Amubelenge Matalikilo 25:​29-34 kwaamba ayi mushibe na Esau a Jakobo bakasala kabotu shakucita.

Amwiiye shiinji kwiinda mukubelenga makani oonse. Ino nshiinshi shakataanguna kucitika? (Mata. 25:​20-28) Ino nshiinshi shakacitika pesule?—Mata. 27:​1-46.

Amulangweetewo makani aamwi. Paciindi cilya, ino njimikuli nshi ashoolwe nshaakalinga kutambula mwaana mutaanshi kushalwa?—Mata. 18:​18, 19; w10-E 5/1 pe. 13.

• Sa mwaana musankwa wakalinga kweelete kuba mutaanshi kushalwa kwaamba ayi abe mushali mukulukulu wakwe Mesiya? (w17.12-CG mape. 14-15)

Amuyeeye pa nshomweeya ambweenga mwashikonkela. Ino nceebonshi Jakobo wakalinga kubona ayi coolwe cakuba mwaana mutaanshi kushalwa cakalinga kuyandika abuumbi kwiinda Esau mbwakalinga kucibona? (Ebu. 12:​16, 17; w13-CG 5/15 pe. 28 mapa. 10-11) Ino Yehova wakalinga kulinyumfwa buyani pa basankwa bobilo aba alimwi ino nceebonshi? (Mala. 1:​2, 3) Ino nshiinshi Esau nshaakalinga kweelete kucita kwaamba ayi asaleewo kucita shintu shili kabotu?

• Amuliipushe ayi, ‘Ino inga ndatondesha buyani kulumba pa shintu shakumushimu mushintu nshooncita nsondo ansondo, mbuli ndyentobika bubaambo bwakucita kulambila kwamukwashi?’