Kweelana alipooti imwi ya conoono ya nsengwe yoonse, a muntu womwi pa bantu bali 4 alalinyumfwa kuumuninwa.

•   “Muntu uli woonse tacicite mulandu aciimo na musena nkwaakala, inga watalika kulitalamusha kubamwi.”​—Ba Chido Mpemba, beshikucafwilisha ceyamani mukabunga ka World Health Organization Commission on Social Connection.

 Bantu bamwi balayeeya ayi bacinene na abo bekala beenka mbobalinyumfwabo kuumuninwa. Sombi bacanike, bacite buumi buli kabotu, bekala kabotu alimwi abali mucikwati, abalo inga balinyumfwa kuumuninwa. Kulitalamusha kubamwi akulinyumfwa kuumuninwa inga kwanyonyoola buumi bwa bantu akukuma mbobayeeya.

•   Ba Dr. Vivek Murthy, banene balanga kusha maopaleshoni ku United States bakaamba ayi: “Kuumuninwa kuleelikaawo shiinji kuteshibo kulinyumfwa cibiibi. Bantu balangilwa kufwa ceebo ca kulitalamusha kubamwi balyeelenebo abantu balangila kufwa ceebo cakufweba tusanga twa fwaka tuli 15 bushiku abushiku.”

 Mulengi wesu taasuniiwo kwaamba ayi tunoolitalamusha kubamwi. Lyoonse kuyanda kwakwe Lesa nkwakwaamba ayi bantu banooba abushicibusa buli kabotu abamwi alimwi busangalasha.

•   Njiisho yamu Baibo: “Lesa wakaamba ayi: ‘Tacibete kabotu musankwa kwikala eenka.’”​—Matalikilo 2:18.

 Lesa alisuni ayi tube abushicibusa anguwe. Wakatushomesha ayi alaakusena pafwiifwi andiswe na tweelesha kusena pafwiifwi anguwe.​—Jemusi 4:8.

•   Njiisho yamu Baibo: ‘Balisangalete abo bacishi kwaamba ayi balayandika kutanjililwa a Lesa mukwiinga Bwaami bwa kwiculu mbwaabo.’​—Mateyo 5:3.

 Lesa alisuni kwaamba ayi tunoomulambila pomwi abamwi. Na katucita boobo, tulaba bantu basangalete.

•   Njiisho yamu Baibo: ‘Katubikilana maano kwaamba ayi tuyuminishanye kutondesha lusuno akucita ncito shibotu, tutacileeki kubungana pomwi, . . . sombi tunoyuminishanya.’​—Bene Ebulu 10:24, 25.

 Kwaamba ayi mushibileewo ashimwi ncociyandikila kuleya kuumuninwa, amubelenge mutwi wamu Chitonga waamba ayi “Kulendelelwa Munyika Iizwide Mincini.”