Ndyetutolibambila kucita ciiyo capalweesu inga twaliipusha ayi, ‘Ino nshiinshi nshontolangila kwiiya?’ Sombi tulyeelete kunookwiibaluka ayi nabi katulangila kwiiya shintu shimwi, tacaambi ayi Yehova taasuniiwo ayi twiiye shintu shipya. Ino inga twacita buyani kwaamba ayi tukutike Yehova nshaatokweelesha kutwiisha?

Amupaile kusenga busongo. Amusenge Yehova kwaamba ayi amucaafwe kunyumfwishisha nshaasuni ayi mwiiye pacecino ciindi. (Jemu. 1:5) Muteelibo pa kukwaana anshemucishi kale.—Tus. 3:​5, 6.

Amusuminishe Maswi akwe Lesa acite nkusu kwaalula buumi bwanu. “Maswi akwe Lesa ali anga ncintu cuumi.” (Ebu. 4:12) Lyoonse na twabelenga Maswi akwe Lesa, inga tweeya makani apya eenga atucafwa munshila shipusenepusene mubuumi bwesu. Sombi inga atucafwabo na twashiiba ayi tulayandika kwiiya Yehova nshaatotwiisha.

Munoolumba pashintu shoonse Yehova nshaasebensesha kutwiisha. Shakulya shakumushimu nshaatupa shili anga ‘nshakulya shiindaawo kubota.’ (Isa. 25:6) Amuleye kutalya “shakulya” shakumushimu nshomuyeeya ayi inga tashimusangalashi. Na mwacita boobo, mulaakusuminisha Maswi akwe Lesa kumucafwa kuba muntu uli kabotu alimwi mulaakunosangalala kwiiya!