Tatulambilibo Yehova na twabungana pomwi kumabungano ansondo ansondo, kubungana kwalubasu, akubungana kunene. Sombi tulalambila Yehova andyetutocita ciiyo capalwesu akulambila kwamukwashi. Nsheeshi shimwi nsheenga mwaciita paciiyo capalwaanu andyemutoocita kulambila kwamukwashi:

• Kulibambila mabungano. Inga mweelikaawo akwiinduluka munyimbo sheshi shikeembwe akucafwa boonse mumukwashi kulibambila cikumbulo.

• Kubelenga makani amwi amu Baibo. Pesule lyakucita boobo, amulembe shikope shimwi shitotondesha shakacitika pamakani ngomwalinga kubelenga na kulemba nshomweeya.

• Kubelenga mupailo umwi waambwa mu Baibo, akubandika mbweenga mupailo uyo wamucafwa kunokwaamba mipailo ili kabotu.

• Kweebela vidyo imwi yakabambwa alibunga lyesu lyalo akubandika abamwi pa vidyo iyo na kulemba makani ngomweeya.

• Kulibambila bwakushimikila, mpashi kwiinda mukucita citondesho.

• Kweebela shilengwa akukutumana kuyeeyawo na kubandika nshomutokwiiya pali Yehova kuswa kushilengwa isho. a