“Bacanike batoociswa bulwashi bwa mumiyeeyo batoya cifulilaako alimwi ili ndipenshi ndyetutoyandika kusebenselaawo cakufwambaana. Alimwi cinene citolengesha nceebo ca kusebensesha bunene intaneti.”—Ba Dr. Vivek Murthy, baku U.S.A banene baku sha maopaleshoni, New York Times, June 17, 2024.

 Ino bashali inga bacita buyani kwaamba ayi bashitilishe bana babo kumapensho ngeenga bacana ceebo cakusebensesha intaneti? Mu Baibo muli makani eenga abacafwa.

 Amuyeeye panjiisho shamu Baibo shitokonkelaawo.

 “Muntu ucenjete ulataanguna kuyeeya ncaaelete kucita.”​—Tushimpi 14:15.

 Mukwiinga kusebensesha intaneti inga kwaleta mapensho ku mwanaanu, mutanoolinyumfwa ayi mulyeeletebo kumusuminisha kusebensesha intaneti. Kamutana kusuminisha mwanaanu kutalika kusebensesha intaneti, mulyeelete kushinisha ayi ngumunene cakwaamba ayi inga wakonkela milawo njomumupa pa bulaamfu bwa ciindi ncaaelete kubandika abamwi pa intaneti, kutolelela kusala kabotu beshicibusa alimwi akuleya kubelenga makani na kweebela mavidyo atabete kabotu.

•   Kwaamba ayi mwiiye shiinji, amubelenge mutwi wamu Chitonga waamba ayi “Sena Mwanaangu Uleelede Kubelesya Social Media?” alimwi awaamba ayi “Kuyiisya Mwanaanu Mbwakonzya Kwiibelesya Kabotu Social Media.”

 ‘[Amusebenseshe] kabotu ciindi ncomucite.’—Bene Efeso 5:16.

 Na mwasuminisha mwanaanu kunobandika abamwi pa intaneti, amubike milawo njaeelete kunokonkela ndyaatocita boobo alimwi akumusansulwita mbweshi akashitilishikwe na kaikonkela. Amubikile maano ku shintu shili shoonse mwanaanu nsheenga watalika kucita shitotondesha ayi inga mwayandika kumukasha kunobandika bunene abamwi pa intaneti.

•   Inga mweebela vidyo ya shiiyo shakulemba paboodi icite mutwi waamba ayi Amusebenseshe Intaneti Munshila Yeelete kwaamba ayi mucafwe mwanaanu kushiba kuyandika kwa kutanobandika bunene abamwi pa intaneti.

 Baibo ilaamba ayi tutokala mu “shiindi shiyumu abuumbi.” (2 Timoti 3:1-5) Sombi ilaamba amakani eenga atucafwa munshiku shino nshetutokalaamo. Inga mwacana mitwi yamakani iindilila 20 yeenga yacafwa bashali abana babo mumutwi uyu waamba pa bulwashi bwa mumiyeeyo kubacikula bwangu.