Bushiku bumwi, nankashi umwi ukala ku New Zealand wakeebela vidyo pa jw.org yaamba Yehova mbwaatunyumfwila nkuumbu akucitawo comwi. (Isa. 63:​7-9) Wakasalawo kukonkela nshakeeya kwiinda mukunoocafwako bamwi. Pabushiku bweenka ubo ndyaakaya mukuula shakulya, wakakumanya mwanakashi umwi watakalinga kuciteewo kwakukala akumulwiita ayi atoomulilaako shakulya. Mwanakashi uyo wakasumina. Nankashi uyo ndyaakaboola ashakulya, wakashimikilako mwanakashi kusebensesha katilakiti kacite mutwi waamba ayi Sa Mapensho Alaakumana?

Mwanakashi uyo wakalila. Wakaamba ayi bashali bakwe bakalinga Bakamboni alimwi bakamwiisha cancine ndyaakalinga mwanike, sombi taakwe kuya panembo. Nacibi boobo, conoono wakalinga kupaila kuli Yehova kwaamba ayi amucaafwe kuboolela kuli nguwe. Nankashi wakapa mwanakashi uyo Baibo akubika bubaambo bwakutalika kumwiisha Baibo. a

Bweenka mbuli Yehova, inga twatondesha nkuumbu kubantu kwiilikaawo akubeshikamukowa besu abamakwesu abenankashi mulibungano. Alimwi inga twatondesha nkuumbu kwiinda mukucana nshila sha mbweenga twashimikilako bamwi.