“Lipenshi linene lya kwaaluka kwa mbokuca, litooleta mapensho aanji kubantu, mu matauni alimwi akushintu shicite buumi pacishi. Mumisena ipusenepusene mutooloka mfula inene yacipuupu ceebo ca kwaaluka kwa mbokuca, akupa kwaamba ayi maanda anyonyooke alimwi bantu batabi anshebayandika nsengwe yoonse. Mumisena mukala shintu shicite buumi shamu lweenge mutolungula abuumbi alimwi mpashi shiinji shilaakufwa.”​—Ba Inger Andersen, ba under-secretary-general ba kabunga ka United Nations alimwi ba executive director ba kabunga ka UN Environment Programme, July 25, 2023.

 Sa mfulumeende shilaakusebensela pomwi kwaamba ayi shimane mapensho aya atookuma bantu nsengwe yoonse? Sa inga shacikonsha kumana mapensho aya cakumaninina?

 Baibo ilaamba pamfulumeende yeshi ikacikoonshe kumana mapensho oonse ngotwiindaamo ceebo ca kunyonyooka kwacishi. Ilaamba ayi ‘Lesa wakwiculu alaakubika bwaami,’ nkokwaamba ayi mfulumeende yeshi ikeendeleshe cishi coonse akumana mapensho aliiwo. (Danyelo 2:44) Paciindi mfulumeende iyo ndyeshi ikanokweendelesha, bantu ‘teshi bakacite cintu cibiibi cili coonse’ ku bantunyinaabo na kucishi capanshi.​—Isaya 11:9.