Bantu baanji balayeeya ayi taakuwo nsheshi bakacite kwaamba ayi bamane mapensho bantu nsengwe yoonse ngeshi bakeendeemo mu 2024. Nacibi boobo, inga twalangila ayi buumi bulaakubota kunembo. Ino nkuli nkweenga twacana makani aya?

 Baibo ilaamba ayi Lesa alaakumana mapensho oonse ayo apa kwaamba ayi tunoobona anga shintu teshi shikaboteewo mubuumi. Conoonobo, Lesa ‘ulaakutukunkumuna minsonshi yoonse, lufu teshi lukabeeko alimwi, teshi kukabe buumba, kulila nabi kunyumfwa kucisa.’​—Ciyubululo 21:4.

•   Kwaamba ayi mushibe shiinji Baibo nshoyaamba pa buumi mbweshi bukabe kunembo, amubelenge mutwi wamu Chitonga waamba ayi “Bulangizi Bwini-bwini Bwabuumi Bubotu Kumbele.”

 Baibo ilatushomesha buumi bubotu kunembo alimwi kushiba makani ayo inga kwamucafwa kucileka kulinyumfwa cibiibi lyalo akunobona shintu munshila ili kabotu. (Bene Loma 15:13) Alimwi makani acanika mu Baibo inga amucafwa ndyemutokwiinda mumapensho mbuli bukandu, kucitilwa shintu shitaluleme akuciswa.

•   Amubone shishomesho shamu Baibo mboshakacafwa musankwa umwi kuba aluumuno alusangalalo nabi kwaamba ayi wakakomenena mumukwashi mobakalinga bakandu abuumbi. Amweebele vidyo yamu Chitonga icite mutwi waamba ayi Ba Juan Pablo Zermeño: Jehova Wakandipa Buumi Bulaampindu.

•   Amushibe mbweenga Baibo yamucafwa ndyemutoolipa mulandu, kulinyumfwa cibiibi, kulisukama alimwi na shikamukowa nabi shicibusa wafwa. Amubelenge mutwi wamu Chitonga waamba ayi “Sena Inga Ndajana Majwi Aawuumbulizya mu Bbaibbele?

•   Amubone mwanakashi umwi wakalinga musoja uyo wakalyaamba ayi “ndimubiibi alimwi ndishilunkutwe” mbwaakaba akulangila ceebo ca nshakeeya mu Baibo. Amweebele vidyo yamu Chitonga icite mutwi waamba ayi Ndakacileka Busikalumamba.

 Amucite sheenga shapa kwaamba ayi mwaaka wa 2024 ukabe kabotu kuli ndimwe a kumukwashi wanu. Amwiiye shiinji mbweenga Baibo yamucafwa. Amweeleshe kwiiya Baibo andiswe munshila ya kubandikishanya kwakubula kulipila. Amwiiye mbweenga Lesa wamucafwa kuba a ‘miyeeyo ya luumuno’ alimwi a ‘kumupa kulangila buumi bubotu kunembo.’​—Jelemiya 29:11.