MUTWI WAKWIIYA 23
“Amucenjele Kwaamba ayi Kutabi Muntu Eshi Amubooshe Mubusha”!
“Amucenjele kwaamba ayi kutabi muntu nabi womwi eshi amubooshe mubusha kwiinda mubusongo bwa buntu bwa bubeshi kweelana atunshiyanshiya twa bantu.”—KOL. 2:8.
LWIIMBO 96 Libuku Lyakwe Lesa—Mbuboni
NSHESHI TWIIYE *
1. Kweelana alilembo lya Bene Kolose 2:4, 8, ino Satana alacita buyani kwaamba ayi atulengeshe kutalika kubona shintu kweelana akuyanda kwakwe?
SATANA alisuni kutukusha kuli Yehova. Aboobo aleelesha kwaalula miyeeyo yesu kwaamba ayi tutalike kubona shintu kweelana akuyanda kwakwe. Kwiilikaawo, alisuni kutucenjeeka kwiinda mukusebensesha shintu nshetubona ayi nshibotu.—Amubelenge Bene Kolose 2:4, 8.
2-3. (a) Ino nceebonshi tulyeelete kubikila maano kukucenjesha nkotucana palilembo lya Bene Kolose 2:8? (b) Ino nshiinshi nsheshi twiiye mumutwi uyu?
2 Ano sa ncakwiila Satana inga wacikonsha kutucenjeeka? Kwakubula akutoonsha! Na mutokwiibaluka, Paulo taakwe kulembela bantu bakunsengwe kucenjesha nkotucana palilembo lya Bene Kolose 2:8. Wakalembela Beneklistu bananikitwe amushimu usalashi. (Kolo. 1:2, 5) Satana wakalinga kusuni kucenjeeka Beneklistu paciindi cilya, apacecino ciindi mbocibete. (1 Koli. 10:12) Ino nceebonshi? Mukwiinga bakamuwaala pano pacishi ca panshi, aboobo alibikite maano abuumbi kukucenjeeka basebenshi bakwe Lesa bashomeka. (Ciyu. 12:9, 12, 17) Kwiilikaawo, tutokala muciindi ‘bantu bacita shibiibi ndyebatooya bubicilaakobo.’—2 Timo. 3:1, 13.
3 Mumutwi uyu, tutokwiiya Satana mbwaeelesha kucenjeeka bantu kwiinda mukusebensesha “bubeshi.” Tutoobandika nshila sha “bucenjeshi,” shotatwe nshaasebensesha (Efe. 6:11) Mumutwi utokonkelaawo, tulaakwiiya nsheenga twaciita kwaamba ayi tutanooyeeya kweelana akuyanda kwakwe Satana. Ano cakutaanguna, atubone Satana mbwaakacenjeeka bene Isilaeli ciindi ndyebakenjila mu Cishi Ncobakashomeshekwa.
WAKABEELESHA KUKULAMBILA SHIBUMBWABUMBWA
4-6. Kweelana alilembo lya Dutolonomi 11:10-15, ino bene Isilaeli bakalinga kweelete kwiiya nshila ipya ili yakulima ndyebakenjila mu Cishi Ncobakashomeshekwa?
4 Mubucenjeshi, Satana wakeelesha bene Isilaeli kukulambila shibumbwabumbwa. Ino wakasebensesha nshila nshi? Wakalinga kucishi kwaamba ayi bakalinga kuyandika shakulya, aboobo wakabeelesha kuluyaando lwabo lwakucana shakulya. Bene Isilaeli ndyebakenjila mu Cishi Ncobakashomeshekwa, bakalinga kweelete kwiiya nshila ipya yakulima shakulya. Ndyebakalinga mu Ijipiti bakalinga kulima shakulya kusebensesha maanshi akalinga kuswa mumulonga wa Nailo. Ano mu Cishi Ncobakashomeshekwa tamwakalingaawo mulonga unene, aboobo kwaamba ayi balime shakulya, bakalinga kuyandika maanshi kuswa kumfula amume. (Amubelenge Dutolonomi 11:10-15; Isa. 18:4, 5) Nceceeco bene Isilaeli ncebakalinga kuyandikila kwiiya nshila shipya shakulima. Ano ici tacakalinga cuubu, mukwiinga baanji bakalinga kucishi kabotu kulima bakamana kufwa muluyanga.
Ino Satana wakacita buyani kwaamba ayi aalule miyeeyo ya balimi ba bene Isilaeli? (Amubone mapalagilafu 4-6) *
5 Yehova wakalwiita bantu bakwe kwaamba ayi bukaalo bwabo bwacinja ano. Lyalo wakabacenjesha amaswi ngobatana kushiba kwaamba ayi akalinga kukumite kumakani abulimi: “Amucenjele kwaamba ayi myoyo yanu itakayungoolwi, kwaamba ayi mukaswe panshila akutalika kukotamina balesa bamwi akubalambila.” (Duto. 11:16, 17) Ino nceebonshi Yehova ncakaambila pakulambila shibumbwabumbwa ndyaakalinga kwaamba pamakani anshila shipya sha bulimi?
6 Yehova wakalinga kucishi kwaamba ayi bene Isilaeli, balaakusuna kwiiya nshila shakulima kuswa kubantu batakalinga kupaila Lesa abo Shakube. 25:3, 5; Boombo. 2:13; 1 Baami 18:18) Atubone Satana mbwaakabacenjeeka.
mbobakalinga kubambenaabo. Ncakwiila aba bantu batakalinga kupaila Lesa, bakalinga kucishi kabotu kulima kwiinda bene Isilaeli, alimwi bantu bakwe Lesa bakalinga kusa mukwiiyaako nshila shimwi shakulima, nacibi boobo, ishi shakabatola kukuyungwa. Balimi baku Kenani bakalinga kulambila Baali alimwi bakalinga kushoma mushintu shakubeca. Bakalinga kushoma ayi Baali ngowakalinga mwiine wa liculu alimwi ngowakalinga kubapa amfuula. Yehova taakalinga kusuni kwaamba ayi bantu bakwe banookonkela njiisho sha bubeshi ishi. Nacibi boobo, bene Isilaeli bakasalawo kupaila Baali. (NSHILA SHOTATWE SATANA NSHAAKASEBENSESHA KUCENJEEKA BENE ISILAELI
7. Ino Satana wakabacenjeeka buyani bene Isilaeli ndyebakenjila mu Cishi Ncobakashomeshekwa?
7 Nshila yakutaanguna Satana njaakasebensesha ndusuno lwakashalilo lwakusuna kwaamba ayi imfula iloke. Mu Cishi Ncobakashomeshekwa tamwakalinga kuloka mfula abuumbi mwaaka uli woonse kuswa mu April kushika mu September. Kwaamba ayi batebule shakulya shiinji akupuluka kunsala, bene Isilaeli bakalinga kucinkite manungo mumfula yakalinga kutalika cakuma October. Satana wakacenjeeka bene Isilaeli kutalika kuyeeya ayi kwaamba ayi baswitilile, bakalinga kweelete kukonkela milawo ya bantu batakalinga kupaila Yehova, abo mbobakalinga kubambenaabo. Bantu aba bakalinga kushoma ayi balyeelete kupaila balesa babo kwaamba ayi babaletele mfula. Abo batakalinga kucite lushomo muli Yehova, bakatalika kushoma ayi cilanga inga camanabo kwiinda mukupaila kubalesa bakubeca, aboobo bakatalika kupaila lesa wakubeca Baali.
8. Ino ni nshila nshi yabili Satana njaakasebensesha? Amusansulule.
8 Nshila yabili Satana njaakasebensesha kucenjeeka bene Isilaeli, ndunkumbwa lwakucita bulale. Bantu batakalinga kulambila Yehova bakalinga kupaila balesa baabo kwiinda mukucita shintu shibiibi abuumbi. Mukupaila kwabo, bakalinga kusuminisha banakashi abasankwa kucita shabulale mutempele. Alimwi bakalinga kubona ayi koonana kwa basankwa na banakashi beenka beenka anshila shimwi sha bulale shilibo kabotu! (Duto. 23:17, 18; 1 Baami 14:24) Bakalinga kushoma ayi kucita shintu sha mushobo uyu kwakalinga kuleta shoolwe shakulima kabotu kuswa kubalesa babo. Bene Isilaeli baanji bakatalika kucita sha bulale bweenka mbuli bantu batakalinga kulambila Yehova, alimwi ici cakabayunga kutalika kupaila balesa bakubeca. Munshila imwi inga twaamba ayi, Satana wakababika mubusha.
9. Kweelana alilembo lyakwe Osiya 2:16, 17, ino Satana wakacita buyani kwaamba ayi alengeshe bene Isilaeli kuluba Yehova mbwaabete?
9 Nshila yatatu Satana njaakasebensesha, nkulengesha bene Isilaeli kuluba Yehova mbwaabete. Mushinshimi Jelemiya ndyaakalinga muumi, Yehova wakaambilisha ayi bashinshimi bakubeca bakalinga kusuni kulengesha ayi bantu bakwe balube liina lyakwe “ceebo cakwe Baali.” (Jele. 23:27) Citooboneka kwaamba ayi bantu bakwe Lesa bakacileka kusebensesha liina lyakwe Lesa akutalika kusebensesha liina lyakwe Baali, ilyo lisansulula ayi “Mwiine” na “Mwaami.” Kucita boobu kwakapa bene Isilaeli kwaalilwa kubona bupusano bwakalinga pali Baali a Yehova, ici cakabapa kutalika kusenkanya kulambila kwakwe Yehova akwakwe Baali.—Amubelenge Osiya 2:16, 17.
SATANA MBWAACENJEEKA BANTU MUNSHIKU SHINO
10. Ino mbucenjeshi nshi Satana mbwaasebensesha munshiku shino
10 Amunshiku shino, Satana alasebensesha nshila shomwi shomwi. Alayunga bantu kwiinda mukusebensesha shintu nshebasuni mukashalilo,
kuyuminisha sha bulale, akulengesha bantu kuluba Yehova mbwaabete. Atutaangune kubandika Satana mbwalengesha bantu kuluba Yehova mbwaabete.11. Ino Satana wacita buyani kwaamba ayi alengeshe bantu kuluba Yehova mbwaabete?
11 Satana alalengesha bantu kuluba Yehova mbwaabete. Batumwi bakwe Yesu ndyebakamana kufwa, bantu bamwi bakalinga kuliita ayi mBeneklistu bakatalika kwiisha njiisho shakubeca. (Milimo 20:29, 30; 2 Tesa. 2:3) Bantu aba bakalengesha ayi bantu baalilwe kushiba Lesa wancinencinebo eenka. Kucakubonenaako, bakacileka kusebensesha liina lyakwe Lesa muma Baibo abo akubikaamo maswi mbuli “Mwaami.” Kucita boobo kwakalengesha kwaamba ayi bantu baalilwe kushiba bupusano buli pali Yehova “abaami” bamwi baambwa mu Malembo. (1 Koli. 8:5) Bakasebensesha liswi lyomwi lyomwi lyeenka ili lyakwaamba ayi, “Mwaami,” kusansulula Yehova alimwi a Yesu, ici ncecakalengesha ayi bantu baalilwe kushiba kwaamba ayi Yehova a Yesu mbantu bobilo bapusene. (Joni 17:3) Alimwi ici ncecakapa kwaamba ayi kube njiisho yakwaamba ayi muli Lesa womwi muli balesa botatwe. Ano ishi teshi nshotucana mu Maswi akwe Lesa. Aboobo bantu baanji balashoma ayi taakuwo weenga wamushiba kabotu Lesa. Sombi ubu mbubeshi bwiine bwakwaansa!—Milimo 17:27.
Ino Satana alasebensesha buyani bupailishi bwakubeca kuyunga bantu kucita bulale? (Amubone palagilafu 12) *
12. Ino bupailishi bwakubeca bulayuminisha nshi, alimwi ino nshiinshi shiswaamo, kweelana a Bene Loma 1:28-31?
12 Satana alayunga bantu kucita bulale. Muciindi ca bene Isilaeli, Satana wakayuminisha bulale kwiinda mukusebensesha bupailishi bwakubeca. Amunshiku shino nshaatoocita. Bupailishi bwakubeca bulayuminisha akuleka baabo bacita bulale. Aboobo, bantu baanji beshikulibona ayi batosebensela Lesa, bakacileka kukonkela njiisho shakwe Lesa pamakani akoonana. Munkalata njaakalembela bene Loma, mutumwi Paulo wakasansulula shiswa mukutakonkela njiisho shakwe Lesa. (Amubelenge Bene Loma 1:28-31.) Shintu “shiteelete” shileelikawo bulale bwa mushobo uli woonse, akoonana kwa banakashi na basankwa beenka beenka. (Loma. 1:24-27, 32; Ciyu. 2:20) Aboobo tulyeelete kukonkela Baibo nshoiisha!
13. Ino mbucenjeshi nshi bumwi Satana mbwaasebensesha?
13 Satana alayunga bantu kusebensesha shintu nshebasuni mukashalilo. Mukashalilo, soonse tulisuni kubaako alwiiyo lweenga lwatucafwa kucana nshetuyandika amukwashi wesu. 1 Timo. 5:8) Alimwi liinji, tulyeelete kuya kucikolo akusebensa cankusu kwaamba ayi tube alwiiyo ulo. Nacibi boobo, tulyeelete kucenjela. Mushishi shiinji, shikolo tashicafwibo bantu kuba alwiiyo lucafwa, sombi shilaiisha abusongo bwa buntu. Kucakubonenaako, shikolo shilayuminisha bantu kutoonsha na ncancine Lesa nkwaali nabi sobwe, kwiilikaawo, shilayuminisha abantu kutakonkela Baibo nshoiisha. Alimwi balaiisha beshicikolo ayi bantu bacenjete balashoma ayi shintu shoonse shakabakobo sheenka kwakubula mulengi. (Loma. 1:21-23) Ano njiisho sha mushobo uyu shilipusene abuumbi “abusongo bwakwe Lesa.”—1 Koli. 1:19-21; 3:18-20.
(14. Ino busongo bwa buntu bulayuminisha nshi?
14 Busongo bwa buntu bulapikisha njiisho shakwe Lesa. Tabucafwiwo muntu kuba ashisepo sha mushimu wakwe Lesa, sombi bulapa muntu kukonkela “milimo ya buntu.” (Gala. 5:19-23) Bulayuminisha bantu kulisumpula, aboobo ici cilapa bantu kuba “beshikulisuna.” (2 Timo. 3:2-4) Mibo iyi ilipusene abuumbi amubo wakuliceesha, uyo Lesa ngwaasuni ayi basebenshi bakwe banotondesha. (2 Samwe. 22:28) Muciindi cakubona shintu bweenka mbuli Lesa mbwaashibona, Beneklistu bamwi bakaya kushikolo sha peculu, bakatalika kubona shintu bweenka mbuli bantu bakucishi. Atubandike cakubonenaako comwi.
Ino busongo bwa buntu inga bwakuma buyani mbotubona shintu? (Amubone mapalagilafu 14-16) *
15-16. Ino nshiinshi nshotutokwiiyawo pamakani akacitikila nankashi umwi?
15 Nankashi umwi wakasebensa muncito yaciindi coonse kwa myaaka iindilila 15 wakaamba ayi: “Mbuli Kamboni wakabombekwa, ndakabelengawo akunyumfwa makani amapensho ngeenga muntu wacana na waya kucikolo capeculu, sombi nshikwe kwaabikilako maano. Ndakalinga
kuyeeya ayi makani ayo taakalinga kunkumitewo.” Ano ino wakacana mapensho nshi ndyaakaya kucikolo capeculu? Wakasumina akwaamba ayi: “Ndakalinga kusowa ciindi cilaamfu abuumbi kucikolo cakwaamba ayi nshindakalinga kubaawo aciindi cakupaila kuli Yehova mbuli mbondakalinga kucita kale kale, ndakalinga kulema abuumbi cakwaamba ayi ndakalinga kwaalilwa akushimikila, nabi kulibambila kabotu mabungano. Ano cakabotaako ncakwaamba ayi, ndyendakesa mukubona ayi cikolo capeculu citoobosha bushicibusa bwangu a Yehova pesule, ndakashiba ayi ndyeelete kucileka. Aboobo mbondakacileka cikolo ico.”16 Ino lwiiyo lwapeculu ulu lwakapa nankashi uyu kutalika kuyeeya buyani? Wakaamba ayi: “Ndicite ansooni kwaamba ayi lwiiyo lwapeculu lwakampa kutalika kubikila maano abuumbi kushilubo sha bamwi, bunene bunene bamakwesu abenankashi, ndakatalika kulangila bamwi kucita nsheenga tabacikoonshi, alimwi ici cakapa kwaamba ayi nolisalulula. Cakatola ciindi cilaamfu kwaamba ayi ncileeke kuyeeya mushobo uyu. Alimwi ishi nshendakeendaamo shakatondesha mapensho ngeenga twacaana na twakaka kunyumfwila kucenjesha kutupa Ishiwesu wakwiculu kwiinda mulibunga lyakwe. Yehova alinshi kabotu kwiinda mbondishi nemwiine. Aboobo ndakalinga kweelete kumunyumfwila!”
17. (a) Ino nshiinshi nshotweelete kuba bashinishite kucita? (b) Ino tulaakwiiya nshi mumutwi utokonkelaawo?
17 Amube bashinishite “kwaamba ayi kutabi muntu nabi womwi eshi amubooshe mubusha kwiinda mubusongo bwa buntu bwa bubeshi” buli mucishi cakwe Satana. Amutolelele kulishitilisha kuswa kubucenjeshi bwakwe Satana. (1 Koli. 3:18; 2 Koli. 2:11) Mutasuminishi Satana kumupa kuluba Yehova mbwaabete alimwi ambwaasuni ayi munoomulambila. Amukonkele njiisho shakwe Yehova lyoonse. Alimwi mutasuminishi Satana kumucenjeeka kwaamba ayi mutabikili maano kushintu Yehova nshamulwiita. Ano ino inga mwacita buyani na mwesa mukushiba kwaamba ayi mwakatalika kubona shintu mbuli bantu bakucishi mbobashibona? Mutwi utokonkelaawo ulaakututondesha mbweenga Maswi akwe Lesa atucafwa kukoma miyeeyo anshetucita nabi “shiyumu nta.”—2 Koli. 10:4, 5.
LWIIMBO 49 Kusangalasha Moyo Wakwe Yehova
^ par. 5 Satana alishi kabotu abuumbi kucenjeeka bantu. Wamana kusowa bantu baanji abuumbi cakwaamba ayi balabona anga balyaangulukite ndyebali mubusha. Mumutwi uyu tutokwiiya nshila Satana nshaasebensesha kubeca bantu.
^ par. 48 BUSANSULUSHI BWACIKOPE: Bene Isilaeli batoyungwa abene Kenani kwaamba ayi balambile Baali akucita bulale.
^ par. 51 BUSANSULUSHI BWACIKOPE: Cikwankwani citotondesha ceeci isuminisha koonana kwa basankwa na banakashi beenka beenka.
^ par. 53 BUSANSULUSHI BWACIKOPE: Nankashi wacanike waya kucikolo capeculu. Lakwe abeshicikolonyina batookutika ndyebatokwiishikwa ayi sayansi abusongo bwa munshiku shino inga bwamana mapensho oonse bantu ngobeendaamo. Ndyaali Kuŋanda ya Bwaami, taatobikila maano kushintu nshatokwiiya alimwi atopikisha.