AMUTALIKE KWIIYA BAIBO ABAKAMBONI BAKWE YEHOVA
Amusangalale Abuumi Kwamuyayaya!
Amutalike kwiiya Baibo kwakubula kulipila kwaamba ayi mucane shikumbulo kumiipusho mbuli:
Ino inga ndacita buyani kwaamba ayi mbe alusangalalo mubuumi?
Sa shibiibi akupenga shilaakumana?
Sa beshikamukowa abeshicibusa bangu bakafwa ndaakubabonawo alimwi?
Sa ncakwiila Lesa alambikilako maano?
Ino inga ndapaila buyani akushiba ayi Lesa atoonkutika?
Taakuwo Kulipila
Mulaakumanisha kwiiya Baibo kwakubula kulipila, alimwi teshi bakamulipilishewo pakumupa libuku lya Amusangalale Abuumi Kwamuyayaya! nabi Baibo na tamucitewo.
Mulaakulisalila Nobeene
Inga mwalisalila na mulisuni ayi beshibakanoomwiisha bakanoosa kumishaanu nabi kunookwiiya kusebensesha intaneti paciindi amusena nsheenga mwasala.
Mulyaangulukite
Inga mwacileka kwiiya paciindi cili coonse ncomusuni.
Ino nshiinshi shicitika pa ciiyo ca Baibo?
Muntu umwi weshi akanomwiisha alaakumucafwa kunyumfwishisha makani amu Baibo, muciiyo comwi acomwi. Ndyeshi mukanokwiiya Baibo munshila yakubandikishanya kusebensesha libuku lya Amusangalale Abuumi Kwamuyayaya! mulaakushiba Baibo nshoyaamba ambweenga yamucafwa. Kwaamba ayi mushibileewo ashimwi, amweebele vidyo iyi na kubona shikumbulo kumiipusho liinji bantu njobeepusha pa ciiyo ca Baibo mbocicitwa.
Sa mulisuni kweeleshaako kwaamba ayi mubone ciiyo mbocicitwa?
Amubone shiiyo shakutaanguna shili mulibuku ili.
Sa inga mwasuna kubelenga shiiyo ishi?
Amutyanke pakabokosi kali paanshi apa kwaamba ayi mulembe ndyeenga mwasuna kutalika kwiiya Baibo.