“Nabi kwaamba ayi bulwashi bwa COVID-19 bwaceyaako nsengwe yoonse, ici tacaambi ayi bulwashi ubu teshi bukaletewo mapensho kubantu nsenge yoonse.. . . Inga twalangila ayi kulaakuba bulwashi abumwi bweshi bukakume bantu nsengwe yoonse, alimwi tulyeelete kuba balibambite.”​—Ba Dr. Tedros Adhanom Ghebreyesus, ba director-general ba kabunga ka World Health Organization, May 22, 2023.

 Bantu baanji batolelela kupenga lwakumubili alimwi amumiyeeyo ceebo ca bulwashi bwa COVID-19. Sa bamu mfulumeende abamu tubunga tulanga pa buumi balaakuba balibambite na kukese bulwashi bweshi bukakume bantu nsengwe yoonse, alimwi sa inga bacikonsha kukushawo malwashi ngotutociswa?

 Baibo ilaamba pamfulumeende yeshi ikakusheewo malwashi ngotutociswa. Ilaamba ayi ‘Lesa wakwiculu alaakubika bwaami,’ na mfulumeende. (Danyelo 2:44) Paciindi mfulumeende iyo ndyeshi ikanokweendelesha, ‘taakuwo muntu eshi akaambe ayi: ‘Ndaciswa.’’ (Isaya 33:24) Muntu uli woonse alaakuba abuumi buli kabotu alimwi alaakuba ankusu mbuli bacikula bwangu.​—Jobo 33:25.