Beebene lyoonse macuunsa beshikubelenga makani a shakacitika mubuumi bakaamba ayi: “Makani aya alatuyuminisha akutupa kusangalala abuumbi na twaabelenga! Alatwiibalusha ayi aswebo inga twatolelela kushomeka mubukaalo buli boonse.” Nankashi umwi ulinyumfwa bweenka mbuli beebene aba wakalemba ayi: “Makani a shakacitika mubuumi alatuyuminisha, kutupa kucitawo comwi alimwi alatusangalasha. Nshetubelenga pa bamakwesu abenankashi shilatondesha ayi bakekala buumi bucite luyaando ampindu. Kubelenga shakacitika mubuumi bwabo kulaampa kucita shiinji muncito yakushimikila akuyuminisha bana bangu kusebensela Yehova muncito ya ciindi coonse.”

Makani a shakacitika mubuumi bwabo inga amuyuminisha kucita shiinji muncito yakwe Yehova, kusebensela mumbasu nshemutaciti kabotu, alimwi akuliyumya calusangalalo ndyemutokwiinda mumapensho ayumu. Ino inga mwacita buyani kwaamba ayi mucane makani aya?

• “Amulangoole makani a “shakacitika mubuumi bwabo” pa Watchtower LAIBULALI YAPA INTANETI, na Watchtower Library na pa jw.org.”