Bantu kushinguluka nsengwe yoonse balalinyumfwa kuumuninwa alimwi akulinyumfwa ayi inga tababiiwo abushicibusa abamwi. Bakeeya abuumbi pabuumi balashoma ayi kucafwa bamwi ninshila yomwi mbweenga twaceeshako kulinyumfwa kuumuninwa.

•   “Kucafwako bamwi nshebayandika, inga kwapa kwaamba ayi tube abuumi buli kabotu alimwi inga kwatucafwa kuceeshako kulinyumfwa kuumuninwa na kulitalamusha kubamwi.”—U.S. National Institutes of Health.

 Baibo ilatulwiita nsheenga twaciita kwaamba ayi tucafwe bamwi. Kukonkela nshoyaamba inga kwatucafwa kukoma lipenshi lyakulinyumfwa kuumuninwa.

 Amutondeshe mushimu wabwaabi. Amucane ciindi cakuba pomwi abamwi. Amube balibambite kupako bamwi nshemucite. Na mwacita boobo, mpashi balaakumulumba alimwi ici inga camucafwa kuba abushicibusa ambabo.

•   Njiisho yamu Baibo: ‘Amutondeshe mushimu wabwaabi, abalo bantu balaakumwaabila.’—Luka 6:38.

 Amusebenseshe nkusu shanu kucafwa bamwi. Amucane nshila sha mbweenga mwacafwa bantu batokwiinda mubukaalo buyumu. Ici cileelikaawo kubakutika ca nkuumbu na kubacitila shintu shimwi nsheenga shabacafwa mubuumi.

•   Njiisho yamu Baibo: “Shicibusa alilibambite kucafwa, mubukaalo buli boonse.”—Tushimpi 17:17, Contemporary English Version.

 Kwaamba ayi mushibileewo ashimwi mbweenga mwatolelela kuba abushicibusa bubotu abamwi, amubelenge mutwi wamu Chitonga waamba ayi “Mukwasyi Alimwi Akusala Balongwe Bali Kabotu.”