•   “Pafwiifwi a haafu ya bantu bamanene bekala ku United States bakaamba ayi bakalinyumfwawo kale kuumuninwa. Alimwi baanji bakalinyumfwawo boobo mbantu bacite myaaka pakati ka 18 a 25.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “Bamu kabunga ka World Health Organization bakapa ncito likoto lya bantu bamwi ya kulangoola makani aamba pa kuumuninwa uko kuli ndipenshi litoyandika kusebenselwawo cakufwambaana, kuyuminisha bantu kubikila maano kukuba abushicibusa abamwi alimwi akucana nshila shiinji shili kabotu sha mbweenga bamana lipenshi lya kuumuninwa mushishi shoonse tacicite mulandu nabi kwaamba ayi mushishi isho muli bukandu abuumbi.”​—World Health Organization, November 15, 2023.

 Baibo ilaamba makani eenga atucafwa kuba abushicibusa buli kabotu abamwi ico ceenga capa kwaamba ayi tutanoolinyumfwa kuumuninwa.

 Amuceyesheko kucita shintu sheenga shapa kwaamba ayi munooba nweenka. Shintu ishi shileelikaawo kusebensesha bunene intaneti. Muciindi cakucita boobo, amweeleshe kucana ciindi cakuba pomwi abamwi alimwi kucita boobo inga kwamucafwa kuba abeshicibusa bancine.

•   Njiisho yamu Baibo: ‘Shicibusa wancinencine ulasuna mubye ciindi coonse, alimwi ngomukwanu wakashalilwa kukucafwa mumapensho.’​—Tushimpi 17:17.

 Amucane nshila sha mbweenga mwacafwa bamwi. Kucitila bamwi shibotu kulatucafwa kuba abushicibusa buyumu ambabo alimwi kulatupa kuba alusangalalo.

•   Njiisho yamu Baibo: ‘Kupa kulaleta lusangalalo abuumbi kwiinda kutambula.’​—Milimo 20:35.

 Amuye pa webusaiti yesu kwaamba ayi mucane makani aamwi amu Baibo eenga amucafwa kushiba mbweenga mwaba abushicibusa buli kabotu abamwi.