1. Katonda waffe wa kisa;

’Kisa kye kingi nnyo ddala.

Abakola eby’ekisa

Abafaako; abaagala.

Aboonoonyi bwe beenenya

’Ssaala zaabwe ziwulirwa.

Asaasira abanafu;

Amanyi nti tuli nfuufu.

2. Bwe tumenya ’mateeka ge,

Tusaba atusonyiwe.

Naye nga tetunnasaba,

Tulina okujjukira

Nti tulina okuba nga

Twasonyiye abalala.

Bwe tuba tukoze tutyo,

Emirembe tuba nagyo.

3. Bwe tubaako bye tugaba,

’Kisa kye tuba tulaga.

Tetwefuuyira kkondeere

Lw’ebyo bye tuba tugabye.

Byonna Yakuwa ’biraba;

Y’ajja okutusasula.

Ba ssanyu nnyo ab’ekisa;

Basiimibwa nnyo Katonda.