Bantu baanji ku Haiti batofwa ceebo ca shankondo. Bantu baanji ku South Africa, Mexico alimwi amushishi shaku Latin America batoopenga ceebo ca shankondo. Nabibo mushishi inkondo moshaceyaako, bantu bacilisukama akulinyumfwa kutashitilishikwa ceebo cakunyumfwa malipooti akwiipilwa shintu, kunyonyookelwa shintu alimwi akutentelwa shintu.

 Ino nshiinshi Baibo nshoyaamba pa bubi butoocitika nsengwe yoonse?

 Baibo yakaambila limwi ayi bubi bulaakuba pa shintu sheshi shikanotondesha ayi “mamanino a cishi” ali pafwiifwi. (Mateyo 24:3) Yesu Klistu ndyaakalinga kwaamba pasheshi shikanoocitika, wakaamba pabubi ayi:

•   “Ceebo bubi bulaakufula, lyalo lusuno lwa bantu baanji lulaakuceya.”​—Mateyo 24:12.

 Alimwi Baibo yakaambila limwi ayi “munshiku shakweelaako” bantu balaakuba “batalitibuki, bakali, batasuni shintu shibotu.” (2 Timoti 3:1-5) Bubi mbotutoobona munshiku shino, nceebo cakwaamba ayi bantu bamwi balatondesha mibo iyi itabete kabotu.

 Sombi kuli sheebo shibotu sheenga shatupa kulangila. Baibo yakashomesha ayi conoonobo bubi bulaakumana.

•   ‘Cakufwambaana bamucita shibi balaakushimingana, Mulaakweelesha kubalangoola, sombi teshi mukababoneewo. Sombi balibombya balaakwikala mucishi alimwi balaakwikala cakusangalala muluumuno luunji.’​—Kulumbaisha 37:10, 11.

 Amwiiye shiinji Baibo nshoyaamba sheenga shatupa kulangila alimwi asheenga shamucafwa kushoma cakutatoonsha ayi shintu shitoocitika shitookumanisha bushinshimi bwamu Baibo. Amubelenge mitwi itokonkelaawo yamu Chitonga.

 “Bulangizi Bwini-bwini Bwabuumi Bubotu Kumbele”

 “Ino Citondezyo ‘Camazuba Aamamanino,’ naa ‘Ciindi Camamanino’ Ninzi?”

 “Sena Bbaibbele Lyakaambilalimwi Bantu Mbobanikuyeeya Akucita Zintu Mazuba Aano?”