova kulayandika kusebensa cankusu, alimwi cimwi ciindi inga caboneka kuba ciyumu. Nacibi boobo, inga mwashoma cakutatonsha ayi Yehova alaakumucafwa.—Isa 40:29.
AMWEEBELE VIDYO ICITE MUTWI UTOKWAAMBA AYI NOBASHALI, AMUCINKE MANUNGO MULI YEHOVA ANKUSU SHAKWE, LYALO AKUKUMBULA MIIPUSHO ITOKONKELAAWO:
-
Ino kulinyumfwa kulema kwakabakuma buyani ba Zack aba Leah?
-
Ino nceebonshi bashali balyeelete kupaila kuli Yehova kwaamba ayi abape nkusu?
-
Ino ba Zack aba Leah bakatondesha buyani kucinka manungo muli Yehova kwaamba ayi abacaafwe?
