CIIYO 25
Ino Nciinshi Lesa Ncaakatulengela?
Baibo ilaamba ayi muntu “ulicitebo nshiku shiniini shiswite mapensho.” (Jobo 14:1) Ano sa ubu mbobuumi Lesa mbwaasuni ayi tunookala? Na teshi mbwaasuni, ino wakatulenga ayi tunokala buyani? Sa luyaando ndwakatulengela lulaakukumanishikwa? Amuleke tubandike Baibo mboikumbula miipusho iyi.
1. Ino Lesa alisuni ayi tunookala buumi bwa buyani?
Yehova alisuni ayi tunookala buumi bwiinditeewo kubota. Ndyaakalenga bantu bakutaanguna Adamu a Efa, wakababika mumuunda ubotu abuumbi wa Edeni uyo wakalinga paladaiso. Lyalo “Lesa wakabapa coolwe akubaambila ayi, ‘Amushalane mufule, akususha cishi ca panshi.’” (Matalikilo 1:28) Yehova wakalinga kusuni ayi babe abaana lyalo akulengesha cishi capanshi coonse kuba paladaiso, alimwi akulama shinyama. Luyaando lwakwe lwakalinga lwakwaamba ayi bantu boonse babe abuumi bubotu kwamuyayaya.
Nabi kwaamba ayi shintu tashina kuba kweelana akuyanda kwakwe, a luyaando lwakwe Lesa taluna kwaaluka. (Isaya 46:10, 11) Acisuni kwaamba ayi bantu bamunyumfwila bakekale buumi bubotu kwamuyayaya.—Amubelenge Ciyubululo 21:3, 4.
2. Ino inga twacita buyani kwaamba ayi tube abuumi bucite mpindu pacecino ciindi?
Kweelana a Yehova mbwakatulenga, tulayandika kutanjililwa anguwe. (Amubelenge Mateyo 4:4; 5:3-6.) Alisuni kwaamba ayi tube abushicibusa buyumu anguwe, ‘kucita shoonse nshaamba, kumusuna,’ alimwi akumusebensela “amyoyo [yesu] yoonse.” (Dutolonomi 10:12; Kulumbaisha 25:14) Kucita boobo kulaakutupa kuba basangalete nabi ndyetutokwiinda mumapensho. Kusebensela Yehova kulatupa kulinyumfwa kuba ampindu mubuumi bwesu.
AMWIIYILEWO ASHIMWI
Amwiiye Yehova mbwakatondesha lusuno lwiinditeewo kwiinda mukutubambila cishi capanshi alimwi anshetwiiya kwiinda mu Maswi akwe pamakani aluyaando lwa buumi.
3. Yehova alisuni ayi bantu banookala buumi bubotu
Amweebele VIDYO, akubandika mwiipusho utokonkelaawo.
-
Ino nceebonshi Lesa wakalenga cishi capanshi cibotu?
Amubelenge Shikushimikila 3:11, akubandika mwiipusho uyu:
-
Ino makani aya atomwiisha nshi pali Yehova?
4. Luyaando lwakwe Yehova talukwe kwaaluka
Amubelenge Kulumbaisha 37:11, 29 alimwi Isaya 55:11, akubandika mwiipusho uyu:
-
Ino tulishi buyani ayi luyaando lwakwe Yehova talukwe kwaaluka?
Na ŋanda yanyonyooka inga yabambwa alimwi. Ubu mbocibete apamakani acishi capanshi, ico bantu ncobanyonyoola. Lesa alaakucibamba kwaamba ayi mukekaale bantu bamusuni
5. Kusebensela Yehova kulatupa kuba ampindu mubuumi
Kushiba luyaando lwa buumi inga kwatupa kuba alusangalalo. Amweebele VIDYO, akubandika mwiipusho utokonkelaawo.
-
Ino kwiiya paluyaando Lesa ndwakatulengela kwakabacafwa buyani ba Terumi?
Amubelenge Shikushimikila 12:13, akubandika mwiipusho uyu:
-
Mukwiinga Yehova wakatucitila shintu shiinji abuumbi, ino inga twatondesha buyani ayi tulalumba?
BAMWI INGA BAMWIIPUSHA AYI: “Ino buumi bulicite mpindu nshi?”
-
Ino inga mwakumbula buyani?
CITEENTE CINENE
Yehova alisuni kwaamba ayi tube abuumi bubotu kwamuyayaya pacishi capanshi. Tulacana mpindu mubuumi bwesu na katumusebensela camoyo woonse.
Kwiindulukaamo
-
Ino nduyaando nshi Yehova ndwaakalengela Adamu a Efa?
-
Ino tulishi buyani ayi luyaando Lesa ndwaakalengela bantu talukwe kwaaluka?
-
Ino inga mwacita buyani kwaamba ayi mucane mpindu mubuumi?
AMULANGWETEEWO ASHIMWI
Amwiiye akushiba nceenga twashomena ayi muunda wa Edeni ncakwiila wakalingaako.
“Cancine Pamakani Amuunda wa Edeni” (Njashi Yamulindilishi, January 1, 2011)
Amwiiye sheenga shatupa kushoma ayi cishi capanshi cilaakubaako kwamuyayaya.
“Sa Cishi Capanshi Cilaakunyonyoolwa?” (Makani acanika pa jw.org)
Amwiiye akubona Baibo nshoyaamba pamakani ambweenga mwacana mpindu mubuumi bwanu.
“Ino Buumi Bulicite Mpindu Nshi?” (Makani acanika pa jw.org)
Amwiiye pa musankwa umwi wakalinga kubona ayi alicite shoonse, mbwakacana nshaakalinga kubulishite.
a Muciiyo citokonkelaawo, mulaakwiiya cakapa kwaamba ayi tutabi abuumi Lesa mbwaakalinga kusuni.
You May Also Like
MIIPUSHO LIINJI BANTU NJOBEPUSHA
Ino Nshiinshi Nsheenga Mweeya Ndyemutokwiiya Baibo a Bakamboni Bakwe Yehova?
Ndyemutokwiiya Baibo a Bakamboni Bakwe Yehova kwakubula kulipila, inga mwasebensesha Baibo ili yoonse. Mulyangulukite kwiitako bamumukwashi wanu na beshicibusa banu bali boonse mbweenga mwasuna kucanikaawo paciiyo.
